故事簡介：
呢套漫畫入面嘅世界同我地現實幾乎一樣，但係只有一個分別
就係係呢個世界嘅人一出世係冇任何性別&性徵嘅，當成長到12/13歲時身體先會發育逐漸成長為「男人」或「女人」
而主角日生係少數到左17歲都未有性別嘅
「無性別者」
咁樣嘅佢有一日同時被青梅&竹馬(一男一女)表白，希望佢成為異性同自己交往。而日生最後究竟選擇那一條路？
一開始睇果時只係覺得呢套作品嘅題材幾特別，講同性戀、性別認同障礙、跨性別、性別定型，而且背景設定同故事發展係緊密相連嘅，唔係淨係單單用黎吸引眼球嘅設定
與其話套野係為LGBTI 平權，不如話係比d所謂嘅「正常人」(異性戀，冇性別認同障礙嘅人) 去了解性小眾嘅內心
作為一套青春戀愛漫，一定唔少得嘅複雜多角戀、胃痛劇情佢當然有
但作為以「性」做主題嘅漫畫，佢亦有用唔同嘅角色黎帶出一個又一個嘅疑問：
究竟友情同愛情嘅分別係咩 ？
(當中嘅分別係咪只係異性&同性嘅分別？)
性別對人黎講究竟係禮物定枷鎖？
現代對男女嘅既定形象越黎越模糊化現象？
酷兒問題 等等
雖則話漫畫嘅背景設定係架空嘅，但其實12/13歲前係「無性別者」呢個設定基本係同現實世界冇分別。試想我地係12/13歲身體未發育前根本唔會去特別分男or女，大家都係玩埋一堆。但當進入青春期時，「性別」呢道鴻溝將男性同女性分隔開黎，但又因性別之差將男女結合埋一齊
其中我覺得最出色嘅一part係描寫其中一個「無性別者」配角利茲，佢認為無性別嘅自己係自由嘅，話自己非男非女但亦男亦女；結果最後佢嘅身體卻違反佢嘅意志成長令佢擁有「性別」呢個「枷鎖」。接受唔到自己唔係自由嘅佢選擇了結自己嘅生命 (LGBT 版eren
)
但漫畫亦提到另一個觀點：擁有「性別」嘅我雖然話失去部分自由，但有時反而係「性別」讓我地睇到d之前留意唔到嘅野；而就算擁有「性別」你亦可以自由選擇愛嘅人 (無論係異性定同性)
一套好嘅漫畫唔只係令你得到共鳴而係令你感受到巨大衝擊力。因為有衝擊先會令你有新思維，作為一個「正常」性取向嘅人，我睇呢套漫畫時真係有衝擊感，因為身邊冇人係LGBTI，問呢套野令我可以從佢地嘅角度去睇呢個世界
推介比中意睇愛情漫，or想了解性小眾嘅你
係宜家逐漸開放嘅呢個世界入面，你唔再淨係可以單單選擇成為「男性」or「女性」；你可以成為成為自己想要成為嘅人.... (但當然要自己衡量返會比保守派人士排斥嘅風險)
希望唔會有痴線佬衝入黎發癲
）
因為毒所以至大把時間去諗野咋