有無長期腰痛患者可以入黎傾下….

真係好想喺度搵吓有冇同病相連嘅人…腰痛左差唔多年幾
試過好多醫生 照過磁力共震 做運動改善 可以做嘅都做過
但係真係變到好頹 完全冇動力做任何野 因為腰真係好難搞。而家嘅狀態係 坐喺度 企喺度 甚至係瞓喺度 都好辛苦好痛 持續呢個狀態已經好耐好耐 睇過所有醫生用盡好多方法都好似醫唔好 我仲係好後生 好多嘢想做都做唔到 因為腰痛 所有嘢都卻步左…
所以想請問有冇類似病例嘅巴打絲打 有冇一啲好醫生可以推介一下 真係好辛苦 直情覺得人生已經好絕望 連最基本坐低行路瞓覺都搞唔掂 …

Tg?

我未去到你咁嚴重 自從傷過一次 (傷嗰次係痛到行步路都痛到標眼水)
到依加都隱隱痛 烏下身都酸痛

yoyoyo000000

你係點樣整親？其實我都唔知自己係點樣整親
醫生話可能係平時坐姿唔正確？
仲話可能係因為發育階段 ….真係有啲九唔搭八

我係推完重嘢 第二日起身 發現條腰好撚痛
之後叫做睇過一次鐘鐵打
其實都係自然好 不過一直以黎都feel 到緊下緊下 唔得舒唱 同灣腰十幾秒都好攰

幾時開始痛?

樓主係咪肥肥地？

你唔需要睇醫生
你只需要做運動💪🏻

唔肥啊正常身形
我諗大概上年開始 Keep住痛keep住睇醫生 醫生一直幫我整嘅時候佢都叫我做吓運動 但係點知我做完運動真係仲痛 試過唔同種類嘅運動 基本上YouTube嗰啲教學片我全部都做過晒 做完仲痛真係好無奈。。。然後試過停一段時間唔做 醫生幫我用手法整 第一次可能好咗 跟住之後第二次差咗 第三次又正常返 跟住之後又變返之前咁痛😢😢😢

屋企人最近都有類似既問題，醫生講可能係坐骨神經線問題。

我都唔知有咩幫到佢，照x ray又好似冇咩用。睇物理治療或者跌打有冇效又唔知，定係要由佢自己改變反自己平時既動作/姿勢。

衍生出黎都幾多野，又坐唔到又瞓唔好。見到咁野都好sad

長期腰痛嘅話
有可能係強直性脊椎炎
你係咪睇開骨科?
問下醫生意見

坐姿唔正確 換張office chair 改善
有機會張床唔啱訓 換張啱訓既床
試下脊醫

當你傷左仲做運動其實會仲衰
除左游水，游水係對身體最好既運動

平時有無拉筋？
上youtube search下lower back pain stretching
臨訓前跟住做兩三次睇下幫唔幫到你

我早排都係
去搵中醫開藥針灸but罐
舒服咗好多

近年坐得個款可以升起腳墊嘅梳化多
坐咗兩年幾
前幾個月試過腰痛到起唔到床
就算攤床都極痛轉身都轉唔到
要扶住床板拉自己起身
行行吓街痛到行唔郁隻腳係完全抬唔起

本身無乜坐姿壞習慣唔會攤屍或者軟皮蛇無腰骨咁坐
所以懷疑係梳化問題

當年買梳化問過sales又話唔會有事

我真係天真

最後係慢慢自己好返
個排完全冇坐梳化

依家都唔敢坐咁耐梳化因為坐耐會有少少腰痛
間中會坐吓餐椅咁樣可以坐直個人
開始明白點解有啲fd屋企得中式木椅無梳化

做gym

中醫啦 我腰痛左都十年八年，緊有方法唔痛既，不過可以介紹位收得唔貴又好既中醫比你

可以話係坐得衰，腎差，平時姿勢唔好我都中晒

https://youtu.be/aN9BbK-0Zew


跟著佢做拉筋4:00開始！一個月後包冇咁痛

我有試過3 年痛住行坐訓
我解決方法係用脈沖電流開到最大果個level 電腰背肌肉 ，等D肌肉支撐力好D 同埋推返脊椎移位入返正常位
而家都冇乜事

https://youtu.be/g4N5iOPRB0c

4:00

呢個方法係我睇過一個中醫同西醫都係用呢個方法
後來我自己買部返屋企自己搞，電左都有一年多

日常站立，坐姿，睡姿唔改善的話，你只會痛一世。
好多人都虐待腰椎到腰椎頂唔緊就會推嚿椎間盤出來銀住條神經俾你嘆下。