《媽媽的神奇小子》討論 (殘奧金牌得主蘇樺偉真人真事改編)

中學版同兒童版都好撚勁

另外最尾08比賽嗰度啲背景cg流到我出晒戲

我覺得3個階段都得
但馮皓揚最突出

最勁係佢成長個下 幾個演員都接到戲

上面有巴打講表白場戲好突兀
琴日睇導演講 佢話想表達蘇樺偉由細到大所有野都阿媽幫佢處理/話晒事咁 覺得阿媽總會有一次搞wo件事 所以先咁樣拍 阿妹係虛構出黎

套戲有冇機會去到1500萬

無可能唔過呢個數

宜家1200萬
最尾圍唔圍到本呢？

岩岩睇左
唔小心吹沙入眼

最尾影返真既蘇樺偉真係忍唔住

我果下聽到係覺得嬲
如果件事係真既話

覺得可以拍得再好d可能太高expectation

呢個真
過左試用期仲有十三個月糧

太煽情搞唔掂
啲煽情音樂too much
吳君如又演得太普通太表面 冇咩層次咁
不過兩個做蘇樺偉嘅演員真係做得好好

【《媽媽的神奇小子》導演拎劇本叩門 十年無人肯投資 古天樂出手助圓夢】

電影《媽媽的神奇小子》叫好又叫座，電影中更出現不少激動人心對白，例如「輸喺起跑線唔緊要，最緊要係知道終點喺邊」、「雖然你一出世就係輸，但你絕對唔會輸一世㗎」，聽得人相當熱血，其實此片導演尹志文，現實中同樣為追夢而努力。

在戲中飾演「蘇媽」的吳君如，昨日在IG上透露，尹志文早在10年前已經構思好《媽媽的神奇小子》劇本，不過10年來一直無人願意投資，「其實尹志文導演都有無比毅力。佢搞左呢個戲十年。死咬住唔放。中間經歷好多老闆嘅拒絕。」最終尹志文遇上古天樂，始獲對方願意投資，戲，先拍得成...

《娛壹》閱讀全文：
https://www.patreon.com/posts/55362373

真心食正奧運熱潮有賺

影評好似都係覺得太煽情/母子線over咗

【焦點短評 | 🏃🏻《#媽媽的神奇小子》】
曾肇弘

香港鮮有運動片，以本地運動員為主角更是少之又少，尹志文搬演蘇樺偉在殘奧奪金的勵志故事，剛好呼應港隊在東京奧運奪得史上佳績，亦算是給逆境中的香港人打打氣。最成功是發掘了 #梁仲恆 與 #馮皓揚，兩人演不同年代的 #蘇樺偉 令人信服，尤其後者經驗不多，但演出自然。不過現在拍出來卻不像運動片，而全然變了倫理溫情/煽情套路，是編導不相信殘疾人士有自我意志和自己的聲音，還是覺得虎媽成才的故事，才能獲得普遍觀眾的共鳴？片中蘇媽幾乎一人分飾母親、教練、經理人，以至殘疾者代言人。究竟是媽媽的神奇小子，還是小子的神奇媽媽呢？

陳廣隆

《媽》其實是另一部《奪冠》，同樣是從一次冠軍高峰到另一次爭標奮鬥，由追求團體榮譽到追尋個人意義，當中有掙扎有失落，還有對體制不痛不癢的批評，不同的是《奪冠》前後的情感聯繫和歷史背景落筆鬆散，本片卻落重配樂，欲場場都煲出眼淚，滿瀉的母愛反成生活枷鎖和劇情障礙。戲中蘇樺偉聽見「望阿媽」才能起跑本身就意味着「阿媽 is watching you」，難怪網民戲謔應叫「神奇小子的媽媽」才恰當，幸好三位飾演蘇樺偉的新一代演員交足功課，與各配角的互動都親切可喜，拍出了動人的時刻，剛好可呼應今夏東京兩奧的熱潮。

#焦點短評 | 每周評論最新上映電影

搞到戀母咁

有情節冇故事
人物冇乜progress

同埋睇見片頭果啲乜乜北京電影工作室
已經唔開胃
古天樂都冇面俾sor

男主角成個跑步成長故事講哂，你都可以話冇情節冇故事冇progress，你條友仔睇死你又係嗰D 政治藍黃上撚哂腦嗰D 傻仔。

為反而反既人，睇戲其實唔岩你。

唔係為反而反的

咁就當我唔理啲片頭
成套男主角有咩成長？
佢最後贏都只係佢真係跑得快
我唔覺得套戲有build up到

佢媽媽亦都冇因為個仔拍太多廣告
而有心理上嘅悔改/覺悟
好幾幕角色之間有情緒發洩
但唔代表佢地有 reconciliation
唔知佢地鬧交嚟做乜

唔想撩交嗌，純討論

係好睇，但我覺得一秒拳王更加好睇

神奇小子係好睇，但佢太多嘢想講，搞到成個故事好逼。男女感情線嗰度我覺得可以cut。

劇本如果講一講400x100另外嗰3個隊友嘅落泊下場更好。蘇樺偉6金都要送速遞，佢嗰啲戰友只會更慘，呢啲會更加support到佢媽媽嘅不安。

人物內心可以再豐富啲。

例如，蘇樺偉無可能唔知運動員退役幾慘。即係，昔日戰友嘅慘，係會令到佢明白佢必須拍廣告。

理智上知道要拍，情感上唔想屈服，我覺得呢個先係人物真實嘅內心世界。係應該充滿掙扎，而唔係單一任性。

“我唔想拍呀！！我剩係想跑！！”

VS

“你以為我唔明咩？我一路都明！但係我剩係想跑咋！”

感覺會真實同豐富啲

唔係金牌咩 點解拎住銅牌

如果個個角色係正常人你個句岩

但佢唔係

蘇樺偉唔係智力障礙囉。。。。。。。。