［求推薦］胸椎 - 物理治療 骨科 脊醫

肩胛骨位痛左5-6年，尋尋覓覓咁睇左好多醫生，有啲又話係頸，有啲又話冇問題，搞到我浪費左好多錢，最後都冇好過，未試過有一日呼吸好啲。

詳細可以睇番我以前嘅post。

近來發覺胸椎mobility 好有問題，試過唔同嘅運動都好痛，diaphragmatic breathing, 聽住放鬆嘅音樂少少少少咁做，都冇用，加上呼吸不順，覺得係胸椎問題。

前排睇左個物理治療，有啪過少少，但感覺好多醫生/治療師都會跟自己嘅專長去醫你，不是由病人角度出發，即係我醫頸椎叻啲，咁就乜都關條頸事，反而胸椎又冇乜點理。

咁多年黎頸椎/胸椎/腰椎照過哂x ray, mri, 都冇事，惟獨是我見胸椎移位係難睇得出，要由醫生去摸？

我而家想搵個睇擅長睇胸椎嘅物理治療師/骨科/脊醫，想用運動嘅方法完全咁解決佢，求推薦。

唔要買package做治療，咩做10次先好，聽到炆。

我都係呢到痛 做尖整親
之後覆發 話頸椎移位 拉到下面啲肌肉
而家冇巴打你咁嚴重 feel 到個肌肉脹脹地咁

我冇印象幾時開始痛，因為個陣屋企好多野煩，成年斷斷續續都冇覺好瞓，晚晚都好緊張，係有排突然覺得唔舒服到要睇醫生。

但跟番時間黎睇，獨木舟係比較有可能，個次第一次玩，阿sir又去左跟個弱啲嘅同學，變左自己划足一日，個日係好累的，但又唔覺有整親。

聽到炆都係咁講
骨頭呢家嘢唔可能好快醫好
尤其係有番咁上吓年紀

睇醫生經驗無你咁多
剩係睇過一個又覺得幾好
建議你帶埋X光片去見一見
睇吓醫生講得清唔清楚再決定
個醫生叫王俊華
記得預約左先，唔好WALKIN

利申:扎鐵做到條腰半殘廢

有無試過運動治療？
先前睇過呢間叫Space運動治療，都有物理治療師
佢地唔係淨係睇一個部位，同埋會教你返屋企做某d運動改善
利申：睇過其他一般物理治療，淨係幫你做機10個session 睇完無乜效

B27 驗過了，紅斑狼瘡都驗埋，唔關事。

本身得左邊肩胛骨痛，睇睇下變左兩邊都痛。

一開始都係做gym，練肌肉，感覺愈做愈痛… 做個陣痛，做完番到去都痛。

而家胸中間條骨右邊少少凸起，有時做thoracic mobility都令佢痛，初時會啪一聲，覺得係肋軟骨炎？同醫生講，佢諗都唔諗就話呢啲冇得搞。。。

我最想解決係呼吸同mobility。

有無進展

我都有肩胛骨位痛左年幾, 做過好多次物理治療, 我個case 係同前鋸肌有關, 鬆左佢就好返好多。