本來以為魔導師係男,但係竟然佢係女?呢一刻資訊量爆炸
一開始有個路人講嘅係第一個版本。
到魔導師出場再講事實,係第二個版本。佢自述:我和被稱做英雄的劍士一起組隊。
果個所謂英雄,放流言話自己打敗咗龍,所以佢先被人稱為英雄?而事實係魔導師單挑打贏龍,魔導師先有資格成為英雄。
個劍士話之後換隊友,魔導師覺得被友情好深嘅同伴背叛,先用結界封印佢。
而知道咗魔導師係女有咩唔同?再回顧成個故事。
劍士係蠻橫或者貪錢嘅人,魔導師實力咁強,仍然願意同佢組隊,又為佢冒險打龍。最後真心換絕情,劍士要人地個女做隊友,換走魔導師。
魔導師話同佢交情好深,會唔會只係友情咁簡單?
而到佢發光要走道別嘅時候,同二之宮講,一齊度過時後嘅時光,好開心。其實,魔導師嘅心願係咪想再見劍士一面?咁就解釋到佢點解要捉二之宮,因為二之宮同佢所想嘅劍士相似。
仲有一個疑問,劍士係點突破魔導師嘅封印?
如果魔導師嘅封印係咁弱,啊貓啊狗,唔識魔法嘅劍士都可以強行解除到,就唔叫封印,攞幾條繩札住劍士咪算囉
劍士係咪好強先可以突破到?如果係咁強,當初接任務打龍,隻龍咁難打,又唔幫魔導師就好顯得好奇怪。
故事看似簡單,但係話中有話。