如果啱啱放榜既巴絲，萬一要將樹仁當水泡，記得睇下呢堆嘢
：孫天倫掌政之後繼續同胡氏家族針鋒相對，
老人政治嘅本性無改變，更多嘅系權鬥下接踵而來嘅垃圾校政，老教授又比人逼走曬，曾經俾人吹奏既一大，教育質素一落千丈，以下就係新11宗罪，入樹仁之前大家要好好考慮!
1.輔心：
「心理輔導」從來唔係香港法定既專業職業，同醫生，律師，工程師呢堆已經有法律同制度保障既專業，所謂既輔心專業只係由孫天倫同輔心班教授搞既亞洲專業輔導協會頒發(APCPA)，只係用黎打飛機，認受自己輔心Degree學歷既組織。一心同HKPCA對立
。正路八大既Freshgrad出黎可以讀一個由香港輔導專業協會(HKPCA)開辦既碩士課程，幫自己系原先本科嘅基礎上攞多個專業資格，水平有政府同業界嘅認可，雖然目前重未有自己獨立認證嘅能力，但都只系時間嘅問題。而基本上如果HKPCA有輔導認證同監督既權力，樹仁既Degree專業資格就會直接判定為無效。而以人力物力黎講，到時孫天倫嘅APCPA可以話系毫無談判嘅餘地。輔導員(Counselling Psychologist)，人工低過臨床心理學家(Clinical Psychologist)好多。前者大概每個鐘幾百到一千HKD，但後者每個鐘座底都一千至三千幾HKD。
重要香港仲未有註冊制度，樹仁Counselling Grad咗之後分分鐘搵唔到Full Time。2.新傳：
傳說中樹仁皇牌科。
但係自從恆大升格左做大學資源多左，樹仁新傳嘅學術規模同老師質素都俾人比下去。梁天偉呢個業界龍頭大佬又比人權鬥趕走左，變左一個前主播仔做系主任，可想而知個學術水平同老師質素就已經落後人地左幾班。課程偏重寫嘢，變咗可以接觸既嘢就少咗。
最近又開多咗一個新課程叫Bachelor of Arts (Hons) in Media Design and Immersive Technology 媒體設計與虛擬實境創作(榮譽文學士)，Under 新傳系嘅，加咗5-6個Course懶High tech就直接當一個新系咁上。到而家仲未知有邊個老師教，又唔確定有咩設備，揀咗之後真係唔知會唔會中伏。新學生就似系孫天倫樹仁實驗入面嘅一隻白老鼠。
3.法商系（LawB）:
Grad咗唔會有律師牌，班上面幾乎全系都係大陸學生，而且得4個Full Time老師。
揀得樹仁讀law本身都唔會有咩期望，但奉勸大家真係唔好浪費埋啲咁嘅錢，俾心機讀Asso留返個機會比自己仲好啦。
4.英文系：
就算係英文系咁正路嘅系都可以出事。
孫天倫自己推左一個唔知係邊度出嚟嘅人做英文系主任。學歷廢之餘仲要比學生聯署開post屌。仲要俾人屌到上晒新聞。有孫天倫照住，佢驚都無驚過。以前就話個系主任係中大退休教授，叫係有啲嘢睇吓，但而家個一個真係不知所謂。2007年開始就冇出過論文，2019年系樹仁比人由part time LawB老師直接升咗做professor 同系主任。
聽聞係孫天倫為首嘅高層想文學院啲人聽聽話話，所以換晒啲「乖」嘅。真心如果高層想嘅話，可能Mphil學生都可以升做系主任。
5.課程改革：
本身都叫係唯一一間學術為主嘅文科私立大學，趕走晒啲大教授嘅同時，學校高層亦都打算將返工同中學教書嘅元素強加入去中文英文歷史系入面。
九唔搭八。佢哋啲strategic plan寫得非常之咁精彩，唔講以為讀緊IVE。有興趣嘅可以上網搵吓，呢到唔post，費事俾人告。 依加恒大OU嘅文科都比文學院起家嘅樹仁嘅好，真係多得樹仁老人高層嘅創意。6. Fintech金融科技:
人地搞Fintech 孫天倫都想搞Fintech。
課程內容都系啱啱係學術委員會傾好，連邊啲老師教都未定。學校入面電腦又無多部，又無Faculty of Science或 Engineering, 究竟高層打算點樣教Computer science呢？由佢哋Website 入面錯漏百出嘅英文已經睇得出樹仁嘅Fintech系幾咁高科技同專業。大家都係SSSDP，俾個機會比自己，去報OU 恒大好過。
