用趟門間房有咩要注意？

小弟儲物室會拆牆，打算做趟門(90度2邊趟門)，平時就開晒2邊門當飯廳一部分，老母來時就關門當客房。
趟門我上網睇左，我自己prefer唔用吊趟門，因為怕易壞。
但推趟門就有地軌。

始終係老母訓，有軌怕跌到。
所以想問下大家點處理地軌:
1.) 路軌藏入磚令到都係同一個平面？
2.) 除了吊趟門、傳統地軌趟門，仲有冇其他款好用？

謝謝。

半摺半趟門

屋企房用木嘅吊趟門廿年都未壞
我諗睇材料同師傅手工

吊趟會易壞？
造暗軌都常見，亦唔係咩手工嘢
不過記得定時吸下條軌

多數用吊 同埋壞左有生口嫁嘛

做暗趟記得留生口，如果唔係維修好煩

見過有隻叫趟摺門，望落可以慳位啲

今日同設計師反映左我既意見，佢話可以藏軌的，挖條坑就ok, 唔會太 "kick"到老人家。