覺唔覺得好多人打機都欠缺騎士精神同貴族義務

相信係冇人睇得明樓主點解要用「騎士精神」同「貴族義務」依兩個Term
騎士、貴族依兩個身份根本應用唔到響現代打機嘅語景

你開個account 扮女人大把騎士團

係囉 九唔搭八中二病

Strong people don’t push others down, they lift them up

無論任何事，都唔應該期望其他人做得好啲啲
5對5就係5對5，平均係1對1
點解要其他人付出1.1 1.2 1.3？
咁你即係點？free rider？
騎士精神/貴族義務？ 你係窮人，係低下階層？
現時遊戲為咗減咗等待時間，配對區域係好闊
即係類似band1頭會遇到band1
玩得合作遊戲/比賽，唔該做好自己本份
真係玩得差其他人幫你係義務，屌你只係語氣差咁講出事實

樓豬毒撚到

成隊瞓低晒望住你嘅時候

我本身想寫榮譽 但諗落呢種思想出自騎士精神 而且比榮譽貼切 所以咪咁寫

幾時係我freerider 我係唔介意畀人抱嘅大腿喎
呢個世界永遠都有人「廢」因為廢唔廢係比較嚟嘅
既然你避免唔到嘅時候點解唔諗下自己變強
同埋配對嘅話 係啊好闊 所以當你畀人拉上去
你都會係豬隊友 因為豬唔豬隊友係相對嘅

點解榮譽係出自騎士精神?
隨便search一下騎士精神，入面寫嘅騎士十誡同你想講嘅嘢已經關係極少

我講緊出自騎士精神嘅係能力愈大責任愈大
你諗下如果標題寫欠缺能力愈...大 語癌咩屌

覺唔覺得好多人打機都欠缺團隊合作精神？

不過你鍾意啦，click bait嚟講你個topic係有效啲嘅
但就唔好問點解啲人負評個post

認真冇諗住click bait 呢次唔係假膠post
能力愈大責任愈大呢樣點睇都唔關團隊合作精神事下話

打電競game就係團隊合作關係
而你所以嘅騎士精神同貴族義務係源於階級，所以係九唔撘八

你要論述嘅係點解響依個合作關係入面，點解能力越大責任越大？
然後如果你依個前設係啱啦，咁同閙隊友又有乜關係呢？
既然係一個團隊，自然所有嘢同係共同承擔，根本就唔應該存在blame晒一個人或者要一個負晒責任CARRY晒嘅情況。

*你要論述嘅係點解響依個合作關係入面，能力越大就代表責任越大

首先 我自己鮮少玩電競驚 本身主要都唔係想講電競
係唔知點解啲人入親嚟都講LoL 咪唯有覆LoL嘅情況

然後冇錯 的確唔係必要 但點解打機唔可以有啲榮譽感
冇人一開始就好勁 當帶新手又好 當有個機會show off都好
就算唔講榮譽 屌隊友點睇都唔係一個好嘅社群風氣


本身都係大半年前打機見有人廢冇人同佢玩
咁我不嬲冇所謂 慣咗最多一個人打埋佢嗰份
後來啲其他人直頭bully 佢 睇唔過眼私底下pm
稍為教下佢同介紹其他好人少少嘅玩家佢識
估唔到早排突然pm我講多謝 咁啱諗起咪有感而發

希望唔會相認

冇錯 廢唔廢係比較出黎
但係個場/個一件事入面，真係做得唔好俾人屌
咁佢哋只係講出事實同發洩情緒
其他人幫你係可憐/施捨/憐憫/感同身受/享受
而且冇義務教人，要學網上已經一大堆資源
自己變強同隊友玩得差而鬧人係兩件事黎
所以你應該指出嘅，唔應該係咩精神咩貴族
而係希望大家有耐性咁善待他人，將心比己

最後就係，人人生而平等，仲自認騎士貴族

覆最後一句先 學習呢種精神同真係貴族兩回事下話
同埋香港地有幾多個貴族啫 即刻諗得起嘅咪曾蔭權
例如武士道精神 唔通家陣仲有武士咩屌
將騎士精神斬開騎士同精神嚟理解 閱讀理解0分？

然後冇錯真係唔係義務 但可以選擇做個品德同修養更高嘅人

唔關電唔電競事，你講緊屌隊友同CARRY隊友嘅問題，完全就係團隊合作嘅問題。
冇人話打機唔可以有榮譽感，但我唔認為每個人都一定要抱住榮譽感去打機。
你係批評緊玩家冇榮譽感去打機？定係批緊玩家嘅交流好惡劣？
榮譽感同友善咁交流依我個人嚟講係冇乜關係。

一直都只係講緊你個比喻唔貼切，你話其實你唔係咁解騎士精神，然後寫幾十字解釋，然後大家聽明咗你想講乜。但咁樣唔代表你個比喻就叫貼切。

我睇法係正因為冇能力愈大責任愈大嘅思想同榮譽感（騎士精神同貴族意務）所以先會嫌棄比自己廢嘅隊友 而唔係接受同Carry佢
可能我真係用嘅形容詞唔夠好啦 反而家陣講講下 我會諗起體育精神（友誼第一比賽第二）應該最貼切？但無論體育精神定團隊合作好似都帶出唔到照顧弱者嘅意思

所以不嬲都鐘意玩tank多過啲carry / damage output..