拍拖五年，同居三年，早幾日發現女朋友出軌

是咁的，話說早幾日朋友上嚟食飯，開左幾支酒飲，大家都飲得幾開心，你仲話好想可以快啲唔洗戴口罩，出去同朋友飲野

我一向唔阻止你出去飲野，因為我覺得兩個人既關係係建立係信任之上，而我都對你都有百份百既信任

但我果晚忍唔住，見你飲醉訓著左，我偷睇左你電話，想知平時既你出去飲野究竟係點

可惜，好奇原來唔單止會害死貓，仲可能會摧毀一段用愛、時間、信任所建立既關係

我知我都有唔岩，忍唔住偷睇你電話

但點知比我發現左舊年有一晚我因為要幫兄弟過大禮而無係屋企訓，而你果晚最後亦係出面玩到天光先返

我睇哂你地個飲野群組入面既message

‘’ 玩到朝早起身要著返底褲咁chill ‘’
‘’ 有無做足安全措施啊 ‘’
‘’ 唉，你玩到咁攪到我地有啲對足金金猴唔住’’

仲聽埋有位所謂清醒姊妹既錄音，話你主動攬住人，仲一齊入左廁所

其實當晚我知你無返屋企訓，話去左朋友屋企玩到訓著左都唔知，我都無質疑過你，因為我信任你，但原來果晚其實係係酒店既瘋狂派對

坦白講，睇完果刻我覺得有啲唔真實，因為呢一年你仲不停同我講大家都要努力，賺錢換大屋（我地早兩年夾份買左層樓），仲講未來要點點點

原本諗住扮唔知，但我真係忍唔住，記得前晚我大聲鬧你，踢爆你，你一句想解釋想兜既說話都無

記得早幾年，你終於拎到專業資格，人工一下子升個double，然而當年既我仲只係搵兩萬幾蚊既普通打工仔，你不停叫我轉政府工，考乜乜督察，乜乜主任，又話邊個邊個老公搵幾錢

坦白講，果段時間真係好大壓力

直到而家，我正職叫做有少少起色，亦有份穩定既副業，月入終於都叫追返過你，我不停幻想緊我地既未來係點，可以點樣享受生活，原來一切可能只係我一箱情願既諗法

呢兩晚我都無咩點訓，因為我一合埋眼，腦海就會浮起你跟人入廁所既畫面，直到尋晚我終於忍唔住，我半夜落左停車場鎖住自己係車入面大聲喊，喊到五點幾先返上去，不過你可能都未必知，因為你訓得好冧

我自問無做過一件對你唔住既事，點解你要咁對我？

原本部署年底同你求婚，不過應該唔需要了，因為你需要既，我唔清楚係咪仲係我

我無同過任何朋友講以上既事，因為我唔想破壞你係佢地心中既形象，但我真係屈住好辛苦，唯有打上連登

利伸 暫時未諗住分手，因為大家好多方面都好夾，除非佢主動講，可能大家會覺得我好廢，但始終未發現呢件事前，我已經認定左係佢

感建分

你智撚障？條女比人中出埋都唔諗住分手？遲啲如果有小朋友出咗世記得驗吓係咪自己

利伸 暫時未諗住分手
此po已完

原本諗住扮唔知，但我真係忍唔住，記得前晚我大聲鬧你，踢爆你，你一句想解釋想兜既說話都無


證明佢都冇左愛
咁留低落黎 仲有咩意義
共勉之

俾佢落得去玩預左會出事啦 咁都唔分仲等咩

樓主好偉大 奶閪幫埋個姦夫含撚

有一次就有第二次
結咗婚有埋小朋友嘅話 會害咗個小朋友 到時更加返唔到轉頭

feel到樓豬既失望
出軌只有零同無限次
都係放棄佢把啦

首先要確認返呢件事係咪一條刺，會影響到你同佢之間。會唔會嘗試下溝通先？睇下佢係咩諗法？係佢唔滿意你邊d位？

男女關係，溝通好重要‼️

樓主明顯鐘意帶綠帽
大家唔撚洗理佢

專業資格? 會計師?

認真，難長久

而家俾你忍到都冇用，總有一日你會拎翻出嚟講。分啦

好撚慘 樓主 呢個世界係有人唔會出軌的

佢想同你有將來唔代表佢愛你
好多人決定同一個人過世唔代表佢好愛對方
可以係 只係咁岩好多野都夾懶得再搵
伴侶同愛人我覺得好有分別
佢結婚前都咁，結婚後代表一世比人困死你覺得佢個心會定咩 你再諗下 第日生埋仔 佢再做 對個仔幾大傷害

再者就算佢唔再犯，你仲信唔信任到佢？


你比啲時間自己 諗清楚
一定行得番出黎

至少佢都令你進步左

加油樓主 希望你可以撐過

多得有樓主呢啲人大家先放心去食人妻

理性講 你都知 就算最後比你地結埋婚
你都係會每日懷疑佢有冇再出軌 精神爆煲
分手只係今日定係一年後 兩年後 十年後既事
你地會白頭到老既機會=零
止蝕吧啦

啱啊
呢啲千奇咪撚分啊
咪害鳩埋下一個巴打