唔憂做+華人嗰種濕鳩師父心態
覺得「我係呢行食鹽多過你食米，點會錯？」，
仲有教畜嗰種印象分差就放生你唔會覺得你有畀心機去學嘅態度。
事源： 有日去咗呢間target archery上體驗班，咁係一位叫Jxxxx嘅中年男教練指導。
起初隔離嗰fd喺佢教時會講幾句，但我好肯定除咗教練撩我講嘢之外我都冇搭過一句嘴，好專心咁上佢堂。
問題就喺度，同場其他學員嘅姿勢比較好，我資質愚鈍都較差，教練口頭講指出我有咩問題eg. 拉弓拉唔貼下巴。
一來我自己碌開齡慣咗單眼係用右眼為主視眼咁瞄準且右手慣用手，但教練判斷我係左眼主視眼，令我覺得動作好唔習慣。
重點 二來教練覺得我同個fd吹水唔專心聽教，但我自正式上堂後係完全冇同朋友講過一句嘢。
咁佢就開始喺全部學員面前指桑罵槐，甚至「乜啲女仔得你兩個高牛馬大嘅男仔唔得？」
性別定型？你大男人又喺度單單打打，有咩唔直接講？
咩運動都無一套必然得嘅姿勢去俾任何人跟，每個人臂展、協調、肌肉伸展、關節同韌帶鬆緊都唔同，NBA個個人射姿都唔同啦，一套姿勢啱晒所有人咩？
第一次試、上你堂上得一個鐘唔夠，錯你又唔執淨係話有問題，一嚟就察覺到細節錯咩就唔駛學啦。
期間，我轉手轉唔到成日彈到自己，去到中途我係咁試聽佢講嘅掌心握弓再轉，但佢覺得我咁樣係唔專心聽佢講嘢fing緊把弓。
我喺佢將呢個諗法講出去前已經問咗佢點轉手，佢叫我掌心握弓，話我唔放鬆握唔中，我試完佢唔收貨又覺得我唔配合佢，覺得我唔專心聽。
嗰刻我已經彈瘀哂手臂，咁冇理由未學行先學走仲要搞到自己受傷㗎？喂大佬，我會唔會拎自己隻手同你鬥氣呀？
圖左下就係瘀傷位，上面就係血痕位
然後佢見到我臨尾一次彈到成條血痕出哂嚟就話「點解教極唔聽？其他人都得點解你唔得？你傷到咁唔好出去同人講你喺呢度學射箭，影衰我招牌。我教你唔到對唔住，退返錢俾你你放低嘢走。」
但其實我已經聽佢講曲手肘，嗰條血痕唔曲手肘係唔會彈到呢個打直嘅角度。
咁當然我一定有啲咩細微位冇做到先會傷，
但大佬你淨係叫我曲肘企好我盡我能力做完，
你唔細執淨係得把口講話我唔專心，
執嗰陣又只係怪我「點解其他人得你唔得？因為你唔專心」嘅做法，我係可以點樣避免受傷？
你哋可能會覺得，你咁多怨言同佢講呀嘛，同我講做咩呀廢柴.jpg
我的確真係喺上堂途中解釋
，咁俾佢阻止我都體諒畢竟有其他人都上緊堂。但最後嗰刻，我話錢唔係重點俾一分鐘我解釋得唔得，佢直接話唔好阻我上堂。
咁算係咩態度？講真拳館啲師傅仲惡，你打拳唔扭腳就即刻踢埋去，但我都唔覺得有問題，錯咪認打咪企定。
前題係佢以事論事
咁如果我真係唔專心搞到受傷係自己攞嚟吖，但佢都唔係咁樣放生個學生吖，仲要我冇傾過計喎其實
有朋友話俾後生教練教係幾nice幾好，
睇完仲堅持去呢間嘅我祝你遇到個好教練。
