肝酵素高

驗血肝酵素ALT 100，可能有脂肪肝，應該睇咩醫生？好驚😢脂肪肝係咪會甘高架？

LM

脂肪肝 指數應該同正常一樣
係超聲波先睇到

可能膽有事
再唔係肝有事

肝功能出問題

有機會肝炎，小心身子

即係話肝酵素高同脂肪肝不一定有關。😭

照超聲波確認咗先, 有冇驗埋甲乙型肝炎/ 核酸抗體? 最近有冇食開藥/中藥? 可以有其他原因

我早幾個月身體檢查肝酵素都係超標 80幾， 照埋超聲波醫生話我有中度至嚴重嘅脂肪肝， 之後積極減肥咗三個月同日日做運動， 減咗9公斤啱啱抽血肝酵素跌返去20幾， 所以唔好太灰心

未照超聲波，未驗肝炎，只是剛剛發現，最近有食必利痛和抗生素，你好勤力，可以減甘多。我想問去睇街症醫生定搵私家醫生睇好？會唔會好貴？

其實ALT 如果長期超標2倍已經係慢性肝炎， 只不過冇解釋係乜嘢原因。 簡單啲講肝酵素係肝細胞入面一種成分， 肝細胞死咗就會釋放入血液，ALT 超標代表你身體肝細胞死嘅速度比起一般人快。


不過你如果最近有食藥都會有影響，所以 你可以隔一個月或者兩個月再驗多次睇下身體係咪長期係呢個水平， 又或者直接照超聲波睇下個肝有冇其他特別問題。

輕度脂肪肝唔會導致肝炎，但中度至嚴重 就有機會。 肝長期發炎就會出現纖維化然後肝硬化。

街症排好耐， 你擔心可以考慮就咁去普通嗰啲私家診所做咗個抽血做肝功能測試同上腹超聲波檢查先，超聲波應該大約一二千蚊你要自己格下價。 真係touchwood有大問題先至去睇專科。

如果只係脂肪肝 咁都係靠自己飲食同運動控制 冇乜藥可以醫( 除非你同時有膽固醇同糖尿病問題)。 我自己嗰個私家醫生就開咗一隻藥同埋維他命e比我， 但我有兩個做醫生嘅朋友都話作用不大。

謝謝你的資訊。
我都係搵私家醫生check 左先。

ALT 過高 可能食完中西藥 驗嗰晚做完運動都有關。