被分手嘅大家係點move on?

真係會令人懷疑 可能只係你單方面愛 而對方只係因為呢段時間開心先一齊 可以話變就變

可能只係自己對愛睇得太重 真心付出過換來咁嘅結果

分手後我問佢有冇唔捨得 問佢點解可以完全冇唔開心
佢話咁都要正常生活架⋯⋯
後來我終於知 唔係佢好叻可以咁快move on到
只係因為佢無縫接軌 一早已經有另一個人係佢身邊

曾經都諗一齊咁耐佢有冇鍾意過我
點解一齊經歷過既野可以咁輕易放低
但後來我都唔想質疑有冇愛過呢樣野
或者曾經都有既 只係到唔愛嗰刻 對方冇選擇話你知
而你自己仲傻更更咁付出緊 傻更更以為對方個心仲係你身上

望住佢帶現任去我地以前講過但仲未去到既地方
將以前唱比我聽既歌唱比另一個人聽
帶另一個人去我地以前好鍾意去既地方
就會發覺自己一直珍而重之既回憶係對方眼中
係可以咁輕易比另一個人取替

不過我都會繼續將呢啲野珍而重之咁留係心入面

即使佢同我分開嘅時候做過啲咩
開心過嘅回憶都係無法抹滅

Can’t agree more

分手後我都曾經同佢傾過
佢都同我講一樣嘅嘢 條傷痕永遠都喺到 我想佢完全無事係無可能
其實都分咗手都幾年
近排成日發夢見到佢 又諗起佢
唔知咩原因 但真係好痛

放低，仲可以做朋友。
強求，連朋友都無得做。

好似牙

講分手其實都會唔開心
只係一早對段關係抽離左有心理準備
而被分手就通常突然被告知

笑左

諗下對方啲仆街缺點，然後就會覺得分手係好事

或者要學識愛情係衡量唔到
而係一種感覺/一種需要
愛 唔需要咩理由
唔愛 亦都唔需要咩理由

堅 當你抽身就會發現 其實你係勉強緊自己同佢一齊