［樂器撚］唔知學邊樣好，求分析

小弟本身自學緊木結他，淨係識小小小，本身係想學黎再轉電結他黎夾下band，但近排見到一樣叫keytar既樂器，覺得都好撚正，唔知學邊樣好，有無巴絲學過可以幫下我唔該晒

Keytar link:
https://youtu.be/YjLNlIUIc3E

小弟而家25歲，返緊工，驚無時間學唔晒咁多樣，想學左一樣先

無主見到戇鳩，唔使諗已經可以話你不會成功，未見過藝術家（音樂、VA相關甚至做廚都好）係無性格/對自己想做嘅嘢無熱情

本身學咗嗰少少少少就諗轉樂器，轉都要三心兩意，你直情係六心四意，不如考慮下慳返啲時間上連登？

無咩恆心既都係學返啲大路野好

我本身都係prefer咁，係想睇下有無學過keytar既巴絲share下

Keytar係keyboard嘅一種form，係樂隊嘅角色同keyboard 無異，只係表演視覺差異，所以基本上就係要學彈琴，木結他嘅skills基本上用唔著。

所以個問題係你諗住繼續學結他，定改學keyboard 。

你自己鍾意邊樣？

我係鍾意結他多d，巴打有彈開keytar?

要彈 keytar要有琴底，起碼唔駛望都彈到chord或scale。邊望邊彈玩keytar真心on9。

識彈keyboard就一定識彈keytar，問題係會唔會買個keytar番泥玩。如果唔係上台表演，或者想隨身帶琴，梗係喺屋企cc服服坐低彈好過要揹住個keyboard喺身彈啦。咁有人覺得型，但玩兩嘢新鮮感一過就知唔係個個啱（得嗰3、4個octave梗係唔夠玩啦），所以這件樂器出咗幾十年都係小眾玩意。

原來已經出左幾十年，我就係驚自己貪新鮮，所以想問清楚先唔該晒巴打，我應該會學返結他

記得80年代香港興過一輪

小弟一開始都係學木結，之後學左2年電結就停左冇學，而家繼續學番

學任何樂器都好需要有恆心，恆心都來自你對佢既熱愛，個人覺得你學電結會好d

利申: 28歲

學左1年木結他表示 我所識既都係好少
不過如果你係想掃下chord自彈自唱 就冇所謂啦

估唔到，我見識太小

我覺得電結真係好正，巴打你覺得電結同木結彈法分別大唔大？定還是係玩既音樂種類根本唔同

我既感覺係：
木結比較多finger style類/ 古典，右手手指彈多，或者係自彈自唱
電結多d rock, metal, jazz，99%用pick 彈，一開始轉電結，要d時間先適應用pick

我見你一開始話想夾band，應該電結啱你多d，睇你身邊多唔多fd 可以夾band

我有幾個fd 以前有夾開，而家無夾，我就係想夾rock既歌

你想玩咩Rock先？
如果hard rock/ metal之類，唔駛諗一定電結他。
如果係county/ slow rock先諗木結（其實電結都彈到）

Kolor個d係咪叫pop Rock?我唔係好識分，係想玩呢類

Band sound 就電結啦唔好諗咁多

好唔該晒巴打

不過最難係搵人夾band😒

我就係見難搵人夾，同埋結他都好多人彈，所以先搵d無咁多人玩既樂器，咁夾到既機會好似多啲

你係唔係真係鍾意結他架諗咁多理由想自己唔好學咁
三角鐵夠少人玩啦，咁你係唔係去學佢？
學野梗係根據自己對嗰樣野有無熱情去學架啦

我嘅建議係，揀學咩樂器唔係最重要。樂器只係幫你認識音樂和用音樂表達自己嘅工具，當你真正認識音樂，好多樂器都唔會難上手（當然要成高手都要浸），因為根本一理通百理明，所以只要揀一樣自己鍾意嘅樂器入手已經足夠，唔駛考慮太多。

夾band最難從來唔係技術唔夠，而係夾唔夾到人，好講緣份。所以相比咩樂器咩技術，想更易搵到長band夾更加重要係識跟人溝通、有交帶、尊重人之類。