廣東歌、港劇都開始做得返起，希望下個係港產片(13) (殺出個黃昏 / 手捲煙 / 媽媽的神奇小子)

冇人放水就冇錢
冇錢就將貨就價
將貨就價啲人就嫌棄
vicious cycle

根據影評而決定睇唔睇套戲點解係隨波逐流？
唔睇係我思考完嘅結果
咁你唔理好壞都睇港產片，我又可唔可以話你唔用腦就盲目支持？

淪落人收到二千萬，我覺得鬧觀眾唔支持港產片係唔公道
你拍到好嘅片，就有好嘅成績
你用鏗鏘集嘅方式拍戲，就預咗唔啱大部份人嘅口味

與其怪觀眾根據影評唔去睇差嘅戲，點解唔怪導演拍套差嘅戲出嚟？
點解唔係問個導演，點解你拍唔到啲淪落人、幻愛水準嘅戲出嚟？
要觀眾用錢用時間入去戲院睇套戲有幾差呢個論點搞笑到極
點解唔係講套戲呢樣好嗰樣好，然後叫人睇？

呢個po有部份人下下將港產片票房差講到係觀眾嘅錯，然後導演等電影製作人就冇責任咁
呢種態度對港產片係百害而無一利

咪話最近幾套推既 差既例如濁水都好壞評語一半半
你就針住負評黎講
咪就係同時有人講緊好評 而有班人只係focus負評
難聽d講 姐係你咁

要唔要做海潮 妲妃

放心
我估呢啲由溫碧霞自己做番

咁點解淪落人、幻愛呢啲做到大部份好評，你做唔到？
然後你套戲有咁多負評，點解又變咗係觀眾嘅錯？
點解唔係電影製作人檢討下點解佢套作品冇咁多好評？

你可以選擇繼續盲目支持港產片，鼓勵導演繼續拍差嘅電影，然後繼續屌票
但我就只會支持好嘅港產片，即係淪落人、幻愛、手捲煙、殺出個黃昏呢啲
就係咁簡單

溫碧霞5x歲跌膊
周海媚4x歲露胸
中女係咪仲大把貨賣

你真係好牛頭唔搭馬嘴 好似一直都唔明我想講咩咁

又有一班隨波逐流 人地話好就好 差就差 唔會自己入場睇下係點
你嘅立場就係就算港產片拍得差，觀眾都應該入場睇下有幾差吖嘛

除咗遺愛同印度男友

濁水 手捲煙 殺出個黃昏都係好評嘅多
無論專業影評同movieapp呢啲

你講最近要觀眾入場睇有幾差就好似唔係幾成立喇

同埋好大問題就係
係咪套套都要淪落人/幻愛咁嘅style先叫好睇？

似鏗鏘集有咩問題？
濁水我入場睇
係呀節奏慢 但一定係缺點？我完全冇投訴
最尾個心好震撼咁走
反而手捲煙係好有風格
但故事冇咩驚喜
咁又係唔好睇？又唔係呀


港產片點解好極票房都係好似唔夠高
就係觀眾呢廿年都覺得西片係質素
港片係賭博

強如當年門徒賀歲檔都係收三千幾萬
然後合拍片出現再將質素拉低
之後彈起嘅本土片都係賣低俗嘢
所以當時嘅電影人都係好睇票房做人

但近年有首部出現
就畀咗自由度畀導演編劇 唔駛下下商業
出嚟有幾套質素好好
又係另一出路

第一次都會支持下
始終邊個導演未拍過爛片

好就好果句你食左?
仲有我一直講緊最近大家推果幾套(都係有一大堆負評)
之後你就話但我就只會支持好嘅港產片，即係淪落人、幻愛、手捲煙、殺出個黃昏呢啲 就係咁簡單
所以我就想問你明唔明我講緊咩
你以為我屌人唔睇 我的印度男友 呢D垃圾?
定你想借我屌其他人

我純粹想講唔好隨波逐流 人話好就好 差就差
你講呢幾套好評嘅多 同時都有負評
我第一段已經講左就算10個人鐘意/憎套戲 都可以有10個不同原因
咪自己入場睇 去感受
我一直既point就係咁 冇幫過講好/壞評既人講過任何說話
就係好多人睇左評語就當睇左
身邊一定有D咁既人之後同你係度傾
連自己對一件事 一套戲既睇法都交比其他人決定 其實係幾好笑

有冇諗過有部分觀眾只係想睇動作片？ 只係鐘意睇吳宇森式大轟炸？ 你拍濁水呢啲拍到攞金獅金熊佢地都唔會入場因為佢地都冇興趣 唔鐘意睇文藝作品又要比你地屌

冇興趣係第2個課題 我係冇參與討論 因為我同意你講法
但我只係講緊隨波逐流 幾時有屌其他人自由選擇
成班都係牛頭唔搭馬嘴

你話啲觀眾隨波逐流，好就多人睇
咁我咪回應：
咁點解淪落人、幻愛呢啲做到大部份好評，你做唔到？
然後你套戲有咁多負評，點解又變咗係觀眾嘅錯？
點解唔係電影製作人檢討下點解佢套作品冇咁多好評？
你又食咗我講啲嘢？

呢個po有啲人將票房差責任推去觀眾度，然後講到電影製作人冇責任咁

其他人咁關我咩事?
點解你要當我同其他人係同一個群體
當然有相同意見果陣咪一個群體 但明顯我講緊其他野
每個人都係唔同既個體
我講自己睇法 你咪就住我D論點去討論
你同我傾其他人係jm9姐

話隨波逐流嗰個係你喎，你話啲影評話套戲好，咁啲觀眾就會隨波逐流去睇
所以我咪問返你
咁點解淪落人、幻愛呢啲做到大部份好評，你做唔到？
然後你套戲有咁多負評，點解又變咗係觀眾嘅錯？
點解唔係電影製作人檢討下點解佢套作品冇咁多好評？

我又冇咁灰wo

應該～8個

我冇咁樂觀
過咗600萬超額完成

有影評話套戲差，我都要用錢用時間入場睇下有幾差？
你咁講即係我每套戲都要睇？
咁戲院每個禮拜都上咁多戲，你又係咪全部都入場睇晒去感受？

可能你嘅時間唔寶貴，但大部份觀眾一個禮拜最多都係睇一套戲
喺咁多套戲揀一套睇，根據影評決定有咩問題？

我覺得最大問題係
就算套戲做到有口碑有票房
一般都係得1000-3000萬
唔靠政府資助都係回唔到本
點樣打入到其他市場
唔使蝕住做電影先係重點