求 有冇人小腿脛骨骨折 入過鋼釘

19年末骨折
覆診醫生叫下次要講定想唔想拆鋼釘排期
我想拆，但係可能傷口二次骨折，膝頭哥骨頭碎咗，啲筋傷到之類。而且張X光片有提到攞出嚟有少少難 不過如果好想係可以做
醫生有無建議拆定唔拆好

大家最後有冇拆到
如果拆咗，當初點解決定拆？依家有冇啲咩後遺症？
有冇人醫生建議唔拆都無問題不過最後都拆咗

唔識但幫推

唔拆有乜壞處?

入螺絲依個位置可能皮薄平時輕輕一撞都好痛
同埋可能心理作用
屋企人話行路隻腳好似專登抬起咁 個幅度同正常隻腳唔同
不過我自己唔覺
但係有時行行都會突然醒起就就住就住

唔拆個疤痕傷口已經喺度
拆咗就要同樣位置再開一次 而且攞出嚟個傷口會再大啲
最大條疤痕係膝頭前面，冇辦法雙膝跪低
唔知係個鋼釘近膝蓋骨定係其他原因
我自己估係傷口喺度 始終係開刀入骨
拆咗應該都冇辦法兩個膝頭哥同時跪地下受力

上網搵見有依啲
主要怕第三點，始終先至2324歲
老咗再骨折都唔奇，就算唔使截肢我諗都會增加將來手術難度
如果唔係醫生講釘近膝頭，攞出嚟有一定困難都一定攞出嚟
想睇吓有冇人係差唔多情況/至少有攞過

1.如果植入金屬在骨頭表面或接近關節的地方，因軟組織比較缺乏，易產生不適感，接近關節甚至會有擠壓症候群卡到關節肌腱韌帶

2.放在下肢承受重力大，如用大型鋼釘鋼板或鋼管放在體內，會產生「應力遮蔽效應」，骨頭無法吃到力量，會變得比較脆弱

3.曾經有病人發生骨折，植入髓內釘後沒去管它，又發生嚴重車禍。髓內釘非常堅硬，不會從撞擊點碎裂，而是從上下端斷裂，斷在靠近關節的地方，只好截肢。如果當時有拿掉髓內釘，斷裂點可能在中間

上兩個月我都入咗鈦板係脛骨平台 但我未諗拎唔拎出黎好 醫生就話唔建議我拎出嚟

聽落保留壞處唔大，有朋友手踭位鑲鋼釘，話要留一世，不過唔係受力位無咁大影響，唔識，純幫推

有冇講點解唔拎出嚟比較好
我每一次複診問醫生建議都係話睇個人意向/話留一世都可以⋯

想知樓主最後有冇拆呀？

決定拆始終仲後生

Post #13樓主有覆拆咗

有拆
後遺症：拆而造成嘅後遺症無

本身骨折就預比人早十幾年可能有風濕之類啦
我係膝頭有開刀口，拆同唔拆都太痛跪唔到唔受得力
你腳踝唔知踎低會唔會有影響
出院：我就做完手術第二日同完全自己正常行 康復期兩個月左右