前觀塘區議員梁凱晴因出席去年六四集會而被控參與未經批准集結，早前認罪並遭判處入獄4個月，梁被判囚而失去區議員資格。她的社交平台專頁今晚(10日)發布梁的獄中信，稱梁入獄第一日就被恐嚇，向懲教署職員申請轉調單人倉一直未獲批准。不過，最新得知指懲教正調查梁有否違規行為，惟暫時不會被單獨囚禁，正等候結果。
梁在信中指，於5月28日踏入監倉就已經有人用不友善的語氣對向她說「你成日上報紙呀嘛，我認得你！」更試過有人對她說「行路小心啲呀！」她曾經與值日官及保安組人員述說情況，以及遞交轉到單人倉的申請，但未獲批准。另外，又提及梁的近況，不但消瘦了，更因工作環境較苛刻出暗瘡、 出汗疹以及難以入眠。
梁凱晴稱在獄中受恐嚇「行路小心啲呀！」 懲教正調查梁凱晴有否違規行為
極速神驅
179 回覆
428 Like
66 Dislike
【凱晴獄中信（三）：清楚明白但我唔接受！】
[小編：最新得知懲教正調查凱晴是否有違規行為，有機會會以單獨囚禁（水飯房）作懲處，正等候結果。最近到親友再探望凱晴，見佢再瘦咗。因工作環境較苛刻，出暗瘡、 出汗疹、難以入眠。雖然如此，佢知道牆外嘅人唔比佢好受，再次寄語大家要保持憤怒，唔好讓稜角被磨平。]
有時候收到信，或者朋友建議叫我唔好提懲教嘅嘢，驚佢哋留難我，我係一笑置之。對於權力差異，我並不恐懼。每每有不公義嘅事情發生，「我一定投訴佢！」好多人只流於口交部層面。有冇人諗過要舉手呢？點解會有呢種無形嘅恐懼呢？我諗就係一種所謂「威權式震懾」。
明明只係一種形式、儀式，去展現權力嘅不平等，慢慢對囚犯造成一種精神上嘅壓力。每日規定時間「巡地方」，一啲所謂好高級嘅職員會過嚟巡視。而工場 / 監倉 / 日間活動室，職員亦會喺事前三個字 / 半個鐘煞有介事嚴正提示我哋「喂巡地方喇，整理好儀容！」有時仲會惡言警告。自然俾到一種無形嘅壓力俾囚犯，令到佢哋感到害怕。另一種係對自己處境上不確定性所帶嚟嘅恐懼。因為每一個懲教都有自己嗰套，A職員要你做甲事，而B職員卻唔准你做，令人無所適從，甚或做任何事情前都唔會知會你。尤其初入監時，就會更難適應。「我而家要去邊？」唔知。「而家幾點？」唔知。「我可以做啲咩？」唔知。但又會俾人鬧你做咩唔知，呢種就係懲教管犯嘅模式。久而久之，大家就認為，少說話多做事就唔會捱罵。「姑娘」（編按：懲教職員）正常少少都會覺得佢好好人，明明只係人與人之間正常應有嘅尊重同態度。感覺有啲似斯德哥爾摩症後群，俾人虐待緊而不自知，甚或更會多謝、同情施虐者。
對我而言，呢種係一種好危險嘅關係。因為一個人嘅棱角就會隨之而被磨蝕、被馴服。當中嘅恐怖之處在於囚犯會因而放棄自己應有嘅權利。所以當每次巡地方，當值懲教問到：「高級監督巡視，有要求投訴舉手。Senior Superintendent inspection, any request or complaint?」係冇人會舉手，即使其內心事前有幾深深不忿。
之前我申請轉單人倉，因為其實由我第一日（5月28日）入期數開始，已經聽到有人喺背後同我講：「你成日上報紙丫嘛，我認得你！」with hateful tone。又試過有人同我講：「行路小心啲呀」。咁我6月3/4日就同「期數老細」（編按：都係懲教職員）講，佢即刻安排我見DO(值日官)同第二朝見保安組「MiMi姑娘」。MiMi同我講收到我轉單人倉的申請，但過咗半個月，都無任何回覆。一直到我見到有太平紳士（6月17日）巡視時我舉手，之後CO(總懲教主任)先同我講申請轉單人倉唔洗舉手見太平紳士，仲要被話係我無填written form，而半個月來都無人叫我填form。
後來保安過來問我囚友：「梁凱晴有無呻過辛苦？有無呻過熱？」到底呢啲問題同我6月頭受言語恐嚇有咩關係？Anyway，最後（6 月22日）懲教都無批到我轉單人倉的申請，理由係「理據唔充分」。我即時問點解喺大欖（還柙時）會批我，到我第一日喺羅湖都有職員問我申唔申請，但到我真係入嚟耐咗，有需要申請時卻話唔批。懲教始終都係話結果唔會變，仲叫我真係受到攻擊時先同職員講。WTF！到時我都俾人打撚咗啦on99。