樹仁Fintech website
Confidence in math
Be competency for future
7.Psychology lab:
孫天倫同老人高層嘅眼中，樹仁嘅心理學系非常之咁值得引以自豪。
聲稱有好多個psychology lab，好似好高科技咁。但實情上有幾多個設備舊壞左，日久失修又長期唔開，高層自己心知肚明。
絕對唔會好似佢地講嘅咁好，你望下教學大樓就知咩事，大部份學生用嘅lab都系曬個到。樹仁教學大樓實驗室
8. Master program 師資斷層：
正如上面所講，樹仁高層嘅權力鬥爭問題嚴重，孫天倫之流嘅權力地位比教育質素學校口碑黎得更加重要。新傳嘅梁天偉教授，中文系啲北大教授，英文系個中大教授等等樹仁嘅中流砥柱全部俾人趕走晒，剩低啲聽聽話話上左位嘅small potato去頂上。
啲Master Program嘅director 換晒啲新黎嘅老師或者啲聽聽話話嘅舊薯仔。例如前中文大學文化研究系創系主任王建元教授俾人趕走咗之後，佢嘅文化研究MA program 比一個淨係教兩三科electives又唔出paper嘅老師仔頂左黎做，個老師連啲教學內容都可能唔識甚至未聽過。
9.歷史系：
除左周子豐出左本「速讀香港史」，樹仁歷史系重換咗新系主任。改革之後嘅歷史系其實都幾有「大中華特色」。新系主任紅到發紫。
利用佢自己研究國際關係對國際局勢嘅認知，不停同人哋講美國有幾廢，成日向啲學生吹奏中國嘅發展有幾好，大陸嘅學生比香港嘅學生好幾多，香港嘅學生幾冇競爭力等等。歷史系啲老師有苦說不出，內部已經有好多不滿，但有孫天倫高層睇住，只要佢安分守己，就算佢對同事學生幾惡劣都唔會炒。
10.設施管理：
坐擁幾十億儲備嘅樹仁大學，優化校內設施嘅事就係一件都唔做，一係就勉強做少少，一係就慢慢做。
明明幾年前區議會已經批准左將四幢大樓連接，學生老師落雨就唔使擔遮，但睇嚟高層嘅老人家仲未傾好邊個in charge, 或者唔記得咗，聲都唔聲下。因為冇人敢頂撞校監，我諗樹仁個新細明體logo應該會用多十幾年。教學大樓龜速翻身緊，預計仲有幾年，但係依然充斥着大量雞髀凳，個lecture hall舊到80年代拍戲咁。
冇人知點解佢地唔執執佢，但一定唔係因為無錢，呢點高層好清楚。圖書館殘到就嚟冧都未翻身。除咗頂樓宿舍以外，圖書館有十幾層高。但就有一半以上嘅地方都唔開，有一半都係禁區，用黎擺傢俬雜物。研究院低座天台起咗個花園仔，四年前起好，為咗吸引學生重裝多左幾張木凳，但開得一個sem就左收皮，之後就一直暫停開放停到依加，冇人理，學生寫信去問都冇人理，形同虛設嘅溝通平台（即係email），負責嘅高層無緣無故咁消失咗。
樹仁個萬年新細明體Logo
樹仁Lecture Hall
樹仁圖書館
11.新英文系主任SLEQ事件:
SLEQ系樹仁比學生系sem尾幫老師打分俾意見嘅一個機密平台。孫天倫請返嚟嘅新英文系主任（LawB part time 個一個）之前突然send左email比40幾個英文系同學屌佢地個SLEQ寫得唔正宗。
唔知點解佢可以偷睇到學生嘅意見，理論上應該係機密。俾佢咁屌一屌，以後冇人敢再講真話。幾十年黎都未發生過啲咁嘅事，但到最後都係比孫天倫㩒低咗件事。冇人俾人炒，亦都冇人負責。根據學生代表收到嘅高層嘅email所講，佢哋籌劃緊「獨立調查委員會」啲朋友。如大家所預料嘅一樣，到而家都冇聲氣。樹仁嘅唯一官方學生意見收集平台都無埋，樹仁管理層真係世界第一。英文系支莊屌到氣都斷埋，詳情可以參考佢哋IG。 聽講之前有份發聲嘅大教授，協理副校，英文系註冊處主任半個月前全部比人炒曬，學校高層為咗打壓異見不惜犧牲教學質素真係乜嘢都做得出。
有一班淨系識爭權奪利嘅老人家做高層，間學校唔汁就有鬼。
就算學生認真同佢地表達意見都比人當系臭四冷處理。又自作主張又懶。孫天倫獨裁同老人家帶領下嘅樹仁只會越黎越差，希望各位巴絲報名之前可以諗清楚，回頭是岸，你要嘅野恒大同Asso 都比到你，做人做狗自己諗。
鯨大啲嘢都靚過佢
仲有佢啲行政野又係亂晒大龍
