去旅行，人格可以去到幾盡？

好想知呢種女係咩樣
樓主不如開佢fb比大家欣賞下啦

繼續貼

6. 佢大哂
呢個又係好大個主題，有N多野可以講
因為呢個係佢性格，本性難移。

-首先講下佢既潔癖。
咁潔癖唔係問題黎既，但煩到人就係問題。
大家輪流去廁所既時候，大家就互相幫對方睇野，咁正常既
但Ｄ野擺邊？因為佢有潔癖，就算佢個袋好重，都要幫佢抱著，唔可以擺地下。無論你等佢去廁所果個位有冇枱櫈，無論佢Ｄ野有幾重，你都要幫佢捧住。
咁你有潔癖，ＯＫ，我幫你。但掉番轉，我Ｄ野佢會直接丟係地下，就咁看著，因為我「冇潔癖」。呵呵。
到中段既時候，因為佢都開始買得多野，而廁所門口又真係未必有枱櫈。
咁有次我開口問佢：真係好重，可唔可以放地下？
佢：唔得！我接受唔到放地下，咁污槽！最多我快Ｄ
總之都係要我幫佢攬住。
然後輪到我去，佢直接將我Ｄ野丟係地下，我Ｄ野就放地下放邊都冇所謂。
最後果日佢脾氣極躁，唔單止放地下，仲要我係廁所岩岩行出黎，同佢都仲有50M既距離，佢就已經自己走左，就咁留我D野係地下，等我自己快步行過去拎番。
-佢好RESPECT我個行程，我都冇跟個行程跟到佢咁足
佢要求係真係要跟到我寫果D時間
咁FINE既
只不過有2次我都係離開民宿前，同合宿既人(巧合地都係台灣人)傾計交換LINE，遲左幾分鐘，佢就會好大聲咁話：遲到啦！你仲講？！冇時間啦！
催我走
其實我係有預多時間既，同埋有次同我傾緊計個台灣人都話：唔使咁急，新幹線通常開車時間5-10分鐘前先到
果陣我地距離開車時間仲有半個鐘，其實會早到有餘
不過佢好急躁好唔GUR咁叫我快D走
咁我都冇計

-話幫你拎又想唔拎
我買野通常冇佢咁度叔
去得旅行，都係想買就買既，所以我拎住D野係佢D野既2倍有多。
咁佢有行行下日良心發現，話幫我拎一袋，咁我好感謝咁俾左個冇咁重既袋佢
點知行唔夠十分鐘，佢話：真係好鬼重，可唔可以俾番你
其實果陣仲有十分鐘就番到民宿，
咁其實，你都唔爭在幫我拎埋果少少路？
同埋如果你冇能力幫，你一早就唔好話幫我。話幫又反悔？
但果陣我冇答佢，咁佢就開始嬲
然後一番到民宿，佢就將我個袋好大力咁丟係玄關除鞋位，然後自己沖左入屋。
嘩，幫人幫到咁真係多謝你喎。

-散銀冇用
我唔知點解個行程入面我咁好脾氣，我係到下面衣單野發生先開始識嬲，之前佢做咁多衰野都冇意識到佢咁衰
件事發生係尾3果日，
咁佢夜晚係度計數既時候，拎個銀包出黎數自己剩幾多錢。咁佢發現自己都幾多散銀，
佢本身係度自言自語:嗯...D散銀都唱唔番港紙既，冇乜用，點算呢...
跟住轉頭同我講：你拎個銀包出黎
我問佢咩事
佢話要用D散銀唱番做紙幣
咁我自己都好多散銀，我緊係唔制，呢Ｄ情況通常都係大家各自努力咁使哂Ｄ散銀架啦
佢竟然有臉黑面，命令我即刻拎個銀包出黎
我重複多次我唔要Ｄ散銀
佢就黑住面咁喝我拎銀包出黎
我唔想咁僵，就死死地拉開個袋既拉鍊
佢一見到我銀包，就即刻搶走左，然後拎住佢堆散銀逐小逐小換做紙幣或者大Ｄ既硬幣
換完之後，佢：好野！搞掂哂
我：我唔想要Ｄ散銀呀，好重呀
佢：有幾重呀？唔係好重姐（拎住我銀包，然後丟番俾我）
我：好重囉，我唔想拎咁多散紙
佢：重咩丫重。不過既然你咁偉大幫我要哂Ｄ散紙，俾你呻多幾句囉
　　最多我幫你數埋你有幾多散紙，幫你計住黎用［跟住佢好開心咁數Ｄ銀仔，數左廿幾三十個出黎］
　　你睇下我幾好，幫你數埋記埋你有幾多散紙，幫你盡快用哂佢喎！
之後佢就事不關己當冇左件事。
咁我開始嬲佢，然後果晚唔再同佢講野。
佢夠膽死嬲番我轉頭，覺得係我唔岩，我唔講道理。
第二日，佢就自己執野自己係前面行，冇主動講野。咁我又唔想去旅行咁僵，就主動同佢講野
之後佢先慢慢由黑臉轉番普通大爺面。

樓主呢類女人做老婆就正

我都試過同呢D人去日本

大家第一次去東京
去之前話出嚟傾行程，條撚樣死都唔肯出
話有得食有得玩就得，但係又唔要跟團
本身知道佢係嗰種「唔講自己想要咩，但係唔啱心水就要屌」嘅人嚟
結果我叫足3個鐘先肯出
出到嚟又玩手機

平時夾錢買嘢或者最鐘意比一大堆散紙人
例如佢爭我10蚊，佢會比9個一蚊+10個一毫
而佢本身係有10蚊紙
相反係日本我用10 yen同100 yen砌500比佢
佢即刻發火狂屌，仲丟晒堆散紙落垃圾桶


係日本d商場買嘢，左揀右揀都買唔到
我比完錢、退完稅都仲未揀好
結果8日東京去左7次秋葉原，
仲要我地一齊食7-11便當慳錢

有次我見佢終於揀好排隊比錢
就同佢講係門口等，我順便可以睇下其他嘢
最後我係門口企左個半鐘都唔見左佢
另一個fd話佢可能係幾條街外面既模型鋪
因為佢前一晚話想去睇
結果真係係嗰間鋪搵到佢
我先終於忍唔住大聲屌佢
周圍日本人都望住我

識左佢8年，我係佢為數不多嘅朋友之一
最後全部人同佢反面，唔理佢
而家佢一個fd都無

好想知呢種女係咩樣
樓主不如開佢fb比大家欣賞下啦

加一

睇撚完都覺得樓主好勁

竟然可以容忍一個公主癌嘅人咁耐

仲要去11日？

睇到都覺得嬲

比著係我真係會開火屌柒死佢

有啲咁嘅朋友我寧願以後自己一個

所以話去旅行搵唔岩人真係生不如死

我自己都瀨過野 唔會有下次

睇撚完都覺得樓主好勁

竟然可以容忍一個公主癌嘅人咁耐

仲要去11日？

睇到都覺得嬲

比著係我真係會開火屌柒死佢

有啲咁嘅朋友我寧願以後自己一個

所以話去旅行搵唔岩人真係生不如死

我自己都瀨過野 唔會有下次

樓主呢類女人做老婆就正

咪on9 啦，一定日日俾人恰，日日同你呻，再唔係就喊，扮晒好慘咁，你叫佢出聲佢又唔肯，幫佢出頭又話唔好
煩到你仆街丫

散銀單野屌柒佢啦仲忍

唔識日文最好唔好去日本
好難溝通