Apple trade in嘅流程係點？

諗住過幾日back to school優惠用舊macbook換新macbook，想問下流程係點？

到時佢會有人上門收？定要自己寄過去？如果親自拎去門市又得唔得？

同埋會幾時嚟收？最遲又係幾時？因為我想轉移晒資料先拎部舊機返去又得唔得？

推

係咪開錯台

Macbook唔清楚
之前trade iphone係拎舊機去apple store
補返新機差價 staff會幫你將舊機資料過落新機
即時收走舊機

唔該巴打，不過我係經back to school online買所以想知網上買點trade

幫你推下post啦咁

本身去apple store可以trade in,然後比張gift卡你買apple野，可以用來online買

問題係back to school冇得用gift card，官網就話收咗機之後會refund落我畀錢嗰張卡 不過想知佢會唔會等我收咗新機轉好資料再收舊機啫

聽日打去Apple Store問啦

唔想行可以上佢網站登記
之後會有速遞送包裝盒黎
照佢指示包好部機再打電話叫人上嚟收
之後等一段時間就有gift card email俾你

聽聞好似trade in可以
但問下apple好d

好，唔該晒巴打

我係上網買，同時揀埋trade in，之後佢會畀個期你，你就喺限期之前寄部舊機返去

個期好寬鬆，夠你過晒data去新機先

之後可以揀搵人上門畀個盒你，你裝好之後再叫人嚟收，或者親自拎去順豐站出示apple畀你嘅code，佢再寄返去，兩種選擇都係免費嘅

我喺教育online store買，用信用卡買，所以trade in嘅錢會去返信用卡

如果親身拎去trade就好似係trade gift card所以online trade好似好啲，not 100% sure

唔知係咪你想知嘅嘢

應該係教育online store買嘢同時trade in先有得退錢落信用卡，分開就咁trade嘅話只可以trade gift card

係！唔該曬！正正想換新macbook爬文中！
最後你係揀搵人上門收定自己攞去？
見佢如果要預約攞完盒再預約收件好似有啲麻煩，
想直接兩手fingfing去樓下順豐寄算。

我自己出開街順便拎去順豐

係呀預約拎盒再叫佢嚟收件驚佢唔準時，唔想浪費咁多時間等

巴打寄完之後等咗幾多日收到email confirm trade-in個價？隔幾耐退返落張信用卡到？

由我將部macbook拎到去順豐站，到收到email話退錢啱啱好一個禮拜，不過信用卡就再過多兩日先顯示到多咗錢

confirm個價同退錢係同步進行

Trade in佢話14日內要寄返舊機俾佢
但我買13pro 11月先送貨 點過到資料

印象中個trade in限期會喺你收到新機之後先開始計

我當初由落單到trade in deadline成4個禮拜

唔太肯定，你可以打去apple 問下

啱先我睇返紀錄

應該係新機出咗貨，換購程序先會開始，到時先開始計14日

哦 唔該晒

想問下係咪要揀咗上門先會有個盒再寄到番去

揀上門你就約個期會有人送個盒畀你包裝，之後你裝好就再搵人嚟收

揀拎去順豐站就最方便，直接畀部機同個code佢就得，佢即場同你包裝好