天航 D07 出版啦！！！

原來咁就十幾年

唔知係我睇唔明定點 有冇人睇完覺得個結局好跳 雖然我明白佢有啲關於人性同獨截嘅想去想表達

以下可能有少量劇透 未睇書嘅可能skip咗我個reply先好啲



















例如唔明點解𤋮來同阿撒會無啦啦變咗路西法 有滅世嘅想法 佢地2個明明成世都係忠於共和國嘅軍人 好似冇乜點刻劃個心路歷程

另外又唔明啲天使姐係加百列嗰堆係咪姐係一堆創造咗地球/人類嘅外星人 咁無啦啦做咩一開始要殺𤋮來

仲有唔明點解一開始𤋮來降落嗰陣遇到白衣人 紀九歌點解會喺隔離 嗰個時間點𤋮來仲未變路西法 應該係紀九歌出世前n年嚟㗎喎

同埋瑪雅係咩人點解有抗體 佢見到十誡就記得返前世 姐係佢前世係上帝？ 定前世係摩西？咁點解前世係上帝或者摩西就會有抗體 前面明明寫有抗體嘅係𤋮來㗎嘛 而𤋮來冇get錯係路西法嚟

感覺有好多支節跳咗 前面幾本書有啲伏線好似冇收到 可能係我要畫公仔畫出腸啦 有冇人解答到我

再睇多次唔明嘅地方又多個疑問 如果時間係不斷循環嘅話 其實救世主團隊做嘅野係咪冇意義 因為就算今個循環救世主嗰邊贏咗 下個循環李斯嗰邊又可以覆桌 人類其實唔會滅亡 只會不斷無限loop 個時間線好亂

真世一
感動到pk
連個舞台劇都演得好好
睇到勁感動

我覺得呢個位置係想簡單交代外星人嘅由來
如果唔係佢第一part個位好多都講唔通

外星人係指加百列嗰啲定係𤋮來嗰啲？

同埋唔明阿撒中毒之後 𤋮來出去搵到聯合國架太空船之前沿路見到一堆屍體係做咩

和氏壁 無咗
破咗嗰Loop了
起碼唔會跟之前嚟行

睇住kindle先

加百列就係熙來降落之後 幫紀九歌傳話果個研究員 藍眼 白髮
咁紀九歌就係上帝我屌

瑪雅似係約書亞 即耶穌 書中提左幾次約書亞 應該就係暗示

但係耶穌從何而來（既然上帝本來就係人類）

但阿拉喺D06又同摩西見過上帝，唔通嗰陣係見到紀仔？

我唔記得d06 了 不過紀九歌疑似上帝
加百列幫佢傳話 神的使者紀九歌仲識改基因
耶穌應該又係天使血統

換頭呢度好似衛斯理情節

本身以為虎仔會多啲戲分

𤋮來遇到紀九歌靈魂呢個設定好奇怪 因為紀九歌係為咗阻住減世自殺先會靈魂永遠存在 咁啱啱降落 𤋮來根本未開始有滅世念頭又何來有紀九歌靈魂嘅存在

如果紀九歌個靈魂唔會消失 咁姐係遇到𤋮來之後 個靈魂都keep住喺度㗎嘛 咁過咗幾千年人類紀九歌出世 咁個世界係咪有2個紀九歌



感覺有啲bug

d 系列個世界時間應該係非線性 且有平行時空
就好似書都有寫上一個時空咁
當救世7人組成功救世 紀九歌就唔會返到去做上帝 呢度就分裂左個冇上帝ge世界

書展聽日完,一般書局應該最快後日先有?

重睇返D06 係冇平行世界 救世成功呢個時空就會取代紀九歌成為上帝果個時空

佢d愛情小說真係好有香港味道
好寫得到中學既感覺出來