（未睇過既就上一頁，下面劇透）
明明畫面血腥嘔心，但又被強烈壓迫感帶動之下繼續想追落去。
故事既舖墊，各角既心路歷程都安排得恰到好處
兩個男主角喺劍道上天賦異稟，即使經歷盲眼/ 斷手都可以重新攀上巔峰。
最後決戰亦被作者描述得十分細膩，對陣前既架招氣勢凌人。
但其實基本上係一招定勝負，仲要落得俾外行上位者評為兩個殘廢人胡亂揮劍，真係好諷刺。
成套嘢中心思想都係講緊社會既封建、極端既階級觀念。最好笑係無論男主角s、主角師父虎眼幾勁，喺當權者面前即刻自動變成小丑，狗都不如。
一個唔覺意講錯嘢真係殺頭都似。
另外，三重呢個角色都好痴線，由頭到尾當藤木係工具人，然後一直迷戀伊良子。
最後大仇得報，我都仲未搞清楚佢係完成任務而自殺定見到變咗質既藤木而自殺
總而言之，呢套神作真係超級underrated
係幾好睇
