今年開始，我塊面內蘋果肌深度凹陷，我對自已面部凹陷非常唔滿意，咁就問咗之前打Botox瘦面嘅彩光醫學美容中心，Sales話可以用透明質酸或者刺激自身膠原蛋白再生（即係荷蘭Ellanse少女針）填充，透明質酸如果效果唔滿意可以用酶溶解，但自身膠原蛋白只可以等自身代謝。
網上check咗好耐，彩光銷售嘅M型少女針，如果醫生打啱位，唔似摸落去有塊葋蒻咁，自身膠原蛋白自然，可以Keep住兩年！
經過彩光sales反復推銷之后，佢哋話中心嘅任鎮雄醫生經驗豐富，都計唔出打咗幾多支少女針，自稱就係任醫生做嘅，仲拎出以前同而家嘅相作對比，塊面的確立體咗，加上佢話產品絕對安全。
網上查到任鎮雄醫生2013年刊登內容誇張失實的美容廣告，遭醫務委員會紀律聆訊，裁定四宗投訴共十六項專業失德罪成，被重判停牌八個月。我諗，到目前都冇聽過有醫療事故，經歷停牌之後，我諗佢會好珍惜哩份工，會認真為顧客服務。所以嗰時就信咗佢，買咗4800HKD哩個少女針。
不過我自已都唔係好放心，前后麻煩任醫生幫我睇咗針位四次，7月15號打針前兩日，我仲特登約佢幫手睇個針位，反復同佢講，我笑嗰陣內蘋果肌會有凹陷，佢嗰陣咩都冇講，是但睇吓，跟住話知道，仲有冇…咁我都沒咩辦法，我以為醫生經驗豐富，就冇理咁多
7月15號果日，打完即刻發覺出咗事。針頭係軟管，喺顴骨位打落內蘋果肌，入咗塊面之后無辦法做調整，同埋同一支針打兩邊面，share 1ml劑量。打完左邊先出咗事，填充物未打到內蘋果肌，打咗去下位，仲打多咗，淨番約40%打右邊面，右邊嗰位差唔多，但劑量好少，未見有脹起嘅效果。啱啱打完嗰陣，我即刻覺得出咗事，醫生仲話如果兩邊唔對稱，叫我買多支去打，佢唔承認自身問題，仲sale我買嘢，好嬲。搞到我而家兩邊面唔對稱，凹陷位仲繼續凹緊，唔需要脹嘅位脹起，照鏡時好難過，好似毀咗容咁。
后來，同D彩光sales溝通，佢哋叫我過去畀醫生睇下先，再講點解決。但係我7月16號已經離開咗香港，無辦法親身過去。加上，佢哋都有畀所有客人影低做治療前同后嘅相，我都將果D可以明顯發現問題嘅相sd咗畀佢哋，佢哋唔承認，仲叫我返去，仲話我已經簽署咗風險同意書。
我唔明醫生失誤，點解我要承擔風險？咁我短時都返唔到去，我可以點算？就算我返到，我都唔會畀任醫生繼續做項目，都冇辦法溶解哩支少女針。
巴打絲打有咩意見？
想識樓主 
唔洗難過你好撚樣衰
一樣禁樣衰
