［一家三口］英國定加拿大好

我知呀
叫做好彩啱啱好趕得切囉

加拿大嘅都係18-30，個個都係單拖咁去，係難發現自己人，唔同過英國嗰啲全部都全家移民

純數字睇，疫情前我記得倫英國失業率4%左右，加拿大係7%，所以一定係英國易搵啲，不過我又覺得幾個月搵唔到工好正常，你去一個全新嘅地方一切由頭做起，三至六個月搵唔到工好正常啊（如果你唔肯做basic salary嘅工嘅話）。至於行業，純文職應該最難搵純business都相對唔易除非係sales/teller，但如果你係做工廠，維修，牧場，農場呢啲就應該易過香港，香港你要點搵農場工...engineer之類嘅我唔清楚駛唔駛考咩牌但應該都唔難搵？

如果要咁計...咁我會揀有槍牌嘅地方，起碼有事上來你有槍係手...

好老實講，如果係自己一個咁最重要係你嘅喜好，你鐘唔鍾意英倫風情？鐘唔鍾意歐洲文化？教堂？博物館？你有無自信可以輕鬆融入相對有啲排外嘅環境？你對呢啲嘅喜好係咪大於純粹自然環境同人nice呢啲？如果以上皆是咁就英國。
而相對如果你唔介意稅高啲只想平穩平淡嘅生活，鍾意自然鍾意戶外活動，對於歐洲文化氣息冇好想住係嗰度嘅執著，又覺得ingeneral社會福利同穩定比較重要嘅話，咁就加拿大。

都係嗰句，自己鍾意最重要，冇國家係完美，想去邊度住就要有心理準備要連佢唔完美嘅地方都接受到。

多謝你數據，諗唔起睇失業率
我都去睇下先

之前見人講做農場，未天光07就要開工，做到17先收工

個比較有啲複雜
我去過英國歐洲, 無去過加拿大
我鐘意英倫文化+睇開波, 同時亦鐘意陽光大自然, 有去歐洲行過幾次山露過營
本身好唔鐘意落雨, 心情好易比落雨影響, 但未試過長住英國, 唔知實際天氣係點
職涯方面想喺運動方面發展, 英國運動產業比加拿大闊好多(好似係)
但英國做醫護人工低, 我一直以嚟認知英國都係重稅, 唔太清楚加拿大高稅而對生活開支影響有幾大
另外社會福利我認知都係英國好過加拿大, at least 英國對BNO支援都幾多, 加拿大無
個人係perfer平淡, 安心生活, that's why先要走
絲點睇?

其實我覺得你鍾意睇波又鍾意英倫文化可能歐洲適合你，畢竟歐洲嗰種揸車幾個鐘就可以去幾個唔同文化風貌國家玩嘅特色其他幾個大洲都無（除非係危險地區），稅我記得英國同加拿大差距唔大但英國低小小。對生活嘅影響...
舉例啊，假設你10萬加紙一年即係5萬港紙一個月，要交30%稅，即係一個月交萬五港紙稅。變成5800加紙一個月，如果你想養家嘅話，如果係down town租樓，一家人當租新淨靚仔嘅2室，可能要2800-3000左右，食飯自己煮，一家三口當1000加紙，咁你每個月除開食住已經只剩1800加紙，即係1萬港紙到，仲少過你交嘅稅。所以同樣搵5萬，你係香港會好使好多或者話好儲好多，當然我講嘅係舒適嘅環境咁養家，你想節儉肯定可以租平啲，但老實講賺5萬一個月基本都算大半個專業人士啦，想住得舒服啲都好正常？

甚至再上一級，例如你搵15、6萬加紙一年，呢個lv要交40%稅，即係稅後淨返9萬加紙一年，對比上面講10萬加紙嘅人，你地稅前差距係15vs10即係50%，稅後係9vs7差距係2x%，發唔發覺距離近佐好多？由一年收入差距40萬港紙變成只係差12萬。呢點由正面來講就係減少貧富懸殊，從負面來講就係令人唔想力爭上游，畢竟要年薪百萬所以需要嘅努力壓力遠大於年薪60萬，但當拿到手嘅只係每個月1萬嘅差距時，我不如輕鬆過日晨好過。

