有冇人住肇輝台東山台一帶，但冇揸車又打緊份牛工

返工放工係咪好煩，平時買嘢食嘢又要去好遠，一落樓又日曬雨淋，純粹係叫住响有錢地段

大部份都鬼佬
人地要生活
唔係要生存

住得果頭 好多都有車
不過我見過有鬼佬call的士去跑馬地食野

老婆揸咗架車，老公只有的士

其實返工放工行5-8分鐘去巴士站都唔算太遠，就算你住太古城，出咗地鐵站都最少要行五分鐘，住得上去就預咗樓下冇7仔冇超市快餐店，亦因為咁，附近一定冇咩閒雜人等出入。除咗放工時間落山會塞車之外，交通對我嚟講完全冇問題，因為我肯定嗰個時間唔會落山。利申：我都係住喺嗰頭坐巴士小巴嘅打工仔，住咗冇耐已經慣哂，而且越住越鍾意添。

近銅鑼灣同灣仔，ubereats 多選擇

返工計好時間小巴唔駛點等

肇輝台行落皇東好快。東山台就要靠巴士小巴，住得入嗰堆無車攪唔掂

我都冇揸車，但有錢又好想試吓去住呢啲地方，只又怕唔慣，想買支水都唔可能。

Errrrrr..... 你間屋大到咁，個士多房任你擺啦

我士多房長期有六箱綠茶，十幾20 pack 汽水，紙巾10條以上....etc. (同埋雪櫃都三個)

住得呢啲size，一買嘢就上倉咁買

而家間間超市都送貨，基本上買米買汽水全部都送到上嚟門口，而且較啱時間出去巴士站，由出門口到落灣仔都係十分鐘左右。如果覺得樓下冇便利店唔得，嗰區真係唔適合你，住嗰頭就係鍾意純住宅，冇閒人，出出入入只係熟口熟面嘅鄰居。

仲有，當山旮旯都賣緊兩萬蚊一呎，嗰頭啲價位真係相當合理！