可以見到要投訴係極之困難，過程中亦有多重障礙。值日官又嚟問你，保安組又嚟問你，總懲教主任再嚟問你做咩舉手。彷彿令你覺得自己舉手係做錯事所以先要俾人盤問，而忘記呢個係自己本來應有嘅權利。所以當我舉手後，囚友問到我咩事舉手，得悉後竟然會有以下反應時，「多謝你。」「嘩，係囉我都想講好耐！」「好多人都覺得咁樣好衰，好彩有你幫我哋發聲！」「好叻呀你！」「嘩！你『夠膽』舉手嘅，好犀利我支持你！」，我甚或不解。因為呢啲不公嘅事，並非只係一個類似「英雄」嘅人物出嚟打救世人。而係人人都可以做所謂嘅「英雄」。
因為呢個係我哋本應有嘅權利，需要大家將佢付諸實踐先能夠帶來改變。如果大家人人都期望住一個「英雄」去為大家打點一切，為大家發聲，而唔去自己嘗試踏出呢一步，係冇可能會帶來任何一點嘅改變。
只可惜，好多人都因為恐懼而自我放棄，甚至抗拒呢種「權利」。呢樣係不樂見嘅事，所以我想身體力行，話俾大家舉手真係唔係咩可怕嘅事，投訴 / 爭取亦然。希望囚友們唔需要過分妄自菲薄，我哋雖然身陷囹圄，但同樣有我哋嘅人權同自由。
「車！你自己係政治人物，所以懲教先驚咗你啫！」呢句說話並唔正確。雖然我係一個在囚就DQ嘅區議員，但確實並唔係一啲高知名度嘅政治人物，所以懲教人員、囚友唔識我係等閒之事。我亦無意於人前透露自己身份，所以可能好多時，佢哋只係當我一般囚犯對待，只係覺得「做咩呢條友特別多事！」LOL。
當然喺懲教嘅角度情況係點我不得而知，歡迎來信告知LOL。但呢樣係我自身嘅感覺同經歷，希望令多啲人唔好怯。雖然喺一個權力不對等嘅地方，但我哋仍有空間去改變同爭取。（利申：雖然唔知呢個空間，喺呢個時世尚餘幾多時間。LOL）盡做啦！憑你嘅初心，良心，本心，咩心都好，對住唔啱嘅事，我哋仲有些少機會去爭取，遲啲可能連咁嘅空間都失去。畢竟呢兩年嚟，我哋失去嘅嘢太多了。希望可以帶到少少唔同嘅想法俾大家。
小編：*由於要隱去部份給友人的內容，未能直接刊登凱晴手寫真跡，配圖為經小編整理過的文字 ，請見諒*。
https://www.facebook.com/kwuntongfuture/posts/808990549985733
[小編：最新得知懲教正調查凱晴是否有違規行為，有機會會以單獨囚禁（水飯房）作懲處，正等候結果。最近到親友再探望凱晴，見佢再瘦咗。因工作環境較苛刻，出暗瘡、 出汗疹、難以入眠。雖然如此，佢知道牆外嘅人唔比佢好受，再次寄語大家要保持憤怒，唔好讓稜角被磨平。]
有時候收到信，或者朋友建議叫我唔好提懲教嘅嘢，驚佢哋留難我，我係一笑置之。對於權力差異，我並不恐懼。每每有不公義嘅事情發生，「我一定投訴佢！」好多人只流於口交部層面。有冇人諗過要舉手呢？點解會有呢種無形嘅恐懼呢？我諗就係一種所謂「威權式震懾」。
明明只係一種形式、儀式，去展現權力嘅不平等，慢慢對囚犯造成一種精神上嘅壓力。每日規定時間「巡地方」，一啲所謂好高級嘅職員會過嚟巡視。而工場 / 監倉 / 日間活動室，職員亦會喺事前三個字 / 半個鐘煞有介事嚴正提示我哋「喂巡地方喇，整理好儀容！」有時仲會惡言警告。自然俾到一種無形嘅壓力俾囚犯，令到佢哋感到害怕。另一種係對自己處境上不確定性所帶嚟嘅恐懼。因為每一個懲教都有自己嗰套，A職員要你做甲事，而B職員卻唔准你做，令人無所適從，甚或做任何事情前都唔會知會你。尤其初入監時，就會更難適應。「我而家要去邊？」唔知。「而家幾點？」唔知。「我可以做啲咩？」唔知。但又會俾人鬧你做咩唔知，呢種就係懲教管犯嘅模式。久而久之，大家就認為，少說話多做事就唔會捱罵。「姑娘」（編按：懲教職員）正常少少都會覺得佢好好人，明明只係人與人之間正常應有嘅尊重同態度。感覺有啲似斯德哥爾摩症後群，俾人虐待緊而不自知，甚或更會多謝、同情施虐者。
