請大家小心呢間公司The Fusion Group

其實之前都有人post過呢間公司出黎 話呢間公司呃人
我之前搵工個陣 因為見到個job ads幾好offer
人工又唔差 加上自己好心急咁想搵到工
所以當時冇諗咁多就上左去interview
上去interview個陣都唔覺有咩問題
仲要玩first in second in 搞到人哋懶係緊張咁
跟住又比條片比你睇 講佢地成日會出國做嘢
去台灣 去新加坡 比你覺得呢間公司好大好有規模咁 令到你想係呢間公司做
到左簽約個到就會單對單咁傾
但去到人工個到都唔會同你原來你係[/red]冇底薪[/red]，只係話係計分制，去到幾多分就有幾多錢，
同埋到個下我先原來唔係event帀而係要你做跑數狗
入到佢地星期五就會開一個會咁 又拍手 又玩遊戲咁
玩完就開始要出去跑數 但其實叫啲人捐錢係咪最後幫個機構都冇人知
同埋佢都通常會有一個senior lead住你 唔比你同其他新黎既人傾計 係因為唔想你地傾傾吓先知原來冇底薪
或者係有關份工既野 廢時等等搞到辭職 佢地冇得拎commission
同埋最奇怪既係佢有個[/red]security bond[/red]既on9野
好聽就話幫你草起佢 唔好聽既就係你quit左個10%就唔洗比返你
就同你講話啲客最後冇捐到錢啊 唔係計你個sales
好彩既係我quit得快 唔係比佢地呃好多錢
但如果跑得多數既人就要小心啲
因為最後佢都可以話你啲客cancel冇捐錢就扣你糧
而你係唔會知係咪真
辛辛苦苦咁跑啲數返黎 就幫佢地賺錢 利用完你地就可以比返少少錢bye得
我知現加仲係暑假，考完dse想搵part time做下
但真係要小心啲 唔好幫呢間公司做野 伏味濃
希望大家幫手推 唔想再有其他同學仔中伏

推

有冇多D資料 呢D公司好易轉個名又出黎搵食

但喺啲囡好正

我只係知佢現加公司係新港中心上面 12樓 我知呢啲公司可以轉名又重新黎過 我

同我做緊果間好似 又咩升做owner咁

係啊 我都有聽過入面啲人咁講 但其實有咩可能
早走早著。。

Code international 係灣仔 都係呢啲垃圾公司黎

呢間出曬名架啦已經 年中唔少人中伏巴打下次apply工最好search下間公司咩Background 先

推
岩岩畢業冇幾耐有in過 first in完第二日即刻打電話話second in 之後上網打公司名點知原來大伏 即刻推咗
佢有好多公司名 上面code international我都in過 又係包裝到好靚 如果唔知邊間係佢哋集團 佢哋有個共同點 就係填個人資料果part有幾條問題 佢哋都問得好似 各位fg睇路啦

lm

唔知樓主係咪最近interview, 我地可能係同一批in都唔定

in曬兩次先心血來潮上網搵呢間公司，發現係大伏，跟住佢打電話比我叫我簽約&send埋message過嚟話probation period推咗佢唔做

我係好早in左仲入埋去做先咁大感受 所以想出post叫其他人唔好比佢呃到

好彩睇左巴打你個post，今日終於走人，但仲未出糧，依家有啲擔心同埋你之前有冇問佢攞離職通知信或者工作證明咁？因為我問佢就話冇呢啲野

師兄我係做parttime

睇下你係跟咩活動，有啲係叫人捐錢，有啲係基金咁，但最主要就其實系日日叫你落去追數

通常平日叫你返office train你，話就話係叫你，但其實教你嗰啲野好廢，仲話叫你嗰啲野可以用係日常生活到跟住就開morning meet，有新人就叫新人上去介紹自己，話鍾意啲乜咁，一定會有人話邊個都係，跟住就話可以遲啲一齊去呀玩呀咁（P. S. 除非你同佢地已經好friend，如果唔系多數都係講，唔會搞）跟住就讚最得多單個度人，成個過程有嗌口號又拍手，成個傳銷咁超kam

追數個陣就成日話想break就break，但其實因為嗰個都係追自己個kpi，唔會理你工作幾耐，雖然啲 senior有時會幫你，但都係要睇人，有啲會主動幫你，但有啲話就係俾機會你學野，但就唔會點幫你

重點係如果你做得唔好，即使你報更比佢，佢都會有藉口唔比你

反正呢份工真心早走最好，雖然個到啲人唔差，但工就係好廢，成日扮自己係好正經嘎工，要求你返office就要著西裝

身為香港人成日落去追數都要用討好人個款做野，真心攰死，所以好心講句快啲走人，但如果你覺得自己可以應付都呢份工咁我冇野好講，你可以keep going on

Hello你好，我依家都番緊part time想走佬。。。。請問離職需要提前幾耐通知？ thank you

多數一個禮拜通知？呢層我唔算太清楚。。。因為其實我係做得幾日，跟住大佬同我catch up 話我kpi差，問我走唔走，不過你可以直接同你team最大粒嗰個講話呢份工都係唔適合自己咁，最好唔好同你trainner 講