到左上年一月尾佢發覺自己隻腳開始痛，起初佢以為自己只係「坐骨神經痛」姐，肺炎個陣仲一路買一抽二袋既餸去預備防疫。個陣係樓下屋企大堂仲同媽咪講：「隻腳咁痛要唔要去急症睇睇啊，但你cancer應該好返哂架啦！」個時我以為媽咪做完電療，手術及化療就已經康復好自己身體先會咁樣講。
到左某日凌晨兩點左右，媽咪本身若無其事去洗手間，點知佢：「細佬！幫我叫老豆起身，我左邊身郁唔到。」而我慌張地打左我第一次既白車經過。隔左一段時間，證實媽咪乳癌已經擴散到腦、骨、肺三個位置。所以個時先會好似中風咁郁唔到，加上會抽筋既情況出現，聽到消息之後我都上網Google乳癌資料係特別容易復發的。由於上一次唔識諗冇陪伴佢打病魔，咁大個仔先知道媽咪將會離開我身邊，就自自然然想同佢打呢一場硬仗了。
經過左政府關愛基金資助食左大約九個月既標靶藥，但係醫生覺得實況都唔大，甚至之後再試埋化療都冇再好轉下去，甚至有幾日晚「抽筋」持續時間比較長但佢保持清醒既。
小弟即使係Christian都好，好似好堅強，但有時只可以向天父祈禱及依賴，甚至好想多一個女朋友互相扶持，鼓勵等。但作出決定既時候都需要同老豆商量，係依件事當中我角色同老豆一樣都係照顧者，阿哥就好似冇咩點理阿媽。
我都唔清楚咩原因，係「逃避定係害怕」？
至琴日都需要決定搶救安排，將來媽咪既生後事安排！
我後悔冇俾媽咪
－帶到女朋友比媽咪見
－見證我結婚或生小朋友
－洗禮（未必見到）
－湊孫
－旅行
加油
多啲陪媽媽，自己有壓力都記住同朋友傾下
anyway 加油
