暫未考慮眾籌 友人誤稱將申請「綜援」
記者會開始前，「華記」楊官華突然大力撃鼓，指獄中的鄧懷琛在7月6日已向福利官申請上訴，以求減刑。在鄧太發言後，楊官華即指鄧太狀態「比較弱」、「幾晚都冇瞓到」，隨即指示她走回幕後休息至記者會結束。
楊官華在會上又忽然「認叻」道：「我哋都知你問咩㗎啦，會唔會眾籌啊嘛？」他指現階段先爭取法援，暫未考慮眾籌及聘用私人律師。楊官華之後又忽然稱痛心，嘆「冇建制派媒體嚟採訪」。鄧太的朋友 Crystal 發言時則誤稱「法援」為「綜援」，「我哋等緊上訴批核之後，期望申請綜援」。
元朗連擺三日街站 李璧而：唔好嚟搞我哋
楊官華指，本月8日至15日進行全球網上聯署，並感謝政研會主席鄧德成提供網上聯署平台的支援。他希望爭取「正常人」的支持，稱已獲3萬多人簽名，當中85%為非元朗居民，15%為元朗居民。他指，本月16日將向終審法院首席法官張舉能遞交投訴及聯署，「希望全球華人都睇到呢一單案係司法不公、量刑過重。我希望大家將呢件事係全世界宣揚開去⋯⋯全球華人有良心嘅朋友，企出來！」
他亦透露，將在本月13至15日於元朗九個地點「自發」設立街站，「係市民自發嘅熱心」，包括元朗西鐵站G出口下面空地、千色店對出空地及元朗廣場等。
被問到在未來的街站會否帶同任何工具保護自己時，李璧而指：「我哋係做足法例，係申請嘅⋯⋯而家有《國安法》，而家警力都幾強，我相信想搞事嘅人唔好嚟搞我哋。」對於聯署人數的目標，楊官華則指「希望可以去到6位數字」，鄧德成亦相信可以達到。
藍絲KOL力撐聯署 鄧德成：唔鼓勵重複簽名
「珍惜群組」召集人李璧而指「我之前唔識鄧太」，但又改口稱「我成日去幫襯個燒烤場」。她聲稱7.21當晚有黑衣人包圍鄧的燒烤場，發言時語氣激動，口罩一度滑至鼻下，更指著記者大喊：「嗰晚嗰啲暴徒啊，好似你哋咁樣啊，喺鋪頭門口啊！」她又指鄧太十分可憐，「因為打呢場官司，你影下佢隻腳啊，佢走去抺車賺零用錢啊」。
鄧德成呼籲市民聯署，「唔係要美化違法啊、暴力啊，我哋只係想追求司法公義」，又指「唔鼓勵重複簽名，一人一個簽名都夠，我相信人數絕對唔會少」。銀龍茶餐廳老闆娘李凱瑚及空姐牛肉飯老闆娘 Annie 亦指她們的餐廳將提供聯署表格。Annie 表示「根本唔算暴動，最多都只係毆鬥、嚴重傷人」，藝人「玻璃朱」朱庭萱亦指「當然鄧生係有錯，但係咪去到最高嘅量刑呢？」
曾促廉署國安查法官 楊官華縮沙：我懷疑啫
法官葉佐文在判決中提到被告為指揮角色，「喪失理智襲擊」。楊官華在會上繼追擊葉佐文，「我就唔識法律，但我識中文字」，指自己讀畢判詞也沒發現葉佐文提到示威者的「主動攻擊性」，更咆哮道：「我見唔到佢講，黑衣人由上環殺到元朗！」有記者反問，律政司同樣沒有提及「黑衣人由上環殺到元朗」，會否認為律政司也有問題。楊官華卻答非所問，只稱「法庭完全唔睇前因後果」。
在上次的白衣人家屬記者會，楊官華曾指，希望廉署及國安處介入調查葉佐文有否受賄。被問到會否維持同一說法時，楊官華顯得「縮沙」，「佢嘅專業梗係唔敢質疑佢，佢做得法官梗係好巴閉啦」，指只是懷疑他受到外界壓力而影響裁決，並再「戴頭盔」表示：「我有呢個懷疑啫，冇話一定係。」記者會完結後，鄧太方才從幕後重返幕前，眾人鞠躬感謝市民支持。
左起：「華記正能量」楊官華、「珍惜群組」召集人 李璧而、空姐牛肉飯老闆娘 Annie、藝人 「玻璃朱」朱庭萱、鄧懷琛妻子、銀龍茶餐廳老闆娘 李凱瑚、鄧太朋友 Crystal、香港政研會主席 鄧德成
https://www.inmediahk.net/node/政經/【元朗721】判囚7年鄧懷琛上訴刑期-妻子哭訴：多謝全球關心
