「要放鬆喉嚨咁唱」
「미소짓던 그 표정이….」
「唔係假音 要用真音咁放鬆唱」
「시도 때도 없는 입맞춤이…」
「喉頭太高喇 要降低喉頭」
「…」
唱唔到高音 好嘅中低音 係因為習慣咗用錯嘅力去唱
*繃緊條脷/收縮口腔/咽腔嘅力 導致喉頭上升再次收緊咽腔空間/嘴唇/下爬太用力* 等等
想改善要做嘅唔係單純嘅「放鬆喉嚨」 、「降低喉頭」
因為諗住一放鬆喉嚨 聲帶閉合就會鬆 變假音
一想做真音 又會收緊
而單純嘅降低喉頭針對唔到本身個原因去改善
雖然有可能會幫到 但都有可能會令脷根過度用力 令喉頭硬直
而想解決呢個問題 唔係單純放鬆喉嚨同降低喉頭就做到
而係要搵出收緊用力嘅原因
唔係放鬆 係用啱嘅力
因為係未建立好未學識正確用力
放鬆 呢樣野 只會放鬆哂所有野變假音
係歌唱中收緊喉嚨發聲嘅原因係好多變數
句子長度 咬字發音 強弱 高低音等等
但撇除呢啲變數
最根本嘅原因就係發聲嘅基礎問題
解決方向
首先要有好嘅姿勢 因為一開始個頭就向前隊
個頭嘅重量就由頸承受 外部肌肉一直繃緊用力 就會導致條頸一直用力 下爬用力等等
而係唔熟嘅時候 唔好嘅姿勢都好可能直接影響呼吸同聲帶閉合
其次要有好嘅呼吸壓力同聲帶閉合
當發出一個音 呢2度力 各需要10
我呼吸做錯 呼吸壓力太大 用咗15 聲帶會承受唔住想鬆開 會令喉嚨收緊
呼吸壓力太細 比得唔夠 比得嗰6 淨低嘅4要靠收緊喉嚨代償返嚟
聲帶閉合都一樣 （做得唔好>收緊其他地方代償）
所以要真正解決收緊喉嚨唱歌/發聲嘅問題
係建立正確姿勢+呼吸+聲帶閉合嘅同時
令喉嚨唔再收緊
因為係做錯/做得唔好以上3樣野
先導致收緊不必要嘅肌肉去代償
收緊不必要用嘅肌肉去唱歌 係一個結果
A,B,C做得唔好 先導致 D出現
所以要解決D 首先要做好A,B,C
D就會好大程度得到改善
淨係話唔好做D 做同D相反嘅野係解決唔到
不過淨係做好姿勢 呼吸同聲帶閉合有時都未夠
因為好多時收緊喉嚨/其他不必要嘅肌肉已經成為咗習慣 好多時候更要配合向外撐大口腔個空間
或者長時間用最大空間咁去發聲
個問題先會更好咁得到改善
一味用錯嘅方法狂唱 講野 唔練習
只會進步緩慢/原地踏步/ 甚至係越做越錯
最重要係向正確嘅方向 不斷反覆練習等身體熟悉呢個發聲方法先會改到