不少虎媽會安排小朋友入讀兩間幼稚園，星媽郭可盈的女兒就曾於上下午讀不同學校，最近家長谷瘋傳林芊妤（Coffee）於新學年安排了兒子翟德彥（伯伯）返兩間學校，分別是一直就讀的綠茵英文（國際）幼稚園（日出康城）及名校St. Catherine's國際英文幼稚園暨幼兒園（下稱St. Cat），Coffee解釋一切源於自己搞錯。
Coffee昨日（10日）在IG動態分享翟伯伯的返學短片，見到伯伯身穿另一間學校的校服，有眼利家長認出是St. Cat的校服，在家長谷瘋傳Coffee安排兒子讀綠茵K1，同時又報讀St. Cat PN班。有粉絲其後向Coffee求證，獲Coffee回覆並截圖轉發至IG動態，她解釋是自己大頭蝦引起。
其實我係幫BB報錯咗St. Cat PN班，入咗之後先知道原來報錯咗，老公係咁話我大頭蝦！其實我本身覺得讀多年都冇問題，但係綠茵嘅老師話佢跟得好好，話佢如果讀多年PN怕佢悶。但其實我都交晒學費，所以決定兩間學校輪流俾佢試幾日。
翟伯伯是10月出世的細B，讀多一年PN班也可，Coffee表示將於下星期交由兒子自己做決定，「究竟留喺舊校定係St. Catherine」。Coffee坦言控制不了網民的說話，惟有做好自己。有網民都留言撐Coffee是真心想搵適合兒子的學校，而非一心只想入名校。
