割完扁桃腺有d後悔

30/7 喺公立醫院割扁桃腺，做完手術係蘇醒室果陣已經覺得呼吸困難，姑娘話係正常反應之後就推返我出去休息。出到去坐咗一陣又可以呼吸返，以為無事所以醫生巡診果陣無講到。再抖多兩個鐘左右就出得院返屋企，但返到屋企先係惡夢嘅開始。
返到屋企因為喉嚨太痛，吞口水都痛到爆，所以係咁易食咗碗粥就算。到夜晚準備瞓教，打平瞓果陣個鼻又抖唔到氣，個喉嚨有野頂住條氣咁，要側身先瞓到。
第二日都係全日食粥，姑娘話食凍野可以幫助止痛，所以就食咗幾杯雪糕同幾碗凍豆腐花，順便當正餐。但其實都係好快就肚餓，瞓教都係要側身瞓。
但第三日就出事啦，可能食得太多凍野，夜晚就開始咳，咳多幾下個傷口爆咗，即刻搵冰袋敷個下巴，好彩十分鐘左右就止到血。
因為幾日都無餐飽飯食過，瞓教都仲係要側身瞓，無晚瞓得好，今日個人好似暈下暈下咁，5點幾果陣又再咳爆左個傷口，我依家開始有d後悔做咗手術，只希望快d捱依兩星期，俾我過返正常生活。

抖多幾日先喇
你呢啲問題做咩手術都會有咖喇

我切咗左邊扁桃腺 好返之後飲水比以前容易"濁"親
祝您早日康復

咩事要割

我當時聽到個醫生，叫我想像吓做完手術，有兩個5蚊銀咁大既飛滋喺喉嚨，我即刻9縮走人

咁撚恐怖

右邊腫脹，左邊生左兩粒膿瘡仔

食咗幾杯雪糕

姑娘叫你食少少凍嘢止痛方便食其他食物，你就當飯食

遲早都要割
後咩撚野悔

會好返㗎嘛

我扁桃腺同腺樣體大 醫生要我抽鼻咽化驗先比我排期做 而家驚到核爆

過來人 完全後悔點解唔早啲做
不過自己作死 做完手術出院啪咗十粒壽司
傷口即刻爆血 打黑痴都爆血
過咗兩三星期之後就會正常飲食

有冇人聽過割舌根扁桃腺？

遲你兩日割不過喺私家做
呢兩日食咗止痛藥都ok
醫生話要正常食嘢
因為要正常吸收先會幫助埋口
食流質會冇好得咁快
不過第四五日會最痛

你依家覺得點？

平時我感冒熱氣喉嚨痛已經夠痛苦
希望你早日康復

過來人話你知 捱過就無野
我兩邊都爆左傷口 做左三次手術

請問私家割左幾錢

食咗止痛藥之後無咁痛，今晚嘗試下食正常食物
一齊加油捱過佢

我私家割左十皮野

我都係10皮，近11
半私家房
第二日出院

大房應該六七皮？

我有保險要問下先，一直排緊

我都割咗👍不如幾爽
食譚仔唔洗再選清湯

你要睇吓有冇乜嘢限制

你係成日發炎定點？

扁朓線腫到就黎掂到吊鐘

盡快搵專科睇啦
私家你揀住大房應該六萬幾得㗎喇