首先
眼角膜破損主要成因
-天生 眼角膜貼合唔好/鬆軟
-被外物撞到(可能係打波/抱小朋友或寵物刮到 等等)
-甚至係好耐好耐之前好輕微不經意咁撞到，可以不是即時破損
病發經過
-好多時都係訓醒果刻，因為係眼睛最缺水既時侯，病發果陣眨眼開眼果陣隻眼會好似被刀割咁，痛到不停標眼淚，流鼻水，同時眼睛會濛左，未經歷過既話可能會好驚慌。
-當時我係驚到即刻去急症，去到急症因為眼腫得好勁，所以好快安排到見醫生，醫生用左放大瞳孔同埋有顏色既眼藥水睇過隻眼，就話眼角膜有破損，但解釋返我聽人既眼角膜係有5層，第一層破損其實係可以自己埋口
，然後醫生就俾左眼藥水我幫助埋口，同埋轉介我去睇眼專科。-因為唔知公立醫院要等幾耐，我就自己去左搵私家既眼專科睇眼，我當時打去約期睇眼，有同姑娘講返我隻眼情況，之後姑娘好好人咁俾我zip位即日睇症。
-去到專科診所，有視光師幫我2隻眼驗眼/度眼壓，之後見醫生，醫生睇完我後，俾左3隻藥我，一隻係人工淚水，一隻係消炎眼藥水，另一隻係潤眼既眼gel，人工淚水 眼乾就用，消炎就幾個鐘用一次，眼gel就臨訓先用，之後等眼角膜自己埋口就可以了，如果無記錯我2/3日隻眼就無再痛，視力就一星期左右回復正常。
-由於曾經破損過，所以係會有返發既可能性
而我又唔好彩未埋晒口果陣曾經返發
但好多時唔係破損得好大範圍，自己用人工淚水/眼gel 2/3個鐘 隻眼就會正常返。激光手術
-當我隻眼好返晒一段時間，又到另一隻眼第一次眼角膜破損，今次因為太痛同埋用左幾日人工涙水眼gel都未好返，所以我再約期睇眼專科，醫生睇症後就話我眼角膜破損範圍大/同埋眼角膜太鬆軟，好返都好易復發，所以建議我做激光手術 打磨走破損既眼角膜，等佢重新生過一塊眼角膜。
-做激光手術之前，首先要做眼掃描，睇下本身隻眼有無其他病/眼角膜是否夠厚做手術，之後好順利有得做手術，只係受傷果隻眼做麻醉，做手術既時間好快，印象中10分鐘都無，同時做既過程入面完全唔痛。
-做完手術後，醫生會放個保護性隱形眼鏡放入我隻眼度，用黎保護返個傷口。可能麻醉藥過左效用，隻眼開始不停流眼淚/怕光/同埋開始痛，醫生有俾到止痛藥，食完都幾有效。大約3/4日左右經醫生檢查後，眼角膜埋口情況理想，所以就幫我拆返隻coin出黎，預多一個星期隻眼無埋霧氣，對眼就正常返晒。
p.s. 有問題歡迎詢問，識答都會答，希望無答錯
