美國將會協助澳洲建造核潛艇部隊！

啲軍購案好明顯唔關學生事
咁我覺得每個人都有權表達佢意見，反戰又好、好戰又好，關鍵係民主國家政府最終決策都係被選民意向左右

而澳洲嘅情況，周圍真係冇乜關軍事威脅，比着相同情況，以英國選民嘅取態，英國一定cut軍費先
澳洲嘅軍費已經算係好充足
係政府on9管理得差先會咁，呢啲真係亂咁洗錢
例如上面講到嘅Hobart class驅逐艦
同一樣嘅價錢佢而家淨係起到3艘
但係如果佢唔堅持要國內造船
叫西班牙造嘅話，同樣價錢可以買到10艘同級軍艦
又或者喺美國度買到6艘火力強一倍嘅軍艦

明知貴都要自己整説明佢地知問題係邊。
但你個國家跟本無呢行的人， 呢個錢如果真係train 到一班人出黎其實值。
日本部F2 要成億美金仲貴過F35, 咁唔通唔研發 炒曬d人 全部買返黎，到戰時比人揸春袋
無F2 就無左個產業，咁仲邊有下一代機。
軍工燒錢只係前提，做唔做到靠人，但無錢萬萬不能。

日本1億人口，世界第三大經濟體，又係火藥庫側邊，自然有需要養軍工去避免可能發生既風險。

澳洲呢個有礦冇田地廣人稀冇工業既地方實在睇唔出要硬養造船能力既需要喎，搞下陸戰裝備咪算囉。

唔係已經造緊常規潛艇？
又買？

島國唔攪船去攪陸軍你呢個建議我睇唔透

澳洲有海外利益咩？海軍設備遠比陸軍復雜同洗錢，澳洲國內有相應產業配套咩？

如果澳洲內陸唔係紅土爛地而係美國個種良田，又有多5、6千萬人口，咁咪有爭霸本錢，有需要發展獨立自主海空軍裝備囉。

島國唔攪海軍攪陸戰
軍備不嬲多多錢都唔夠。
如果真係要打仗更係買快手d, 但短期內無咁的需要。
你仲唔趁和平時代攪唔通打仗先黎慢慢學？
你最多話攪少d 一樣還一樣， 或者直屌攪得衰。
你的講法唔爭霸唔洗攪

南韓直情比美軍保護咁係咪唔洗攪
咁點解佢地不停做船搶單練兵，因為佢地政府眼光夠遠。

人地保護得一時或保護唔到一世

你屌佢做得差無問題 屌佢自己做就過左。

南韓人口接近澳洲兩倍，版圖同資源應該不足澳洲十分一，韓國靠制造業搵食澳洲唔係。

剩講造船，韓國同中國壟斷貨船制造業，船廠唔係政府接單出面仲大把世界，澳洲船廠夠搶咩？韓國除咗船廠背後仲有大量係市場上成功既冶金、零件、電子儀器產業，佢地都唔洗等政府單開飯。而澳洲要搞自己船既話一係就海外引進，國內組裝；一係就政府扔錢養埋。

澳洲要搞一係空軍、一係陸軍，前者如你話齋島國（空軍洗錢亦都冇海軍咁恐怖）；後者之前有反恐戰現實需要，門檻亦低。

講起日本，陸自都開始買歐洲車啦。踏入廿一世紀武器越來越貴，根本上除非超級大國，武器研究都無可避免要國際合作。

冇軍備打仗即刻仆街

今次核潛好似都係係adelaide 造
希望唔好好似前幾次咁整得咁on9

佢唔記得澳洲PM名喎

首先本身澳州預個價係起到四架，依家係超資+淨係起得三架，佢哋本身係預再平少少

我明個價係包埋扶助本地造船業
但日本同澳洲個防衛需求真係爭好遠，一個隔離有俄佬(蘇聯)同中國呢兩個cls勁敵，仲有北韓搞屎棍，相比下澳洲周邊安全好多

二來個個生產周期唔同，日本F-2可以大量制造，但澳洲只係打算造3-4艘驅逐艦，現代戰爭唔同一、二戰，快來快去，好快就分勝負，現代造船速度都比起一、二戰慢好多，對工人嘅技術要求高好多，你造一架大船到服役都起碼三、四年，分分鐘已經打完，就算係美國都知一旦戰爭爆發佢好難再複製二戰咁瘋狂新艦下水

如果係咁嘅情況，不如一早買多幾架好過到時先至臨時起，宜家係講緊爭兩倍以上嘅數量，唔係爭少少一兩架

仲有日本研發F-2係攞得個核心技術(引擎、雷達)，但澳洲架艦核心技術(引擎、神盾系統)一樣要買美國野，即係美國唔比你話你都淨係可以整個殻出嚟

彈藥方面F-2啲彈藥有日本版本嘅替代品，澳洲架艦用啲飛彈全部都係靠美國冇替代方案

係咁嘅情況之下我覺得最多超過一般水平幾十percent就值得扶持，呢啲都係放三倍以上喎個數量太過懸殊，你買現成貨仲好過你到時再做

咁哩堆人應該好奶共同會迫scomo奶先啱喎
又會比佢咁抗共嘅

淨睇錢你無計錯，問題係想唔想自己整。
你睇返F2 同 F16 價錢比 一樣差幾倍
如果真係要自己整呢個係代價，仲要才剛開始。

你問我無錢最好都係整飛彈，性價比一流（攻防兩用）