食緊荷爾蒙藥，你問我盡答（2)

人地話你人生失敗呀 搵唔到好工
去做運輸 死左佢好過啦

某啲人係loser 唔代表所有人都係loser只係啲loser 講嘢特別大聲，搞到啲唔係loser 嘅廢時出聲啫

行依條路係無前途，等於自尋短見一樣，咁點解唔直接死咗佢？
認真，本人唔歧視，仲認識唔少LGBT嘅人添，但真心想講變性依樣嘢係等於自己打斷自己隻腳一樣咁慘，你如果走去變性，就等於整到自己變殘疾一樣，以後點搵份有前途嘅工作？做得到運輸咩？做得到工程咩？做得到測量咩？第日業主見你係殘疾，連屋都唔租俾你，父母又唔再認你，訓街嘅感覺你接受到咩？
與其搞咁多嘢換嚟一條死路，點解仲要繼續？

1. 對想要的生活做選擇，係對自己負責任嘅表現
2. 工作能力同性別並無直接關係
3. 假設性問題並不據說服力
4. 腦殘都係一種嚴重殘疾 點解你唔直接死咗佢

香港好多時會忽略左男對女同對細路仔以外嘅性騷擾，變左會用一個講笑，無咁嚴肅嘅態度咁去面對件事，希望之後會有改善啦，如果忍得佢今次，真係唔擔保佢下次會唔會再對其他人做更過份嘅野

不過我着熱褲係因為舒服，同埋主要唔識襯衫，自己覺得順眼就算，又無諗咁多

咁唔係點樣理解你地 呢個世界乜都係科學架啦 人都係由原子組成 唔用科學解釋咁你想我地呢啲正常人點理解到你呀 唔通話你鬼上身鬼遮眼 搞到唔知自己男定女咩屌

上網search下跨性別 見到醫學界係定為障礙 所以用咗呢個terms

你所指嘅應該係 “Gender Identity Disorder”。呢個term已經喺2013年經醫學界標準嘅DSM-5棄用

呢個condition依家稱為 “Gender Dysphoria”，已經去污名化

https://www.psychiatry.org/File%20Library/Psychiatrists/Practice/DSM/APA_DSM-5-Gender-Dysphoria.pdf

無得理咁多㗎啦
一世人70,80歲命
最年青力壯最靚就得嗰十零廿年
唔去盡玩盡 仲要諗3唔識7嘅人點睇你
唔通真係60歲退休先嚟滑雪跳傘玩幻幻咩
過自己想要嘅生活
其他人點諗 關我撚事

又唔使咁灰嘅，工作都係睇老細頭，老細唔ok咪打西家，總有人接受到，同埋亦都唔係個個想做你所謂個啲有前途嘅工作，人各有志，我覺得打份工養得起自己咪得，業主個啲都係睇錢，有好多跨性別人士係自己租地方住，父母個啲基本你做手術前都會同佢講，佢真係唔接受咪自己衡量同屋企人住定變性對自己重要啲，但至少起碼，我屋企人係會接受，我亦都相信成個香港唔只有我屋企人係咁

因為呢樣野對某啲人黎講係佢人生中最大嘅心願，佢當然可以因為社會壓力而放棄，去做返一個社會眼中嘅「正常人」，但當佢老個時回顧一生，佢可能係得到好多野，但呢啲野又係咪真係佢想要架呢？佢行緊條路又係咪真係佢想行架呢？

同埋你頭個句，其實套用落返啲追夢嘅人度都得，「行依條路係無前途，等於自尋短見一樣，咁點解唔直接死咗佢？」，但我地作為旁觀者，人地行邊條路其實係咪應該由返人地自己選擇，而唔係第一句就去批評人地嘅選擇

+1

原來潮文黎，仲等我認真覆添

早晨

我係androcur，estrofem，應該唔少人係食呢兩隻

如果你係阿富汗人，仲會唔會想做女人?

有冇偽娘訓練班？

你真係決定要用一個連選擇權都無嘅國家做例子？你係阿富汗唔好話女人，就算你係男人只要你唔喺跟佢主流意見個一批都大鑊啦，係一個連活唔活到聽日都成問題嘅地方講將來，會唔會有少少過份樂觀？

同埋即使係呢啲地方都一定有男人會有想做女人，但佢敢行第一步同人講個時肯定俾人捉去死刑，咁講條鐵

我會揀唔做阿富汗人，如果佢係一個移居外地，有安穩生活嘅阿富汗人咁就有討論空間

好奇一問
咁其實你覺得香港係呢方面嘅支援如何？
你有做心理評估又有言語治療啦
你覺得幫助好大定還是啲人都係hea做咁？

你塊面本身就係咁細？

我個人觀感係hea嘅，尤其精神同心理，問兩句又收人80蚊，其實真心編得太密，咁短時間可以有咩發生同佢講，成日感覺好似俾佢呃錢咁，但又唔可以唔睇

言語治療雖然都係80蚊，但起碼真係有野學，同埋有你把聲高低音嘅音域睇，俾你知自己把聲合唔合格，有咩需要改進，不過都係教兩教就叫你自己返去練，如果本身對自己把聲有信心或者你朋友可以教到你嘅，其實我又唔覺得有需要特別報，自己慢慢練仲好

唯一真係幫助好大嘅只有內分泌，因為唔睇呢科就真係唔知自己應該食咩份量嘅藥，同埋佢覆診加攞藥都係百零，二百內嘅事，比係出邊買平好多


*80係講緊第一次睇完之後覆診嘅價錢，第一次睇個科就當一次新症，印象中好似係百幾蚊

no，p圖，我塊面再長啲