[法援, 緊急]老豆突然入左去入坐監 !

俾個case你參考下，首先我本身職業經常要同律師有來往，所以就會同佢地比較熟，早幾年我細佬刑事恐嚇，情況大鑊過你老豆而家（如果你老豆冇呃你），當時情況大概係，我細佬飲醉咗，有𠝹刀，有推黑警，cctv影晒。

嗰時我立即向我d律師朋友求救，之後就向主控官方面攞證供同cctv(過程唔係好記得，因為太耐），點知一睇cctv就知大鑊，嗰時律師勸我細佬認罪，因為認罪個官就唔會睇晒所有cctv(點解唔睇晒cctv我真係唔記得，因為推黑警係cctv最後部分），最後我律師朋友轉介咗單case俾佢相熟，專打刑事案件嘅同行。

之後求情信，悔意，應承個官戒酒同埋上戒酒課程（呢單case個求情點係飲醉酒先會鬧事），最後罰咗幾千，唔記得有冇案底

埋單朋友價都要80000幾

##當值律師係廢嘅，hea做

##當時係佔中前，反對派正值日益擴張之時，我細佬俾人拉嘅時候戇尻尻自爆係某反對派嘅支持者，之後個黑警同我細佬講，大sir話一定要做撚死佢……如果當時冇律師或搵當值律師，我細佬入梗

##你老豆單case，一係佢有好多嘢隱瞞你，一係對方係公職人員，如果唔係一般打咀炮嘅刑事恐嚇唔會咁嚴重判8個月

最後，你自己決定點做啦⋯⋯但你如果冇d錢，呢個遊戲根本冇得玩，祝你好運！！

路過幫推

樓主可唔可以講下成件事係點

恐嚇人，自己受返個後果

認同

要小心鬼拿奇

認左就算啦
學下收口
唔好以為咩人都得罪得
你仲要窮 係法律面前真係...

認咗好難搞
上訴萬一唔得仲西
最重要係無錢

見樓主似真心同孝順...

第一，認咗罪唔係話無得搞，而係成本會高好多

第二，唔好話咩講咗一句嘢就要判八個月好誇張。自稱三合會都係一句嘢、喺飛機上亂噏有詐彈都係一句嘢，你試吓三更半夜幾個大隻佬圍著你講見你一穫打你一穫，你覺得係唔係恐嚇丫

巴打係有孝心嘅，探多啲監好過啦，俾你搞一輪刑期減半4個月，搞得嚟都差唔多放監

題外話:勿盡信網友意見
當中唔少係查緊案既警察會不斷留言叫你認罪，曾經我屋企上網比鄰舍用嚟做犯法野，去旅行翻香港比警察扣留左我40個鐘
保釋期間上網問左好多所謂有法律知識既人
佢地會一面倒話你講大話，有咩留翻同大老爺講啦，認罪啦，無架啦無得打，自己做過咩自己知啦，一早認有得減刑等等說話
最後比左少少錢律師同我去搞續保同錄口供
保釋左一年之後警方同我講無條件釋放我，事情告一段落
法律依家野唔好上網問，如果我當初信鳩班人我諗應該有排坐
同埋一堆話認罪個d無得打既人真係好無知

你就無知

你老豆認咩罪
第一開始請當值律師都唔洗錢

推

下次認罪都要搵律師，冇律師你自己on99認比人砌都砌撚惡

你阿爸認左罪，就定罪上訴似乎無乜可能，所以上訴刑期比較實際。

法援方面，要通過經濟同案情審查。經濟審查係指你阿爸資產唔可以過$290,380 (至於點計法你真係諗住上訴再講)；

至於案情審查，你阿爸要有合理嘅上訴理據，「判刑明顯過重」係一個常見並且有力嘅法律理據，但係八個月刑期是否明顯過重，有好多因素要睇，例如你阿爸有無類似定罪記錄、犯案性質、你阿爸年紀同經濟負擔等。不過認罪本身已經係刑期扣減嘅最大因素（一般為刑罰嘅三份一）。

所以要上訴刑期，你要睇番未扣減認罪嘅刑期，係咪過重，呢層就要睇案例，你真係有需要我可以幫你睇下。

如果想知申請法援詳情，你去http://www.lad.gov.hk/chi/las/criminal/ec.html 睇下啦

有咩想知再講，不過最後做乜決定都好，應該由你阿爸決定


利申：考緊pcll，純粹個人睇法，並非法律意見

你試下搵低褲超人或者區議員？？

打感動

上網班撚樣真係唔好信

入去八個月學下控制情緒

樓主你肯定係刑事恐嚇？
一般criminal intimidation 唔會8個月咁重喎

利申： trainee solicitor
建議你搵律師
唔好聽連登仔9 up

8個月啫