至於福利，我無係英國住過所以唔清楚英國嘅福利，但加拿大嘅福利大致係，生仔有育兒假，男女都有，時長大致6個月至年半。細路有奶粉金，好似係600per kid一個月？之前話要加，拿到12歲。失業有失業保險，可以拿返你原本人工個40-90%。退休嘅退休金，當你完全無做過嘢都有差唔多2k加紙一個人。以上呢啲係基本嘢。
仲有啲奇怪嘢，例如做人工受孕，可以申請政府出錢，老人家裝啲唔知咩輔佐嘢，政府出錢。總之林林總總有好多，因此你基本無可能餓死。加上加拿大公司又唔鍾意炒人，總體你就會一路處於一種發唔到達（因為重稅）又餓唔死嘅中產生活過世，老佐唔驚，病佐唔驚，生仔生得越多奶粉金同免稅額越多...亦因此啲人無咩競爭心全部都好平和，越係白人越左膠越nice...好唔好真係睇自己喜好。

加拿大近年大麻合法化，我知道有啲大麻農場請人為佐走稅俾cash，5000cad一個月，都幾高人工...

退休嘅退休金，當你完全無做過嘢都有差唔多2k加紙一個人。以上呢啲係基本嘢。

^^^^^^^^^^^^^^

咁正？PR 就有定有其他要求？有冇資產審查？

一定要citizenship 齋pr唔得，有資產審查，但佢唔理你有幾多資產只理你有幾多收入，即係例如你有200萬加紙嘅樓同車，但無收入，你就可以去申請低收入補助，再加老年金之類加埋就會差唔多2k左右，如果你連樓都無政府會安排地方你住，可能係偏遠少少地方嘅house咁。老年金嘅記法有啲複雜分為幾部分一個係你係加拿大住佐幾耐，10年以上可以拎去到25年可以拎滿（好似係25？），另外一個係你返工繳交嘅錢，連續交嘅時間越長同交嘅越多就拿得越多（呢個係按照人工比例計%無得少交）另外仲有類似非強制強積金咁嘅嘢，呢啲全部加埋。不過老實講加拿大你之前有無交過養老保險你最終個年金都唔會差得遠，基本都係2k-4k個範疇內，所以如果你後生月入好高某程度上反而唔抵，交稅多過人但老年金又唔會特別多。唯一例外係如果你做政府工，其中一個福利係係你已有嘅老年金嘅基礎上再加長糧。

宜啲工應該唔會係多倫多啦
如果加拿大，因為某啲原因我頭兩年要係多倫多
開唔到源 又節唔到流

好詳細，唔該晒你，咁睇加拿大退休保障好似好過英國

想請教下stream A 既問題
如果用一年既postgrad certificate 去申請 , 其中一個條件係requires a post secondary degree that was completed no more than 5 years before you started the post-graduate program.

咁如果我UG 係7年前，但我master 係舊年grad, 咁可唔可以讀一年postgrad cert 申請stream A?

會唔會因為postgrad cert 既入學要求係ug, 並唔係master, 所以唔附合5年要求？

加拿大(好似)住3年入得籍

咁你行stream b咪得囉
定你真係好鍾意讀書

照道理係得 但都係估估下 可以IRCC twitter問

加拿大槍擊案多唔多？好擔心
香港人有槍都唔識/唔敢開

Definitely英國
有人脈好好多

計過數都係英國好啲
主要係去加拿大要消太多錢

可唔可以問吓入唔到藉嘅原因係咩

好吸引

30頭一支公有bno, 煩緊去英國定加拿大好

本身冇專業技能，去英國唔知搵唔搵到工
有諗過去加拿大讀返個兩年it diploma轉行，但冇it底唔知讀唔讀得掂，同埋30萬對我黎講都唔係細數目，我身家差唔多夠一球左右

之前曾經係英國住過3個月左右，覺得都OK，冇話特別鍾意但又唔討厭嘅
加拿大就未去過但睇落好似幾啱我呢d想過平淡生活嘅人

我地係諗緊UK 定CA
但自己prefere CA 多
但uK 真係可以4年後先起行,但CA 就要2年出起行