學車考出面街、揾緊/跟緊教車師傅嘅人可入

首先自認自己唔識揸車先，揸自動van都會肥，仲要之前都考過棍van。

故事有小小長，勿介意，成個故事係咁：

話說之前元駕肥咗棍van，諗住考街報自動van ，經朋友推介話有個師傅好勁，Facebook長期post一啲合格學生嘅合照。咁我咪試下囉，7月中考車，我4月頭巳經contact佢（I先生），想約佢日期同時間，知道自己手車揸得麻麻，想將勤補拙，咁佢建議6月頭開始學，咁好快6月頭就上咗第一堂，我係考油塘，佢第一堂叫我係九龍塘達之路等，仲叫我準備$2000for 考試租車（其實果下唔係幾想比，但我又on99，信我個fd 話呢位I先生教車好勁揪），講到第一堂學車地點，咁我心諗：第一次掂部自動van，邊到學都冇所謂啦，第一堂學完都正正常常啦。去到之後先知中伏…

第一堂見面果陣，我巳經同I先生講，話我想每個星期都至少學1堂（2節），咁佢話ok，咁計番6月頭去到考路試果日，相隔8個星期，咁我都expect 自己可以學8堂就考路試。但turn out最後我淨係學咗5堂，而且以下呢幾方面先係問題：

1. 經常臨時改時間，學咗5堂，有2堂都係臨時改時間，果排我啱啱完sem ，又未到intern，果個period基本上我係好彈性，我甚至同佢講星期一至五嘅9am-6pm，點知佢第二堂就問我星期六上得唔得、甚至有次仲問我夜晚9點半學車得唔得，我心諗：我考路試考朝早，我仲要住新界西老練咁遠，我學到啲乜

2. WhatsApp 長期唔應機，問佢野基本上2日後先覆，但奇怪係佢教車又會係咁禁電話，payme 收錢嘅時候又會唔洗5分鐘就應機

3. 學車路線，我考油塘，學咗5堂，堂數對我黎講本身都唔夠，唔計第一堂同考路試前果堂，3堂入面有2堂我係九龍塘上車、揸去油塘同埋油塘練到一半、揸去九龍塘落車，揸去九龍塘果次仲衰，去到石硤尾果頭仲要停低架車，佢去買m 記，先唔理食啲乜，但唔會係我學緊車果陣去買掛

4. 遲到，學咗5次，遲咗2次，第二次遲到仲要係我考路試車前2個鐘果堂遲到，遲咗15分鐘，但重點係因為I先生可能太多學生，抽唔到時間比我學車，我7月2上第4堂，（原本17/7 會補多堂，但佢話驚打針會發燒，所以放咗飛機，安排咗18/7夜晚上，但果朝我問佢佢又話攰又眼訓，所以放咗我飛機），所以我第5堂考路試前2小時學車，距離上一次掂部車巳經係17日之前，但好死唔死佢遲咗15分鐘，最後學咗1小時10分鐘就考路試，考完試果1小時10分鐘仲要收番2節正價嘅價錢，多咗我當拎去喂狗算

5. 教車手法：上咗咁多堂，基本我都係睇YouTube自學，我揸車果陣時，佢多數整佢手上果本簿/禁電話/聽電話，忙

學車堂堂都6百幾至7百不等，本身覺得咁貴學車巳經好on9，唔講教成點，如果仲要比錢買難受，我寧願益番駕院算9數。唔係因為路試肥佬，心情難受先講以上說話去唱佢，我冇唱衰佢嘅本意，無論合格與否，我只係從學習駕駛者嘅角度講番呢件親身經歷，有人要護佢嘅就悉隨尊便，我都無意再深入討論，只係想同跟緊佢學車嘅人講：祝你好運。


平時自問自己都EQ高，用開LIHKG 都幾年，多數都係睇post多，偶爾開post問下問題，解決疑問。但呢次呢啖氣真係吞唔落，先撇除果位人兄教車教成點，我又學成點呢件事，從教車嘅態度上面巳經完全接受唔到，如果有人話呢一行係咁，咁我都無言以對。但想講每次學車都見到勁多私人教書/教車嘅機構，起碼都10間、8間，如果有得揀，我估學緊車嘅你都想揾個態度好啲嘅教車師傅。同埋學車，無論學咩車種都好，真係唔好信身邊啲fd ，學車呢樣野係人夾人，你個fd 夾到唔代表你都夾到。

想知係邊個係I先生，留言再講

上嚟唱又唔開名

唔掂就一早要換人

姓葉？

住大西北點會報考九龍

唔係想刻意唱衰人，不過自己可以查下邊個教車嘅人嘅英文名係I字頭，IvXX

唔係，I先生個I唔係姓黎，係nickname 黎

原本學8堂，諗住學到一半再算，點知會係咁
不過冇得賴，係衰自己on9

隨機派，我都唔想咁遠

實有呢啲hater，唔會怪你

唔想知 你咪撚講

大西北寧願去香港駕駛學院算
咩都整好哂

你由九龍塘揸去油塘來回其實都學到野架
都可以學以致用返落考試路線到
唔一定係死操難操考試路線先叫學車
不過一早知師傅冇交帶就好換人啦

如果本身學得夠，出去闖下我都知可以學下野，但本身最弊係考果3條線都未揸熟，加加埋埋足4節都唔知有冇，出去闖下咪只係比個藉口方便教車師傅教下一班

我就同你唔同
第一次棍van肥咗油塘
隔左半年再抽快期
抽到2個禮拜後考永孝
咁好彩搵到個師傅學左10幾節 唔會遲到早走 泊車調頭會落車睇位解釋到好清楚點解泊得好 點解泊得衰 又會一齊入考場睇吓人地點考 最好係落堂會WhatsApp鼓勵你

之後諗番起第一個師傅真係仆街黎
次次都要九龍塘塘上落 仲要佢揸 減埋來回時間得番2節學路面 行緊果陣又淨係係到煲劇 禁區調頭都冇揸過入去 又冇講點處理四山街d車

所以學車真係有咩唔對路就好轉師傅

有啲師傅會收左你租車考試費先

又遲到又買外賣都唔開名

叫人去搵
比我做師傅都咁啦
啲傻仔連唱衰都淆

唔開名你唱條撚啊？

好撚心，如果你係講緊事實就唔怕開名，講事實唔會俾人告誹謗架 on9

你哋啱，事實擺在眼前，唔好比呢啲人整臭成個教車界，準備學車/學緊車嘅您，見到呢條友就祝你幸運