賢哥教溝女 你問我答（2)

初次約會篇
呢篇係為教大家點樣進行一個完美既初次約會，係用黎溝女，唔係食女。

(一）首先你事前要係交談之間了解定既野
1.女方有咩唔食，例如芫荽，蔥，辣。
2.了解定對方中意咩，可以係任何野，例如紅色同藍色，比卡超，美少女戰士，乜都好。

(二）約會前準備
1.外套-去睇戲同食飯啲冷氣地方會用得著，老練啲可以直接行去佢後面示意幫佢著
2.遮-睇定天氣報告 有需要就帶
3.綁頭髮橡筋-食飯嗰陣一見佢需要撥住頭髮咁食就直接攞出黎比佢，老練啲可以直接幫佢綁埋，做之前先示意，唔好嚇親人（揀純黑色實冇死）
4.紙巾同濕紙巾-係佢需要同食完飯嗰陣就比佢，打開同埋抆一半出黎比佢擺
5.香口珠-食完飯直接比佢
6.香水-噴左會加分，點噴可以上網學
7.小禮物-根據佢之前講過既愛好，準備樣五十至一百既小禮物比佢，千奇唔可以貴，例如之前有條女中意紅色同藍色，我就買左紅藍色紙花，放係個細禮盒仔到，加啲燈呀咁樣，好簡單，我多數臨別嗰陣送。
8.一早安排好行程，到時全程lead 住佢，唔洗問佢意見，你安排好就得

(三）約會其間注意事項
1.讚美，見到佢可以讚佢啲明顯位，件衫突出就讚件衫，耳環突出就讚耳環，冇女人唔中意聽
2.遇到人群行前半個身位幫佢隔開啲人，老練啲可以搭佢膊頭示意佢跟你行
3.有禮貌，對任何人都要唔該前唔該後
4.推門，比佢出先入先
5.遇到所有高位，例如路邊路駁位，都輕輕扶住佢隻手，比佢上落
6.唔好玩電話
7.諗唔到好話題可以望住佢唔講野，亂講野仲衰，比佢feel 到你緊張
8.之前講到問佢有咩唔食，例如蔥同芫茜，到時邊樣餸有嗰樣就叫嗰樣，然後係佢面前同待應特別注明唔要蔥唔要芫荽，仲有記住唔好叫有殼有骨同味道大既野，女仔第一次見你會令到人唔夠lady
9.食到差唔多就直接行去埋單，佢話a 返比你你就話唔洗啦，你下次請返我咪得囉。
10.走嗰陣可以送人去車站，送人上車。佢上左車之後就message 佢話返到屋企同我講聲。唔洗話送人返屋企，未必個個中意。

基本上九成男人都做唔到咁，記住我地係男人，係要lead 住女人，女人慕強。我地有風度，但唔代表我地要湊bb，跪低綁鞋帶同拎女人手袋我係絕對唔會做。浪漫唔等於要無條件滿足條女，如果條女第一次出黎就話想買乜買乜，你千奇唔好幫佢埋單，稍微有啲家教都冇可能會做得出，佢絕對係當你傻仔，唔洗理佢，等佢自己埋單。

祝大家早日出pool

諗到有補充再加

佢依家就係教大家做一個正常，
有尊嚴嘅男人

咁我教你
第一步，做gym

之前係d 社交場合抄左個女仔牌
開始同佢9up
分享左一d 我最近玩既活動
佢都覆我
「都諗住去玩下」、「想試試」

但其實我對佢無乜興趣
單純無聊搵d女chat下當練習
約唔約下好
定係有食唔食 罪大惡極

美女廚房啦

想知同啲女摸酒杯傾咩好
雖然酒吧都未落過

呢個好睇個人經驗同能力不過最緊要眼神要夠flirt

但點解覺得佢會有興趣

眼神同身體接觸真係好緊要，嘢反而唔洗講太多

係 亂咁係咁講野反而會減分

頭髮橡根好似做多左 好odd

呢個我都會做

不過我本身長頭髮，同女仔出街會帶多條only，黑色橡根當手繩，以備不時之需

你試下先啦

係會好加分其實，解救到女仔果下嘅狼狽，長頭髮食嘢係好麻煩嘅一件事

補充
1.女仔上車嗰陣要幫佢開車門 熟手的話可以幫佢護埋頭，點護可以上網睇下
2.當女仔著得短，坐低有走光風險嗰陣 可以將件外套鋪係佢大脾到

點解而家溝女溝到好似做觀音兵咁

阿叔當年都唔洗咁做作

係 係咁撥好麻煩，仲有會好怕整污糟啲頭髮，呢個時候攞條橡筋出黎真係雪中送碳，佢會好驚訝，覺得你好細心

呢啲叫細節，想問呢到有邊part 你覺得係做兵，我認為只係風度，無損男人尊嚴

其實真係抵你食到女，做到咁足，好多人就係乜鳩都怕，就咩都唔做，然後on99睇住條女俾人溝走，然後不停叫春

其實打扮，眼神，行為細節做得夠，嘢係唔洗點講都食到女，但大部分人凈係識不斷傾，傾到冇嘢傾就亂咁搵嘢講，變左煩膠，其實邊會夠話題，拿拿林入正題約出嚟好過，現實有共同相處自然有嘢講

本身入呢個po係抱住恥笑嘅心態，但睇完覺得你係有啲料到

你好明白我我就係唔多講野，靠做同眼神溝女嗰type

佢覆我都想去玩下 唔係想我約佢 係仲有咩意思

又唔一定既 不過你都可以試下約下既

比阿叔十年前，只會笑鳩你廢，因為你所謂嘅風度，將自己擺到好撚低下嘅position

而家我只會笑而不語，是鳩旦啦，我都唔明而家d後生好需要咩

得罪講句，你只係為他人而變成佢想要嘅樣子，好撚做作