[韓劇] 機智醫生生活 S2 (5)

LOCOCHU

1001 回覆

8 Like 0 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

RM 2021-09-17 11:34:09

Ost出左啦

本身好鐘意butterfly 美都version好好聽

HEAYI 2021-09-17 11:35:11

要全部drama ver

朴珪瑛世一 2021-09-17 11:41:16

一口氣總結下我對最後一集嘅感受，有興趣嘅歡迎睇下討論下：

我都好鍾意睇佢地嘅工作日常，但係依集俾我感覺就係拖同悶，冇錯係好多工作情節，但係氣氛節奏完全唔合格，
手術過程固然睇到專業，但重點係以往每集最出色嘅病人故事寫得太差，

政源個細路除左單眼仲做過咩，老母拋書包4分鐘之後又做過咩。
翊晙個病人，除左第一次出左話要做手術，下一次已經嘔血，然後已經做手術。
雋婠算係最貼近以往節奏，個細路都係咁多個入面病情最特別，但係除左瞓教嗰幕仲記得佢啲咩？
大熊直頭淨係影住佢跑黎跑去，搵個大肚婆都冇，如果將佢嘅情節集中喺材學老婆可能會好啲，
頌和就唔洗講，醫都冇醫，淨係匯報兩個阿伯一生一死，死個阿伯鋪排咁多集，死嗰下真係營造到可惜同哀傷？醒返嗰個我甚至一時唔記得係乜水。

3／4集都講緊工作日常，但係到頭來每個故事都到喉唔到肺，連以往嘅節奏，氣氛都做唔返。
如果你話要日常，ok, 咁其他醫生呢，用左23集塑造咁多個醫生，有哂背景人設，最後一集變哂路人甲？twins最後一集仲慘過嗰啲唔記得叫咩名嘅住院醫生，我寧願你cut一半上面病人故事，攞黎講下其他醫生嘅變化同成長好過。反而材學臨尾嘅戲分多到以為做左第6主角，以佢以往嘅戲分黎講，真係值得臨尾用咁多時間收尾？其他醫生就不值一提？

要睇醫生工作日常唔係問題，大家都鍾意睇，唔係一路以黎點會咁多人追，問題係依齣係劇，唔係紀錄片，要有節奏，要有氣氛，要有角色塑造，依集我真係完全冇以往23集睇每一個病人嘅觸動同感受，真係好似睇紀錄片咁，見病人，病人有事，準備做手術，做手術，完，甚至係一套未剪好嘅紀錄片

愛情線收得求其就梗架喇，畢竟唔係重點，其他都算數，但係鴿子cp咁樣一幕收尾真係太過分，明顯係唔夠時間所以爛尾，依點相信冇人兜到。

所以講到尾，作為最後一集點解會咁令人失望，唔係因為太多日常冇愛情線，而係整集嘅劇情，氣氛，節奏都完全唔係以往嗰種感覺，篇幅掌控完全失衡，俾我感覺只係將所有野都炒埋一碟講一次就叫日常。

我唔係專業影評，亦冇咩戲劇知識，只係依集俾我嘅即時感受，同以往咁多集差太遠，所以忍唔住打出黎發洩下，我都未試過睇完一齣戲有咁多感想，睇到尾嘅多謝你，歡迎討論下