接唔接受到女朋友鍾意出去玩？

女朋友鍾意去同堆返工同事出去玩，落bar飲酒有、party room有、上fd屋企燒野食玩又有、一堆女仔staycation都有，平均每個月3-4次，以上大部分都係同一班人，去得多數無另一半。

之前都因為呢個問題嘈過好多次，嘈黎嘈去都係話想佢去少啲，但佢又話「啲fd約左好多次，正係出嗰一兩次都比你鬧」、「我去得有幾多次啊」、「我都係想見下自己啲fd姐」、「返工讀書已經好辛苦，出去玩一陣你未由我囉」、「又唔係成日去」、「你係咪想我無曬啲朋友正係得你一個先安樂」。

但我覺得明明呢啲朋友都唔會交心架啦，又唔會過世，係靠成日約出黎玩先維繫到友誼，一有男女朋友就約佢唔到架啦，就算係約出黎玩洗唔洗約得咁密啊。可能我份人摺，內向啲，呢啲活動可避側避，所以我唔理解，每次聽到佢話出去玩都好唔開心。
有朋友同我講話可能係佢仲讀緊書，你依家出黎做緊嘢，大家個心境唔同。其實係我管得太嚴應該要睇開啲？定抑或根本係個性格問題大家唔夾先搞到咁，大家俾下意見小弟。

利申：好愛我女朋友，唔好叫我地分手

你唔好太在意呢件事，做好自己啲嘢，由得佢去玩，玩完自然會返黎。

係你嘅就係你，唔係你嘅你無得強求。

太介意呢啲嘢，無好處。

意見就我哋比 女就你屌

佢一次都冇帶過你出去？
如果係嘅話就真係可以分手

放開啲 唔當佢係最後一個其實佢玩咩都真係冇咩所謂

唔好咁上心，佢中意玩，你都可以有你玩

計返都係一星期一次姐…可能真係你太內向

呢啲真係失敗者諗法
男又好女又好
對另一都半係要有適當嘅管治

一個月3-4次都叫多？
如果後生讀緊書就算一個禮拜3-4次出街好正常

會唔會係你太摺

放心，佢有左之後就會少出去玩。

之前有個朋友 佢條仔好鍾意管住哂唔比佢出去同我哋玩 又講說話比我哋班friend聽
而家冇聯絡了祝佢地幸福

正常社交姐 冇咩問題

3至4次都唔比去？咁你都幾專制喎

鬆咗先飛啦

冇問題，唔覺會有咩問題。
既然你愛佢，就應該接受佢咁樣嘅性格。
愛情一定係基於互相信任，冇信任，唔會長久。

無話唔比去窩

你又出去玩囉

有時d野唔好太強求，睇開d。唔洗樣樣野都咁上心，如果唔係本來好地地都變鬧交啦。Focus多d係自己身上。

垃圾

佢同你拍拖前唔出去玩？
你溝佢嗰陣佢好摺既唔玩既？
第一日知佢係咁？


佢去玩時咪自己又去玩或做自己野囉

中學果時男友就係管我太多，同女仔friend去街/打機都可以嘈一餐，話唔放佢係第一位
果時就佢，真係斷左某d姊妹聚會
分手後真係好撚後悔，雖然同班fd好返但都好撚憎我ex
搞人朋友圈真係正仆街，異性都算，你話介意咪避嫌；同性都咁撚介意，你估d女真係會磨豆腐咩？
男人就話要有自己空間/私人時間叫d女唔好煩，女人出去玩下同性聚會就唔撚得，食屎啦恐怖情人

咁先好，女友自己搵節目

自己可以free做其他野eg打機、做運動、同fd去飲野