係咪玩交友app都係咁

內向係一個性格，你改到唔代表其他人都改到嘅，唔係針對你，只係內外向可以係天生，就算改到，都唔係做返自己，真係會開心啲?

香港個環境你要搭訕咪又係同玩app一樣，一早比人玩爛，你搭訕人地都會有戒心，一有戒心根本唔會傾得到

去興趣班一樣可以你有心識人，人地冇心識你，結果都係一個loop，每次個主角換左人only

不過玩app又真係傾幾耐其實都係成個陌生人咁嘅，所以最好都係speed dating，但唔會有後生嘅人玩

多3kg個bmi已經25.9喇喎

靚女先係咁

1）有肚腩又可以正常，咁你覺得點先叫唔正常?我就係講嘢你冇一個標準
我界定唔到，但170cm, 75kg好大機會偏肥

2) 同理，我唔知66.3係唔係唔正常，都唔知67kg係唔係唔正常，可能有個體差異，但75kg好大機會偏肥，73kg大機會偏肥，69kg/70kg都有一半以上機會偏肥

3) 唔計運動下的bmi 偏離正常範圍，如果計埋 計運動的body fat，冇做運動的樓主，在合理推斷下（假設170, 69-75），係咪大機會比bmi所反映的健康程度 會差一d?

4）如果所有人都做唔到，咁正常嘅程度都唔會調整???你認真??咁啫係全部人都唔正常? 呢段有咩問題？

5) again，我唔識準備界定咩叫小肥，例如咩kg 咩身高先叫小肥，但你會知道170 cm, 69-75kg 好大機會唔係小肥，例如bmi偏離正常水平，政府網顯示係邊緣／中度肥胖，又或者唔做運動，其實身體情況更差

6) 如果你要我格硬界定，我會傾向覺得係正常範圍的upper limit 或者超出少少，呢個位先可以定義為小肥，假設身高body fat等各類不變，53.5 同66.2都差成10kg...同平均數59.85kg都差成 近6kg

咁每人都想保持自己性格，又想識到人，做到自然好
但現實係世界唔係咁運作，
一係你逼自己外向迎合呢個世界
一係你一直尋覓你要搵的人，可能下年就有，又有可能10年之後都冇

我唔覺得內向有錯／有問題，可以一直維持落去都冇所謂。但我討厭d人成日話內向的人冇得逼，多數係自己唔願意作出改變，成為唔肯試的借口，但又想享受呢個世界的好處

樓豬去轉中環bar大把鬼比你揀啦

睇你骨架 肌肉多唔多 同 overall 比例

因為已經討論緊咩叫小肥
爭議性大過你個樣、體重同性格, etc

你可以改到又唔代表所有人都改到嘅，你改到可能係因為你本身都唔係你想像中咁內向，但天生嘅內向真係冇得改，正如你冇可能叫到一個外向嘅人內向
你成功咗自然會討厭嘅做唔到嘅人，同啲有錢仔話人買唔到樓其實係一樣，但佢地都有唔同嘅原因嘅，如其討厭佢，不如教下佢地可以點改，分享自己成功嘅經歷

戀愛本來就係唔知幾時會有，現實又好，app又好，都係唔知幾時會有，
只係app嘅前提係戀愛，自然有人上心有人chur，會想傾一排，約出嚟幾次，ok就拍咗先，之後再夾，你可能覺得咁快係無質，但有人會諗大家可以磨合，日久生情，但你唔會知match到嘅人係點諗，自然有人用依點嚟食女/收兵

app都只係現實嘅縮影，但就係多咗班想認真嘅人搞到咁，嗰班人會覺得唔夾都可以磨合，所以先會上心，如果唔係，用返現實嘅標準，交友app有一半男女都係失敗者，邊有機會拍?不過喺app拍到都好啦，去到一個地步，你都係會發現人地其實唔想同你夾，拍到都唔代表會成功

現實失敗者先係你指嗰班唔想改嘅人，依個唔係內唔內向嘅問題

如果真係要迎合呢個世界，咁樓主玩app都一定會識到男朋友，只係行到幾耐，係唔係真愛咁解

其實你界定唔到都冇咩嘢可以傾

所有人都做唔到，咁正常嘅程度都唔會調整，依段你都覺得冇問題嘅話，其實大家對正常嘅標準都已經唔同，唔好再話小唔小肥

莫講話上網啦，現實同人做朋友都有機會好難啦

巴打，唔係針對你，知你背後係好心，但你表達有時不太make sense

如果天生內向真係冇得改，咁我點教下佢地點改呢...?
又或者，你叫我分享下，
第一步咪就係，唔好用天生內向做借口...

我由頭到尾都唔覺得內向有問題，亦都冇討厭過內向的人。我係討厭人有太多借口（唔止內向，仲包括懶、拖延）。

你背後可以有好多原因令你本人內向，可以係天生，可以係家庭原因，可能細個被欺凌，你可以話內向好難改，但唔好講到冇得改咁...

