求 經歷寵物離世主人嘅分享

點樣先可以不再悲痛？

我隻小寶貝嚟左我屋企只有兩個月

每日好努力照顧佢 明明幾日前先覆完診 醫生話好翻哂 唔洗再覆診

琴晚仲好精神 龍精虎猛 跑輪仔

今朝 佢突然翻咗鼠鼠星球

好突然 我接受唔到

我地相處時間太短 但我已經好愛佢 佢走咗我好傷心

各位有養過寵物嘅巴絲打 你地係點渡過呢段時間？

兩三年仲係掛住

唔出奇 幾時冇再喊 我一諗起就喊

大多都係兩三年就老死接受左覺得佢算幸福就會冇咁sad睇返d片仲會眼濕濕

依家剩係後悔冇同佢影多d相/片

我都係 因為佢始終新嚟 頭一個月我都冇成日打擾佢 知道鼠鼠需要適應 所以好少上手

第二個月開始軟便 我餵藥先拎佢出嚟 因為希望俾佢多休養

比較多佢係籠嘅相
但冇乜我同佢嘅合照

安樂死個下你有冇掙扎？
明白見住佢病都好痛心
今次我隻鼠係睡夢中走 算係安詳 我唯有咁安慰自己
可能狗狗真係有翻嚟探下你

走左一隻愛狗2年了 仲係好深刻
好彩屋企仲有2隻陪伴 叫做可以分下神
佢走個陣真係好多遺憾 無好好珍惜佢既存在同陪伴
每日就係過自己既生活 好少理佢
好似當左理所當然 自此我就對屋企個兩隻無微不至
成日影低 成個相簿都係佢地
到我真係覺得自己好錫佢兩粒野 都叫做上左一課
我到依家仲係好掛住 但因為佢去左彩虹橋 我更加珍惜同其他寵物既時間
或者你可以試下養新既 佢可以為你帶黎快樂 叫做可以呃下自己 分下心

多謝你嘅分享
原來大家都過左一兩年都放唔低
我本身諗住逼自己放低
我對走左隻鼠鼠真係俾足時間同心機 我遺憾係佢真係走得好突然同冇先兆 相處得兩個月 好唔夠 我以為至少仲有一年時間相處
至於養新 未嘗好方法 但我未準備好住 我仲停留係掛住啱啱走嘅鼠鼠身上 我想俾少少時間自己先
多謝你

十幾年啲相真係唔夠貼 我諗起有啲電子相框係咁自動播啲相 應該可以放好多相
整本簿時有冇忍唔住喊 我應該會

我都諗緊睇下有冇人接收啲鼠糧 穀物嚟 唔放得耐

我屋企領養小動物多，佢哋本身條命都唔長，又易病易死，所以經歷過好多次了。

無架，都係等時間沖淡

每一隻同你嘅互動/感情/死因都有唔同，所以每次嘅衝擊都唔同。我都成日諗番起佢哋，只好keep住諗佢哋係到美好可愛嘅日子，諗住自己已經俾咗最大嘅愛最好嘅照顧，而佢哋都feel到，在世時係開心嘅時間。

講真有一兩隻可能係我大意，睇少咗病情先無得醫，(雖然搵左全港公認最好醫生，連佢都話係從未見過咁罕有嘅病)，我都間中好掛住佢好自責

禮拜一朝早發現隻倉鼠已經走咗
果日仲要係返新工第一日 成日都冇哂心機
一放工即刻仆返去同女朋友爆喊
佢都係好突然咁走 初初仲以為係冬眠咗
但後尾攞去比獸醫睇confirm佢已經走咗
真係接受唔到咁突然 不過見住佢冇病冇痛咁走
靚靚女女咁訓住走已經好感恩

做人真係要學識珍惜 永遠唔知身邊嘅人幾時會離開
唯有盡喺佢地仲喺身邊嘅時候最大努力去對佢地好
加油呀樓主

明白 有時比寶貝們舒服少少離開對佢地都係好事
不過作為主人應該感到決擇好難 我難以想像我會點決定

你明！你個名 係咪養好多倉鼠
佢地真係易病易死 我知道佢地得兩 三年命 只係冇諗過佢鼠仔細細 得四個月大就要離開我 翻去鼠鼠星球最突然真係星期一先覆完診 醫生話 便便正常翻 唔洗再食藥住 我開開心心帶佢翻屋企 走前一晚仲好活躍

睇醫生個度 本身我都曾經諗過唔去睇 心諗軟便姐 未去到痾 （因為約醫生時間問題 份工好忙同錢嘅問題）但我問左自己 如果寶貝有咩事 會唔會後悔自己冇帶睇醫生？
我答左會 所以最後之後點煩點辛苦都帶佢睇醫生
諗住今次終於好翻 有餐安落茶飯 點知
我好想俾佢知媽媽真係盡哂力照顧 俾最好嘅野佢 我真係好想知點解佢都係要走一講起就…

倉爸如果你隻小動物連醫生都話罕見 就真係唔洗太自責啊！
另外兩隻 就當汲取經驗 因為鼠鼠有時真係唔多表現佢有咩唔舒服（？）

今次係我第一次自己一手一腳養自己嘅寵物 諗住倉鼠易入手 原來唔係 我發現養倉鼠要好細心 留意佢地啲活動同病徵 我覺得今次經驗係唔開心 不過係一個機會可以學做一個好嘅鼠媽

多謝你嘅回覆
I feel sorry for you too 多啲搵女友傾下
鼠鼠走個日我（絲 非gay）同男友一齊發現鼠鼠離開 兩個一齊喊到仆街

我覺得你好西利 忍到全日 我應該工都翻唔到
你仲要新工
你好堅強不容易的！
鼠鼠睇到你咁應該都覺得主人好叻
有空俾自己抖下 沉澱下情緒

唉 真係唔太接受到鼠鼠會走得咁突然 係咪倉鼠就會咁

我隻寶貝個樣都似訓住走

你隻係咩鼠同幾大了？如果你ok講到嘅話如果唔ok唔洗講

我隻鼠係布丁嚟

我有時都懷疑佢知唔知媽媽好錫佢 我會諗埋一邊覺得佢覺得我呢個媽媽唔好先要走

你都要加油 多謝你

我頻撲帶佢睇醫生再翻工 再準時餵食藥 個排都大壓力

絲打辛苦了 狗狗好有感情 會感受到你嘅愛