係到介紹下幾種龍之谷裡面嘅職業，令大家可以揀到心怡嘅職業
係玩左好耐vandar嘅巴打嘅心得
Vandar (台服譯 班德瑞) 係目前最新嘅職
暫時只有兩個分支, Duelist (決鬥者/斬魂) 同 Trickster(陷阱大師/逐月). 以SEA服黎講, 暫時基本上 9成9玩Vandar 既玩家都會選擇 Duelist, 因為 兩者既 自肥buff 、輸出 同 對團隊整體輔助性上都有差距。
Duelist 算係一個好熱門既職業, 呢度就主要講duelist 為主。
I. 職業本身評價
1. 單發技能輸出: Duelist 既 VDJ Flush 可以話係龍之谷現存所有職業中 單發技能 輸出最強最爆發既職業, 打落去果下係好爽既, 但相對換黎既係技能長CD, 就算有 法師隊友既減CD BUFF 都長達 15-16秒CD, 係技能冷卻時間期間只可以扮有野做。特別請留意, 呢到只係講緊單發技能爆發而唔係總輸出, 以總輸出(因為有其他 相對高輸出 同時 短CD 既職業) 黎講duelist 並唔算神台輸出角。
2. 輸出環境: VDJ Flush 都需要 近距離 釋放, 所以好多時需要不斷調整、拉近 同 怪物/王既距離, 相對 法師/雷神/月主 呢D 遠攻職業 會有玩法同安全性既分別。 不過 Duelist 係儲滿 7個bubble 既技能 係一招長達2-3秒既無敵技, 而且有好多係空中飛黎飛去(好多玩家覺得好型好好玩所以入坑)既技能用黎避王既攻擊, 再加上有獨有既double dash (可以向前後左右連續平滑兩次,其他職業只得一下) , 所以玩落都尚算安全。
3. 空中轉黎轉去: 上邊有提呢樣係Duelist 一個特式, 但如果相對上唔希望鏡頭過份轉黎轉去眼花, 可能係需要注意既一點。
4.補正副本強勢角: 係遊戲入便有好少部分副本係行補正模式,者係無論大家咩野裝備都會修正為近似數值, 因為duelist 有唔少技能 技能倍數高 + 技能自帶光屬, 所以係補正副本入便十分強勢, 不過呢個特色只係順帶一提, 並不建議納入選角考慮。
II. 對團體既重要性
Duelist 可以話係 大部分團體都會希望有既職業, 主要係因為:
1.職業獨特buff: Vandar (者係trickster 都有, 但同duelist分別在於下邊會講既debuff) 有自己職業獨有既 團體buff (其他職大部分都係 兩隻職業 share, 例如 卡莉同戰職 share 加主屬既BUFF, 法師同貓 share 減CD+終傷既buff 等等)
2.全遊戲中少數既unique debuff: 呢個係其中一個以團體效率去睇最受歡迎既地方。 好多職業都會有 增加怪物受到既傷害、破防、減低怪物屬性抗性呢類型既debuff, 但有D會係只限施放者適用而唔係團體共用, 而且大部分都係會 share 效果, duelist 其中一招減10%怪物屬性抗性 既技能 係獨立計算, 而且長達60秒 (基本上會長駐係怪物身上), 綜合埋獨特buff、本身輸出唔低既因素, 令佢成為 大部分成熟團隊都會希望擁有既成員。
III. 其他remarks (感想及個人主觀意見)
1. 定位與期望: 作為group入便玩左比較長時間duelist既玩家, 我個人認為如果想玩呢隻職務需要認清duelist 既定位。 角色以日本劍客為原型, 好多招都係型既, 視角效果唔錯, 但係因為 主要輸出技能都要貼王所以安全性上會有扣分。再者, 我個人認為duelist 係 輸出型輔助, 以近似裝備既話, 始終同一線輸出角, 例如 劍鬥十字天弓等 會有明顯分別。 好多人會因為 VDJ flush 一下單發爆發輸出 而下意識認為duelist 好勁好勁, 但留意番 其實總輸出黎講 佢真係會差D。 所以如果有巴打想認真玩, 希望都能夠理解佢受歡迎既主因都係在於 對團體既輔助性。
2. 新手入坑: 現時新手入坑Vandar 弊端主要有兩個: 第一係要開vandar 角色 (雖然自動為90級角色, 而且帳號內只能有一隻vandar) 需要帳戶入便已有95級既角色, 第二係 前期主要輸出裝備 女神 頭/腳 並唔能夠好似其他職業咁透過開分身刷主線任務 刷裝 (呢個問題會係黎緊一兩個月 官方補助新手既更新 送自選女神裝得到解決)
2.時裝: 因為vandar 係上年先出既角色, 所以時裝好少選擇, 好多時官方復刻出售減時裝Vandar 都係無份, 剩係見住班friend 討論邊隻色靚/ 武器好唔好睇 而自己只能夠on99 玩手指。 此外, 因為vandar改強後先多左玩家基數, 所以就算你睇岩某套只係商城出過既時裝, 都未必會搵到賣家。再加上ED近期非常推崇 "吊腳褲" 造型, 個人認為極醜。
一開game load完阿依林吹喇叭，然後出新角動畫果個位，一撳esc隻game就會沒有回應。
gmail以外嘅email都唔可以用嚟申請帳號
灰 想玩返都唔得
