複息效應其實最終都係要睇低買高賣定律

頭先條友就係用65歲既人做例子
不過50歲左右都好難高風險
真係唔可以覺得太貴唔買物業
資產本身就係越黎越貴 如果唔係邊有人投資

所以你依個年紀 有錢點都要買物業

唔上網問咁邊度有答案
從來都係問下人然後自己做答案
我無話唔take risk，而係想知清楚個risk再計畫
宜家咪用梗力喺度學習囉。我啲資產已經靠放左層樓增值左，係唔知點再攪啫。

早幾年放左層樓賺左，宜家又買返無晒啲錢好似好傻咁

頭先條友係指邊個?有po用65歲做例子咩？我miss左?

我是真投資弱智啦。
2001 2003我都出左嚟做嘢。我真係見過好多負資產破產...所以我都驚到我要用錢時係2003咁仆x咪蝕死?

投資冇得捻番之前
等於跌市初期放避險 唔代表日後貴左唔買番

所以你投資前 你一定要有筆錢應急之用
通常都係健康上
再穩陣d其實一早買醫療保險
咁所有野就好穩陣

同埋唔駛聽佢講
你有閒錢 就算你1991年月供voo
去到20年後你都有唔少錢賺
同埋2008年後有量化寬鬆依樣野
已經避免左好多經濟危機

無錯，唔輸得就唔好去
你話叫搵人說服你買voo係最好，邊有人地幫你做決定既道理
升唔知咩事跌唔知咩事
你地俾信心我買啦

重點係每個人risk profile都唔同

你咁咪姐係唔係月供囉

月供呀，100蚊以上嗰幾年開始每月3000蚊左右供左六七年，供左兩三年就150蚊，跟著好似四五年就28蚊，六七年佢就70蚊...放晒平手

應該係話我對voo嘅risk唔了解所以覺得好risky，低過我嘅risk acceptance level，所以未夠膽攪

我是真真投資弱智。量化寬鬆我喺大學都讀過好多次，econ finance科目都提過但我都唔知係乜，吸收唔到...點解有量化寛鬆就可以避免好似2001 2003嗰啲跌破膽嘅危機?

當年我連打電話追人供樓都要做，但做唔出，因為有人原本搵7萬人工供3萬蚊樓，但被裁員後就搵唔到佢，層樓仲要負資產由400萬變100萬...到今日我都仲記得呢個客嘅全名

如果我後生嘅時候識你呢套嘢就好啦。我淨係識買一層樓，然後近年放左佢有啲錢，老公返工我就唔撈，所以宜家半退休又半老又有啲啲錢喺saving唔上唔落，唔知點攪。

其實買樓都係有RISK ， 只不過喺華人社會嘅信念下被隱形咗，當你諗到一個地方嘅人口老化同埋不停下跌嘅情況，基本上需求已經會下降。依家嘅樓市只不過係反映緊印銀紙嘅增值。
唔好忘記一樣嘢，你層樓係一個由鋼筋混凝土建成喺一個有地契租約期滿嘅地度，佢本身係唔會有任何對經濟/社會創造財富嘅效果。而且年滿30年就會收到強制驗樓通知，期間你仲要付出管理費/資金流動性/差餉等物業本身嘅費用（已經未計樓上樓下投訴滲水要重做防水層/石屎剝落/樓宇老化等折舊）。假設閣下係從投資嘅角度去計數嘅話，呢筆成本你係唔可以唔理。
至於點解啲人會話買樓比股票好只係得一個情況，就係你本身已經做咗9成按，即係10倍槓桿。我都好好奇點解做到10倍槓桿會安全過做2倍槓桿/唔做槓桿嘅股票。

另外一樣嘢，就係買股票長揸係會有機會輸，但係眾所周知指數基金唔會，至於講到指數就一定會有人用恆生指數/日經平均指數嚟警示大家買股票基金有幾咁危險/唔可靠因為係賭國運。

但係佢哋同時都忽略咗一樣嘢，就係你喺香港買樓收租何嘗唔係賭緊香港命運，唔好忘記港元係同美元掛鈎，美金下跌/美股嘅崩盤對全世界帶嚟危險係無法避免。但係港樓嘅崩盤係局部性（頂多波及到中國同埋一啲國際投資銀行）。大家嘅風險根本不可同日而言，美國擁有全世界最強嘅印鈔機而你呢？只係得層港樓同香港命運掛鉤同時要奢求共產黨唔好干預樓市（政治風險），你覺得邊個勝率大啲？

最後唔好成日攞日經同埋恒指嚟打飛機佢哋好撚廢而對指數基金嘅質疑，被動投資都有好多玩法，唔單止淨係買美國指數，你驚死就買全球市場指數同全世界企埋一齊。再驚死啲就買多相關性唔高嘅資產。

同埋連登仔講嘅市場基金只不過係屬於市場因子。喺呢個世界上仲有其他獲利因子存在。

咁點解個時要賣樓

傻豬黎 複利效應如果要睇低買高賣係你唔識用, 因為輸錢都可以複利上

其實你係每次爆破前夕買voo
揸到今日都係贏錢