已買咗儲蓄保單幾年, 唸住移英, 而家想供完幫到買house

巴打好心提左佢

你個前題第一係儲蓄保無乜回報，其次，香港既保險唔會合英國免稅資格，除非到你份野breakeven果陣拎返，但係你都係蝕晒時間同通漲。

移民日數就仲複雜，分分鐘會提前成為稅務居民，講到底，如果有想移民既巴打，千祈唔好再買儲蓄保呢的濕鳩野，因為稅務問題煩都煩死你。

買嗰陣時比人水係身份象徵就㷫烚烚，簽咗名就註定25年進貢現金流比骗子及其公司，中途放棄就gg，人哋身光頸靚、一楝楝大廈聳立於商業中心，啲錢係你啲儍仔貢獻

巴打雖然你係手寫板入錯殘體字都睇唔到嘅眼矇手殘廢老，但係老人家經驗之談樓主你要聽，你以前柒咗嘅就諗計甩身，唔好繼續錯落去。

自己計數機計下，計埋祖國嘅capital gains tex，搵個最佳方案。或者搵返當年sell你嗰個仆街agent叫佢計畀你睇，要搞就快

Sor 謝謝你，有啲字唔記得就用語音出字，無留意有殘體字

好老實講，我15年前買左份儲蓄保，果時人工唔多，每個月供幾百，計返條數份保險係15年黎得幾%增長，唔係每年幾%，係15年黎幾%真係輸通漲。

所以呢個時代真係自己買voo 好過。

不過另一方面睇，如果當年唔開始供，我就呢舊錢都洗埋，依家有事無得攞呢舊錢出黎用

所以真係要自己睇自己情況，肯買資產投資既話真係唔洗買，如果係月月清既人，咁就當每月autopay 迫自己儲錢都係一個方法黎。