天生C位遠藤櫻
2021-09-04 07:47:08
我知大家依家都好嬲 覺得193嘅行為好討厭
甚至好想193永遠喺娛樂圈上消失
但希望你地肯花一兩分鐘既時間 睇睇我以下講既野
可能睇完你地會對193改觀 甚至為呢個本土文化人嘅創意而感到驚訝
一開始我睇到佢鬧客單野 我都好嬲
心諗 堂堂一個本土文化人 點可以咁樣口出惡言去對一個願意課金買你產品嘅fans?
但憤怒完之後 我平靜落嚟 突然醒起193其實係viutv旗下嘅藝人 一間咁大既本土文化公司 又點會俾自己嘅員工咁口不擇言 ?
於是我反覆思想 我諗起193係一個歌手 佢之前有首歌叫《睡到三點》
而今次呢件事係講佢拖個客件衫 件衫一直未到 個客問件衫依家點...
我突然諗到193今次呢單野背後似乎唔係咁簡單....
如果我同大家講 今次件事 由頭到尾都係193同viutv嘅自編自導自演 大家會唔會好驚訝 ?
但我可以同大家講 事實可能真係咁令人驚訝...
193一直有喺訪問提及嚟緊會想再出新歌 亦都講過佢好鍾意《睡到三點》呢首作品
所以我推斷佢之後嘅歌歌名都會跟 《X到三點》呢個模式 就好似jer 嘅物語系列咁
而「睡」字 大家諗唔諗到有咩相似字意詞?係「訓」 ?唔夠優美..
係「寐」!夢寐以求既「寐」 !就係「睡」既意思
所以佢嘅新歌極有可能叫《寐到三點》...屌 硬係覺得呢個歌名同今次件事存在著一種細密既關係...
件衫未到...個客問...問:「193,貨未到?件衫點呀?」
係「未到,衫點?」呀 !
根本同《寐到三點》同音!
193同viutv 就係諗住靠呢單野 宣傳佢嚟緊出既新歌《寐到三點》
嗰種創意真係好癲...
希望仲嬲緊193嘅人 睇完我講既野 試下放下對193既成見
更加唔好中Viutv 嘅計 繼續免費幫193宣傳新歌