感謝睇晒又比意見嘅人
問題係
1) 唔知點解佢會主動話想見 但永遠都要拉埋另外對couple
2) 佢對我仲有無feel
3) 我有無可以做啲咩 定係move on
個男仔係經朋友介紹
一開始係佢睇到我相 話對我有興趣 想識我
我哋見過兩次 都係一大班人出嚟玩
見完第一次 佢都主動開始同我what’s app
每日唔算傾得多 無咩曖昧 但好有內容同長
試過我無覆佢三日 我再講野 佢都表現得好有興致覆我
見第二次嗰時 佢好照顧我
見完就開始what’s app 暗示對我有興趣
但我就傻傻地 覆左一啲完全落人閘嘅嘢
佢就無再覆我
種感覺就係 所有嘢好地地 越嚟越好 點知比我一野搞錯野
過左幾日 我先知自己覆到錯晒
我之後主動左
佢都有話想約出嚟
不過係同埋我哋個共同朋友 佢哋係couple黎
佢每次都要拉埋couple一齊出嚟
但我哋冇出過嚟 因為嗰對couple成日唔得閒
又或者大家都無主動真係約
只係停留喺言語上成日都話約出嚟
但佢又唔會想得我哋兩個自己見
我有建議過唔同另外對couple一齊見 不過佢無理
再停咗一個月冇講嘢
中間都有啲插曲
不過係各自各嘅插曲
之後我再搵佢傾野
佢都會覆open ended questions
又再話約 又係同埋個couple
佢有問我啲插曲 我都好坦白同佢講
我亦都問返佢啲插曲 但佢就冇覆我
究竟佢想點
我朋友都唔係幾幫到手 佢哋唔係熟到會坦蕩蕩咁傾愛情生活野嘅朋友
過兩日我再主動問佢要唔要join我朋友飲嘢 一班人
佢有問我幾點同有邊個
但最後就話 好對唔住話嚟唔到呀 之類的說話
我只係覺得冇心想見 唔使主動話約出嚟
Timeline :
五月尾，朋友話佢想認識我
六月中第一次見
六月尾第二次見
七月中開始冇講嘢
七月大家都有啲小插曲
八月中 我搵返佢傾偈
