有冇人唇炎斷到尾

呢枝好用
唔可以話斷尾 但一定小左翻發
同埋掉哂發唇炎用過嘅潤唇膏
唇膏唔捨得掉就批左上面

呢枝世一 好用到爆

係呀,睇皮膚科
你之前搽類固醇有冇好左先停藥？（大概連搽7日）
一發左就要搽類固醇襟住,你真係可以之後試下shiseodp嗰支,因為我平日如果齋用凡士林都係好易發番,凡士林滲透唔到咁,搞到條唇個底仲係乾跟住就發

試過有排唇炎持續一段時間有黑色一點左,之後好番一排就唔見左（冇留意幾耐）

好難斷尾,我基本上都係類固醇停左紅痕甩皮就長用shieseido支潤唇膏,嘴唇乾係搞唔好
唇膏我家下得啲好潤嘅款用到,仲要用好mild嘅野落唇第2日都係有少少紅腫,不過shiseido襟得住唔發,但我都唔會日日搽唇膏

我類固醇搽咗一年，一停即復發
約咗聽日街症，下個禮拜再嚴重就搵皮膚科

1年？？我以前睇個皮膚科佢開類固醇俾我，同我講只可搽一星期，一星期唔好就要再睇，我估你直接搵個皮膚科睇下算啦

之前斷斷續續搞左成年
搽完類固醇/藥膏->情況好左->停左過幾日又黎料
搞下搞下就自己好返了
唔好lam嘴唇 唔好用floride牙膏
同埋我已經勁耐冇搽過唇膏
而家一feel到唔妥就搽#11果支藥膏 第2日就冇事
平時就用凡士林/曼秀雷敦潤唇膏 已經用左十幾支
試過買其他牌子 一搽個嘴就痕到仆街

會唔會係年紀問題？
愈老唇色會愈深

我都係照用普通牙膏刷牙，但就沖住涼刷，唔俾啲牙膏今留係嘴唇到

保持心境開朗，遠離壓力，飲多啲水

我之前係返工太大壓力生唇炎，辭咗職就慢慢好返
好難斷尾，依家都係偶然甩下皮，有少少唇腫

潤唇膏嘅話都係用樓上講果枝shieseido

有黑色+1
以前發得勁容易甩皮流血
似係色素沈澱
但我呢幾年少翻發 睇相對比D點係有淡到
但唔係完全冇有少少似淺色墨/斑

Tarcolimus幫到你

小學開始有唇炎 到而家2x歲都間唔時會翻發 (主要係食咗啲辣野或者味精野) 同埋我一用mac唇膏就會敏感 反而日韓泰牌嘅唇彩就冇事

最後點樣好返 我宜家都係搽藥膏冇事 過一兩日個嘴又開始起粒粒 然後又逼住搽返類固醇

都係好似上面講咁
唔好lam嘴 唔好用有floride既牙膏 唔好成日搞個嘴 遠離致敏源 少食辣野 搽潤唇膏(無香料)
食維他命B都好似有用
唇炎係長期作戰冇得一兩日就斷尾

我都比唇炎困擾咗幾年 有排壓力大 嚴重到個嘴唇腫到有膿 惹埋眼同耳仔都敏感
睇完醫生搽咗類固醇見好就收
之後再開始每日食B雜 轉用純天然潤唇膏 唔食太辣太刺激嘅嘢
so far接近一年冇再翻發

不過有時轉季都會feel到嘴唇痕痕地
搽返上面絲打介紹個隻shiseido潤唇膏 隔一陣就會冇事
不過好多年前見有絲打話依枝潤唇膏都有類固醇成份
所以唔敢長用 係有事先拎嚟搽一搽
平時用返天然潤唇膏都夠做

同埋我已經好多年冇搽有色唇膏啦 有冇絲打可以介紹唔會敏感嘅牌子

我係因為DHC潤唇膏搞到我唇炎
DHC有嘅成份我都唔用得
不過前幾年終於比我搵到colourpop嘅ultra matte lip唔會敏感！
乾就乾咗啲 不過搽得返有色唇膏已經好開心
絲打可以試下
不過我真係只可以用ultra matte lip
其他都唔得㗎！

想問你而家搽唔搽得返普通唇膏呀

依家試新唇膏都好大壓力好驚搞到唇炎翻發
等我試試你依枝先
發覺YSL Dior Mac依啲大牌子唇膏都會用到我敏感

未搵到colourpop之前我都係一直係咁試唇膏不斷返發
Colourpop成功咗之後我就2、3年都冇試過唇炎了
祝你快啲搵到啱用嘅唇膏

以前好興呢個唇膜，自從用過之後咁多年黎，個咀一直斷斷續續咁發炎，一用到啲唔啱嘅唇膏/潤唇膏就會搞足幾個月先好返

戴左口罩後keep住唇炎左成年
斷斷續續又好又衰返
果時都好氣餒
有時直頭會腫埋
醫生又睇過
食過一排藥好左陣 天氣一轉焗住又出返

最後上網睇維他命b雜對咀角炎有幫助
之後係iherbs買左樽試下
食左一段時間後真係好返晒

Touch wood到而家咁q熱既天氣都無發返

我搽類固醇係嘴 已經係好低劑量嘅類固醇 但嘴側邊嘅皮膚會白左 有冇人都係咁

我上星期睇醫生嗰陣同醫生報告過我自己有用過類固醇，醫生有話自己買嘅類固醇強度會好大(所以先可以壓住個唇炎)，搽多咗嘴唇會變淡，建議我儘量唔好喺街買。
但我本身冇呢個問題出現過
你可以第下你用嗰隻成分係咩再查下個強度，我之前用triamcinolone網上話係3級，醫生開咗支4級嘅俾我，但都叫我唔係好嚴重就唔好搽。