《數碼暴龍：》完結討論＆10月新作《數碼暴龍Ghost Game》 (30）

次次氹得掂嘅都係完全體，氹唔掂嗰啲全部都係成熟期或樓下，如果搵次氹唔掂隻完全體。。。唔使等佢返嚟

今日放工即刻完成埋佢！！！

今集佢用咗「第二曲《抒情曲》」同「第三曲《卡農》」，第一曲同第二曲都係需要用到歌聲嘅絕招，第二曲係用重低音震撼敵人內耳嘅平衡器官，令敵人企唔起身；第三曲係物理攻擊，係畀阿宙佢哋逼到上半空作戰時使出嘅招式。

咁戰力先平衡到 不過最出色都係第一次集宙用黃金體驗打走時鐘獸

呢套野好似鬼太郎化緊

有冇人知男主角唱果首歌係咩？

Block咗上面件痴線佬
睇post都舒服啲

都係《重啓之戰》嗰首片尾曲，不過佢直接由副歌chorus開始唱，而且係魔音版

伽馬獸都係由副歌開始唱，啲音同節奏其實冇咩錯，不過係劇情關係話佢唱得唔好

鬼太郎化 X
由第一集就一直係鬼太郎 O

完全封鎖
乾淨晒～

下集嘅主角：八咫鴉獸

擁有三隻腳嘅異常鳥型數碼精靈。 雖則黑鼆鼆的身體畀人邪惡嘅形象，但有講佢係被選為領導數碼世界東方一個叫「黃金鄉」嘅地方。 數碼世界嘅東方依然係個未知嘅區域，有記載「黃金鄉」係畀無數重神聖結界保護住嘅地方。 呢啲結界會喺八咫鴉獸嘅指示下解除，而傳說中只要通過八咫鴉獸嘅「三重試煉」先有資格到達「黃金鄉」；如果捱唔過試煉嘅下場就係被送到暗黑區域。 必殺技係將對翼上面嘅「金剛杵」產生嘅能量融入前腿並釋放出絕招「甕布都神」，接招嘅數碼精靈會被分解至得返「0」同「1」嘅狀態。 另外，八咫鴉獸亦可以用漆黑嘅羽毛發出黑光「羽黑」將方圓3公里籠罩成黑夜。



動畫版嘅八咫鴉獸比較似正常嘅鳥類外型，由四隻眼睛變成兩隻眼睛、由四隻翼變成兩隻翼，不過腳嘅數目就維持三隻。翼嘅形狀由烏鴉嘅形狀變成接近魚鷹嘅猛禽型翼、腳嘅外型變得機械化、大髀上嘅神聖環亦唔見咗。

另外，金剛杵嘅外表亦減走宗教色彩，變成類似麝雉幼鳥嘅翼爪，喺《數碼暴龍DS》見到前面嘅部分係可以旋轉嘅。動畫版八咫鴉獸亦增添咗頭冠同胸領羽毛，胸領羽毛下面有兩個大啷啷同延伸嘅白色擯辮。

咁其實清司郎包住隻手係咪純粹中二病發作

黎緊呢集係咪有機會出藍色個隻成熟期/安哥拉獸進化？

上集已經出現參宿四唔識飛要安哥拉獸抱住打空中敵人，黎緊又要打八咫鳥獸

獵戶伽馬獸唔識飛都好，其實每次進化嘅攻擊都唔係要打敵人而係要等阿宙去談判

所以如果進射手伽馬獸先唔進安哥拉獸，就擺明偏心主角

岩岩睇緊第二集
見到加碼獸係超市無得食係到慘叫好鬼cute

加瑪獸比我感覺好似膠龍+基爾
造型有d似膠龍 性格似基爾果種小朋友

不過伽馬獸又冇基爾獸咁善戰基爾獸都真係幾打得同有強烈護主心，呢part反而喺安哥拉獸度見到！

期待伽馬獸同阿宙嘅感情進展！！！

CLS,一口氣竟然睇左6集,竟然無悶場