你唔係唔想改，只係你唔想付出（或者覺得唔值得）改變所需要的同等份量的努力而已。舉例，我敢講，好多女仔（可能欣宜唔想）都想減肥，只係唔想戒口、唔想辛苦做運動。

又或者好多人想一改內向，但唔想承受一開始會唔慣，會失敗，會俾人笑...但外向唔係天跌落黎，價值判斷係一回事，現實生活係另一回事，你可以話世界唔公平，唔偏好內向的人，但你要享受外向的好處，你就唯有改變，而唔係成日口upup咁覺得天生冇得改、佢地都唔想，世界點解唔對內向的人好一d...

因為我後面講咗現實失敗者先係你指嗰班唔想改嘅人，依個唔係內唔內向嘅問題，同你後面嗰句我係討厭人有太多借口一樣意思

我都唔係針對你，都係嗰2句，外向可唔可以變到內向?你改到就代表人地改到?咁同有錢仔話人買唔到樓有咩分別

我唔知你知唔知啦，其實欣宜都試過瘦，欣宜運動量可能多過你，都真係有人天生瘦唔到架，唔好又你係瘦就所有人都唔想付出啦
當然，你可以話欣宜瘦到咁啫係冇人唔會瘦唔到啦，但其實依樣都有好多原因，我唔係欣宜，答唔到你，可能佢太瘦真係會唔健康都唔定

冇人想享受外向嘅好處，但內向就唔值得有人愛?咁同你所謂嘅內向冇錯有矛盾囉

用返欣宜個case，咁你試過努力，發現做唔到／唔適合自己／唔值得，我覺得無所謂，但唔好一開始失敗主義，我天生係咁我做唔到，

例如你天生內向，你試過周圍識人，試過join朋友gathering，覺得唔適合自己，咪自己享受返自摺時光，而唔係day 1就話我內向天生改唔到。而且所謂的試，仲要係相對make sense，唔好話join一次半次gathering就話唔適合自己，有時努力係以「年」來做單位。

內向值唔值得人愛係價值判斷的問題，內向多唔多人buy係現實的問題，
價值判斷部分，我覺得內向外向都值得人愛，冇問題冇錯，
但現實可悲地，在大部分情況下，外向係容易d識朋友，容易d拍拖識另一半，

你又想維持內向的性格或者享受自摺，但又想要容易d拍拖識朋友，就魚與熊掌。

一個人喺內向定外向，其實中學嘅時候已經發現到，咁我又唔信會有人冇試過改
有時努力係以「年」來做單位。我上面講咗，中學嘅時候已經會知，所以所有人都一定唔只以年做單位

你有冇諗過其實內向嘅人都有需要gathering，唔係一定要自摺，如果佢覺得自摺係開心，根本就唔會有要改嘅依個諗法，所以我先話你未必真係一個內向嘅人

內向識唔到人嘅原因可能係自己少嘢講，deadair多，令到一班外向嘅人唔同佢做frd，甚至有啲內向嘅都想同外向嘅做frd，好似玩交友app嘅人都唔揀返自己level一樣，所以連想同返內向嘅人做朋友都唔易，先令佢經常自摺

行動完咪好似樓主依家咁，又發現自己唔適合，又繼續自摺囉，有得改邊個會想冇朋友，冇拖拍?
點解有時大家唔磨合下對方，一個講嘢一個聽人講咪夾哂囉，可能你會覺得咁自私同天真，但我想講世界一定有人外向一定有人內向，點解現實一定要係咁

冇錯，係好多人知道，而且又過咗好多年，就「覺得」自己做咗好多改變，

以我朋友為例佢摺的程度，可以係一個月唔出門口，幾個月至半年唔見朋友，一個人打邊爐都冇問題，朋友見面淨係講兩句說話，

但佢試過一個月join幾次30－40人以上gathering，成場佢識的人只有一個，呢個情況佢last咗半年，仲試過每星期都同唔識／唔太熟的人出下街，

我唔係想講每個人都要做到呢個程度，只係想講其實大家冇自己想像中咁努力／盡力，唔係所謂意識到自己內向，得閒冇嘢做玩下app，約下10個8個人出黎就叫盡咗力

點解現實一定要係咁，你可以去問，可以去思考，呢個係價值判斷的問題。但唔知咩原因，現實就係咁，多數人會鍾意同外向的人交朋友，

你都可以反問，點解大部分人唔鍾意同肥婆拍拖，肥婆都可以有優點／性格好，但現實就係咁，大部分男人都未必鍾意肥婆，

咁假如你作為肥婆，你可以堅守自己做自己，覺得肥都可以靚，然後或者有一日有人會欣賞你，
又或者改變自己迎合世界，唔係寫包單一定有人欣賞你，只係欣賞你的人個機會大咗

或者舉一個好少少的例子，

相信英文唔好，大部分人中學都已經知，而且都一定係咁易努力過，例如打下英文game、睇netflix，聽下英文youtube，甚至背下vocab，而且分分鐘係以「十年」做單位。

但自己問心，其實係咪真係盡到力呢？ 好多人只係一個月背下vocab，下一次背可能已經係1年之後。

改變自己內向同理，我唔敢講每一個人都係咁，但相信有唔少人只係努力一個月，然後回歸原狀半年，然後隔一段時間又心血來潮

邊個apps

你講得出一個人打邊爐都冇問題就已經知你係咩人，大家真係諗法差太遠

唔好信，高只係最基本條件，你真係咪信高可以大把女任食

你揀人人揀你
玩app既大部分都係攝時間/搵食
唔好太認真