徹夜之歌
/夜曲
/那徜徉在夜晚的歌声
(唔同譯名)
一套獻給喜歡熬夜嘅都市人嘅漫畫
故事簡介：
係學校遇到唔順心嘅事嘅高中生男主角夜守洸，因為已經厭倦了身邊的一切，變成左一個只會係深夜出門口散步「家裡蹲」。而就係佢熬夜嘅第一日，就遇見左吸血鬼女主角七草薺。
被七草嘅生活模式深深吸引嘅主角夜守決定亦要成為吸血鬼；但因為被告知成為吸血鬼必須要愛上吸血鬼；就咁，圍繞住兩人不平凡嘅尋愛之旅(？)就此展開。
心得：
故事前期基本上可以話冇咩劇情，冇一條好明確嘅主線，都係男女主角&其他配角嘅互動居多。
但我卻比佢所營造出黎嘅氛圍所吸引
夜晚係特別嘅
係呢段時間入面，你唔再係學生、社畜、或者係其他任何身份；唔需要在扮演其他角色，你就只係「你自己」。係一天入面，專屬於你自己、你獨占嘅時間；更係呢個擁有高密度人口嘅都市入面，碩果僅存嘅喘息之地
夜晚係自由嘅
空無一人嘅街道，就算身邊仍有行人也沒有人會特別留意你，更加唔會遇到熟人，唔需要活係他人嘅目光中，享受獨自一人嘅時光
係呢個高密度嘅香港入面，我地一日大部份嘅時間都生活係他人嘅目光之下、或者扮演著某種角色，因此自由且專屬於自己嘅時間更顯得難能可貴
呢套作品就係引出我地想要逃離現狀、於「日常」之外喘一口氣嘅諗法。
你唔需要具備任何技能、亦唔需要負任何責任，你需要做嘅就只係好好咁享受呢個「夜晚」，然後滿足地入睡。
逃避雖可恥，但我地嘅生活需要逃避
我諗，呢種融入作品氛圍嘅感覺應該類似於「搖曳露營」嘅教徒一樣，都係十分之享受作品帶比你嘅感受/觸動，即使佢冇一d迂迴曲折劇情或者驚人嘅轉折，但只要觸動到你就係一套好作品。
ps 其實套野後邊開始都有主線劇情的
btw 漫畫pv嘅主題曲都好好聽，同漫畫前期嘅氛圍十分之夾
https://www.youtube.com/watch?v=T535kqz3mgw
)，最後我瞓覺時間少左但睡眠質素反而有提升
)
