ViuTV《全民造星4》今年以「組女團」為目標，193（郭嘉駿）細妹郭嘉盈（Michelle）早前都有現身參加節目面試，當時她曾表示阿哥193都好支持她參選，但今日193出席ViuTV活動後接受傳媒訪問，竟然大唱反調，睇死個妹入唔到圍！他笑言是因為阿妹太渣，而其他人太勁，所以就算花姐肯幫拖，他也覺得阿妹應該入唔到圍。
193指阿妹原本做銀行有高薪厚職，現在卻辭工參賽，他笑言：「我都叫佢唔好搞咁多嘢，可能佢唔知阿哥咁垃圾，做193阿妹冇用，做魯庭暉（ViuTV高層）個妹先有用㗎！」193仲幫阿妹諗定後路，話希望佢落選之後，有Model公司可以簽佢，他透露現在已有大品牌搵阿妹拍廣告。
ERROR成員193妹妹、原本返銀行工的郭嘉盈（Michelle）早前曾現身參加《全民造星4》面試，全因她一直都很喜歡唱歌，直至看到哥哥做到自己想做的事，所以今次就來參加；被問到哥哥193聽到她參賽時，Michelle就表示起初會感驚訝，但後來就講話：「好，參加！Nothing to lose！」Michelle指阿哥193同家人都好支持她參選，不過她卻怕自己做得不好會影響哥哥。
