溫馨提示： 斬倉問題

相信好多新手都知, 買股票用孖展有風險, 就係當股票跌價會俾人斬倉。
但係其實仲有一個情況， 股票唔跌都會俾人斬。好多半新手， 以為買左put， 沽左期指對沖就無事。其實唔係。
個個情況就係， 股票行突然加孖展比例， 例如原本要30%， 突然加到100%， 咁你係股價無跌/未跌既情況下， 都會突然間要托舊錢去補倉， 否則就俾人斬。呢個情況， 係你沽左期指買左put都幫你唔到。
識既朋友唔好笑話咁簡單都要攞黎講， 可能救到其他唔識既朋友一命。

股票唔跌因margin ratio比人斬倉即係止賺怕咩

唔孖咪得

Ching, "買左put" 加 margin???

margin 在哪裡?

可以本身已經蝕到爆倉邊緣
一調低margin% 就唔夠錢 要斬

真心多謝你分享

即係你有30蚊， 借多70蚊買左100蚊騰訊。
咁好多人都知道， 騰訊跌， 就會俾人call 孖展， 所以就好醒目， 買多個騰訊put 做保險， 諗住騰訊跌， 個put 賺翻， 就唔會輸。（大概係咁操作， 詳細數字唔講啦）
但係仲有個情況， 就係股票行突然間話我唔借個70蚊俾你啦， 你抬翻舊錢來。 咁個時騰訊都無跌， 你個call無錢賺， 但係因為你一時抬唔到錢黎， 都要俾人斬倉。

咪孖啦

IB portfolio margin 應該無呢個問題? 如果有做PUT hedge

IB 好似無call 呢樣野, 個margin ratio 一過100%即斬

聽講, 有錯請指正

阿天才， 邊撚個話你聽做支股呀？

啲港資地產股呢兩日都開始要加按金啦

有陣時做啲傳統人手股票行仲有價講, 有時間入得切錢
IB之類全電腦盤機會大, 一到條線即斬無情講

上面已經講左， 做put 係幫你唔到。
另外我亦都曾經試過， 做 941 option， 個陣就係美國話制裁， 孖展overnight 加左一大截， 好彩本身有鬆動， 如果唔係已經俾人斬左。

低過initial margin 就應該要補， 低過maintenance margin 就會斬。 兩者中間都仲有少少位走既。

上面已經講左， 做put 係幫你唔到。 呢個亦都係最攞命， 我特別攞出黎講既理由： 你以為著左救生衣， 其實無。

外匯就有水位, 股票跌一至兩成就好大機會一次打爆晒兩條線
但傳統行係一定人手斬, 佢地係未必斬得切, \
咁當然啦, 有時早斬可能好過遲斬既

分得好開架, 反而就SHORT CALL個啲就可以用黎做COVER
LONG SIDE唔會幫你計