對我而言，呢種係一種好危險嘅關係。因為一個人嘅棱角就會隨之而被磨蝕、被馴服。當中嘅恐怖之處在於囚犯會因而放棄自己應有嘅權利。所以當每次巡地方，當值懲教問到：「高級監督巡視，有要求投訴舉手。Senior Superintendent inspection, any request or complaint?」係冇人會舉手，即使其內心事前有幾深深不忿。
之前我申請轉單人倉，因為其實由我第一日（5月28日）入期數開始，已經聽到有人喺背後同我講：「你成日上報紙丫嘛，我認得你！」with hateful tone。又試過有人同我講：「行路小心啲呀」。咁我6月3/4日就同「期數老細」（編按：都係懲教職員）講，佢即刻安排我見DO(值日官)同第二朝見保安組「MiMi姑娘」。MiMi同我講收到我轉單人倉的申請，但過咗半個月，都無任何回覆。一直到我見到有太平紳士（6月17日）巡視時我舉手，之後CO(總懲教主任)先同我講申請轉單人倉唔洗舉手見太平紳士，仲要被話係我無填written form，而半個月來都無人叫我填form。
後來保安過來問我囚友：「梁凱晴有無呻過辛苦？有無呻過熱？」到底呢啲問題同我6月頭受言語恐嚇有咩關係？Anyway，最後（6 月22日）懲教都無批到我轉單人倉的申請，理由係「理據唔充分」。我即時問點解喺大欖（還柙時）會批我，到我第一日喺羅湖都有職員問我申唔申請，但到我真係入嚟耐咗，有需要申請時卻話唔批。懲教始終都係話結果唔會變，仲叫我真係受到攻擊時先同職員講。WTF！到時我都俾人打撚咗啦on99。
可以見到要投訴係極之困難，過程中亦有多重障礙。值日官又嚟問你，保安組又嚟問你，總懲教主任再嚟問你做咩舉手。彷彿令你覺得自己舉手係做錯事所以先要俾人盤問，而忘記呢個係自己本來應有嘅權利。所以當我舉手後，囚友問到我咩事舉手，得悉後竟然會有以下反應時，「多謝你。」「嘩，係囉我都想講好耐！」「好多人都覺得咁樣好衰，好彩有你幫我哋發聲！」「好叻呀你！」「嘩！你『夠膽』舉手嘅，好犀利我支持你！」，我甚或不解。因為呢啲不公嘅事，並非只係一個類似「英雄」嘅人物出嚟打救世人。而係人人都可以做所謂嘅「英雄」。
因為呢個係我哋本應有嘅權利，需要大家將佢付諸實踐先能夠帶來改變。如果大家人人都期望住一個「英雄」去為大家打點一切，為大家發聲，而唔去自己嘗試踏出呢一步，係冇可能會帶來任何一點嘅改變。
只可惜，好多人都因為恐懼而自我放棄，甚至抗拒呢種「權利」。呢樣係不樂見嘅事，所以我想身體力行，話俾大家舉手真係唔係咩可怕嘅事，投訴 / 爭取亦然。希望囚友們唔需要過分妄自菲薄，我哋雖然身陷囹圄，但同樣有我哋嘅人權同自由。
「車！你自己係政治人物，所以懲教先驚咗你啫！」呢句說話並唔正確。雖然我係一個在囚就DQ嘅區議員，但確實並唔係一啲高知名度嘅政治人物，所以懲教人員、囚友唔識我係等閒之事。我亦無意於人前透露自己身份，所以可能好多時，佢哋只係當我一般囚犯對待，只係覺得「做咩呢條友特別多事！」LOL。
當然喺懲教嘅角度情況係點我不得而知，歡迎來信告知LOL。但呢樣係我自身嘅感覺同經歷，希望令多啲人唔好怯。雖然喺一個權力不對等嘅地方，但我哋仍有空間去改變同爭取。（利申：雖然唔知呢個空間，喺呢個時世尚餘幾多時間。LOL）盡做啦！憑你嘅初心，良心，本心，咩心都好，對住唔啱嘅事，我哋仲有些少機會去爭取，遲啲可能連咁嘅空間都失去。畢竟呢兩年嚟，我哋失去嘅嘢太多了。希望可以帶到少少唔同嘅想法俾大家。
小編：*由於要隱去部份給友人的內容，未能直接刊登凱晴手寫真跡，配圖為經小編整理過的文字 ，請見諒*。
https://www.facebook.com/kwuntongfuture/posts/808990549985733
凱晴bb
成日見到啲監躉都會問候政治犯
換個角度思考，只有刑事罪犯先最支持嘅政權代表咩
換個角度思考，只有刑事罪犯先最支持嘅政權代表咩
拿拿聲坐完離開香港啦，成個香港on9左咁耐佢都仲唔化
畀政權逼害到咁，仍然企硬，真心respect
希望你出黎後繼續守護我地
唔好移民
唔好移民
好勇
唔知立場姐姐點情況
唔知立場姐姐點情況
晴B推
佢唔應該要承受呢d野
