大埔 翠屏花園

買左比連登仔屌到一文不值既地方.
費是講啦.

個十字路口嘈到嘔，朝早啲車係咁響
最難頂係要預每個月一兩晚凌晨1-3 點係到整路， 因為十字口條路成日爛，要鋪過，瀝青勁臭 （臭到閂窗都聞到）
一落完雨，就會爛 啲碎石 飛晒出嚟 又再整 再爛 無限loop
係勁方便，巴士四通八達

利申： 住緊 中層

大埔黎講，大埔中心真係最好住
買野食野方便
搭巴士又近，火車搭k巴10分鐘就到仲要算係唔洗錢Tim
去大埔邊一度都快

係舊囉，但大埔根本度度都舊

你有冇去睇呀？講平穗禾4百零萬有411實呎啦

點解唔買大中300尺果d啦？

出入麻煩，點都要行多幾步路

你450 budget 如果要揀翠屏咪唔好揀A 座
可以諗D坐離巴士站最遠, 不過環境最撚大鑊
每次落樓都可以見到啲貨車落貨, 啲水周地都係
你預左自己住幾年就要開始搵樓
而且因為位置太方便, 其實甩手唔太難
你budget 咁緊, 我寧願你買翠屏好過買居屋
居屋甩手唔會好似翠屏咁易
除非你買大埔廣場咁近市中心既,
如果你買明雅, 怡雅呢啲, 好少外區人會特登搬入黎呢啲位,
剩返啲分支家庭會買, 你轉手難左, 時間成本都係錢
再唔係你睇下美豐,
美豐中層開始個境都幾靚
又近太和站, 又靜啲

明白師兄
我都有諗過 係上車盤姐
好難一步登天
如果日後我有能力應該會樓換樓

咁我都明白，咁平嘅價錢呢啲負面因素應該係包埋嘅

如果住嘅話，居屋應該會面積好用啲
各有長短

巴打，以前有fd住翠屏中高層(應該B座)，望住大元邨方向，其實都ok靜(樓下係大平台，冇乜人) ，眼鏡房個則兩個人住應該ok。但如果向十字路口果邊就真係堅嘈！翠屏由以前到而家嚟講，一向都係比附近地方特別低水，以前d人冇咩都唔會諗買果到。不過佢做左大維修，大維修前見d外牆mark到花哂，應該本身都好殘，而家睇落外觀新淨。地點就好好，衣食住行樣樣方便，之前已經有巴打講過。係行去太和火車站遠d，但對面都有k12去大埔墟火車站，時間唔差太多。

睇budget，個人心水都係翠怡/太和中心/美豐一帶(叫舊墟)，或者舊墟直街d單棟，去太和火車站同大中巴士總站都近，行10分鐘內，果邊比較靜又多嘢食，可以考慮下果邊。再有budget就太湖，一入去感覺唔同哂。

居屋可考慮怡雅，明雅，環境幾好。寶雅雖然近太和站，但係Y型公屋則嚟嘅...

大埔係幾好住，慢慢睇多d啦。

睇你邊區番工
住大埔好慘 每日出中環最小80分鐘
教大果到要撘程車去火車站

大埔私樓黎講最低門檻 第時甩手都唔難
可以睇埋太和/舊墟果邊比較下

有無大埔人分享下大維修夾左幾多錢

我會揀買過一個站去粉嶺住得舒服d

唔熟粉嶺
450萬有咩揀?

大埔私樓好多屋苑都有咁上下樓齡 第日甩手個陣下手做唔做得盡三十年按揭？

太和好方便，可以考慮下富善花園，有細有大單位，實用
好處，行到去火車站同巴士站，樓下多野食，格離有停車場5分鐘行到，壞處，正門係行仔入，不過好安全

好多人都有講十字路口好大問題
太嘈

我都會留意一下
望十字路口 嘅翠屏就應該唔會考慮

原來仲做咗大維修 本身我都擔心呢樣
因為對於我呢啲冇乜筆直嘅人來講
會差好遠 ...

另外，睇咗咁多師兄講
太和中心都幾好，幾貼切我嘅要求
如無意外應該會係呢兩個地方睇多啲😆

我見出面有啲屋苑成交量夠多嘅話
銀行都會批

想問吓漏水嗰啲case
有冇聽樓上樓下講多唔多發生？

450萬私樓試下留意太和中心，美豐，翠怡花園

居屋可以考慮大廣咖哩至尊果兩座，明雅苑，逸雅苑

可以既話預480萬好dd，搵得大埔樓預左舊唔使強調

樓主屋企沙田人，翠屏都接受到不如搵河畔，沙田就是沙田，大埔就是更北既大埔

翠屏昌運一律不了
巴士果欄落貨拖車 未計人聲已經嘈撚到pk 而住高層無助減嘈音
米奇周街跑

多座數嘅都係幾萬唧

邊會有咁多翠湖case